مشكله فى استهلاك البنزين رغم مرور سنه كامله على السياره

[tarek_2005]

بعد اذنك استاذ طارق مش فاهم الحته دى ( لابد من مقابلة المصروف بالعائد )

قصدي شوية بنزين زيادة مقابل ثبات اكثر علي الطريق
وزن السيارة بيحتاج قوة لدفعه وطبعاً العلاقة طردية كل ما ذاد الوزن احتجت قوة اكبر كل ما احتجت لوقود اكثر

سؤال اخير لو سمحتوا لسه العربيه لحد دالوقتى صوتها حالى رغم مرور سنه ومشت حوالى 9 الاف كيلو ومغيرلها زيت كاسترول ايدج بقالها 3 الالف

الدايو معروف ان صوت محركه عالي شوية انتا كنت راكب ايه قبلها

وانا كمان مش فاهم قصد حضرتك يا استاذ طارق انت قصدك ان الفيرنا استهلاكها اقل رغم انها 1600cc

ايوة لان المحرك اكبر اه بس البودي اخف بكثير فعدد دورات محرك اقل بكثير من عدد دورات المحرك عندنا
يعني استهلاك اقل

[niceword]

و انا أزاى اعرف العربية بتعتى مظبوطة على ايه 92 او 95 او 90 او 80
عربيتى لانوس 2012 لسه ما كملت شهر

ونافعه قصه 80 مع الدايو بتمشى كويس العربيه

[tarek_2005]

و انا أزاى اعرف العربية بتعتى مظبوطة على ايه 92 او 95 او 90 او 80
عربيتى لانوس 2012 لسه ما كملت شهر

بتنزل مظبوطه علي 87 اوكتين من المصنع

[ahmedalshora]

الدايو معروف ان صوت محركه عالي شوية انتا كنت راكب ايه قبلها
كنت راكب لانسر واخويا معاه اوبترا
سؤال أخير ايه البنزين الاوفر فى الاستهلاك مع ظبطة ال 91 . هل بنزين 90 ام بنزين 92
وشكرا أستاذ طارق وحمدلله على السلامه

[niceword]

و الواحد ازاى يظبط نوع البنزين و ما هو الانسب و الافضل ليها
وله محتاجة ان الواحد يروح التوكيل علشان يظبط نوع البنزين المستخدم

[mostafa mahmod]

و الواحد ازاى يظبط نوع البنزين و ما هو الانسب و الافضل ليها
وله محتاجة ان الواحد يروح التوكيل علشان يظبط نوع البنزين المستخدم

بتظبط فيشه الاوكتان و بتعملها انت بايدك مش مستاهلا توكيل ولا حاجه
شوف اللينك ده هيفيدك

http://www.nilemotors.net/Nile/151996-a.html

[Abdm]

بتنزل مظبوطه علي 87 اوكتين من المصنع

يا باشا أنت متأكد بعد أذنك أنها بتنزل 87 أوكتين ... يعنى معنى كدة أنها مضبوطة على بنزين 90 صح كدة ولا أية يا باشا

ثانيا : هما مش المفروض يضبطوها بحيث تنزل مضبوطة على أوكتين أعلى من 87 يعنى مثلا 91 أو 92 من غير ما ألعب فى فيشة الآوكتين علشان المحافظة أكتر على أداء الموتور

ويا ريت يا باشا تأكدلنا قوى على موضوع 87 دة ........ وجزاكم الله خيرا

[tarek_2005]

الدايو معروف ان صوت محركه عالي شوية انتا كنت راكب ايه قبلها
كنت راكب لانسر واخويا معاه اوبترا
سؤال أخير ايه البنزين الاوفر فى الاستهلاك مع ظبطة ال 91 . هل بنزين 90 ام بنزين 92
وشكرا أستاذ طارق وحمدلله على السلامه

علشان كدا بتقول صوتها عالي

ثانياً وعن تجربة مع ظبطة ال 91 مش بتفرق كتير اوي في الاستهلاك بين بنزين 90 وال 92 يعني في مسافة 400 كم مش هتفرق لتر او اثنين علي اقصي تقدير فرق وال 90 اوفر من ال 92 مع ظبط الفيشة علي 91

[Abdm]

بتنزل مظبوطه علي 87 اوكتين من المصنع

يا باشا أنت متأكد بعد أذنك أنها بتنزل 87 أوكتين ... يعنى معنى كدة أنها مضبوطة على بنزين 90 صح كدة ولا أية يا باشا

ثانيا : هما مش المفروض يضبطوها بحيث تنزل مضبوطة على أوكتين أعلى من 87 يعنى مثلا 91 أو 92 من غير ما ألعب فى فيشة الآوكتين علشان المحافظة أكتر على أداء الموتور

ويا ريت يا باشا تأكدلنا قوى على موضوع 87 دة ........ وجزاكم الله خيرا

يا بشمهندس طارق يا ريت حضرتك تأكد الكلام دة صح وأكيد ولا أية ... يعنى لو الموضوع صح الآفضل نستخدم بنزين 90 ولا 92 من حيث أفضل أداء وكمان من الناحية الآقتصادية هل البنزين ال 90 هيعمل كيلوهات أكتر من ال 92 ولا هى هى ... يا ريت الرد من حضرتك أو الآستاذ محمد ممدوح

وجزاكم الله خيرا

[tarek_2005]

يا بشمهندس طارق يا ريت حضرتك تأكد الكلام دة صح وأكيد ولا أية ... يعنى لو الموضوع صح الآفضل نستخدم بنزين 90 ولا 92 من حيث أفضل أداء وكمان من الناحية الآقتصادية هل البنزين ال 90 هيعمل كيلوهات أكتر من ال 92 ولا هى هى ... يا ريت الرد من حضرتك أو الآستاذ محمد ممدوح

وجزاكم الله خيرا

دا شكل لفيشتين واحدة من عربيتي ودي مكتوب عليها 87 ودي الاصلي وبجوارها واحدة فاككها من نصف كان جي من اوروبا مكتوب عليها 95 في مصر كل العربيات بتنزل مظبوطه علي 87


بنزين 90 اوفر مع ضعف خفيف في الاداء مقارنة ببنزين 92 والفرق بين 90 و 92 علي ظبطة 91 لفيشة الاوكتين بيبقي حوالي 20 كم كل تفويلة

[ahmedalshora]

دا شكل لفيشتين واحدة من عربيتي ودي مكتوب عليها 87 ودي الاصلي وبجوارها واحدة فاككها من نصف كان جي من اوروبا مكتوب عليها 95 في مصر كل العربيات بتنزل مظبوطه علي 87


بنزين 90 اوفر مع ضعف خفيف في الاداء مقارنة ببنزين 92 والفرق بين 90 و 92 علي ظبطة 91 لفيشة الاوكتين بيبقي حوالي 20 كم كل تفويلة

تحياتى لك استاذ طارق وشكرا لردك على كل استفسار انت والاستاذ محمد ممدوح
السؤال دالوقت : مع ظبطة ال 91 اوكتين تقريبا او متوسط الصفيحه تعمل كام كيلو داخل البلد ؟

[tarek_2005]

جوا البلد مش مقياس حسب مشاويرك والاشارات والزحمة ولكن في المتوسط من 180 الي 200 كم لكل صفيحة

[ahmedalshora]

جوا البلد مش مقياس حسب مشاويرك والاشارات والزحمة ولكن في المتوسط من 180 الي 200 كم لكل صفيحة

عملت تعديل الفيشه وشيلتها خالص وكده ظبطة ال 91 اوكتين وفولت بنزين 92 لحد الزور وجارى التجربه ويارب الاستهلاك يتظبط بقى قولوا امين

[ahmedalshora]

السلام عليكم اخوانى الاعزاء
كنت قد عدلت فيشة الاوكتين من كام يوم على ظبطة الـ 91 وبحط بنزين 92 علما بانى قبل ذلك عانيت جدا من استهلاك بنزين عالى جدا مع ظبطة الـ 95 .
المهم انا رحت مشوار طويل النهارده من عندنا من كفرالزيات الى بنى سويف ذهابا وايابا ومشيت حوالى 600 كم وكنت مفول التانك الصبح للزور وفولته من نفس البنزينه عندنا برده للزور لقيتها أخدت 50 لتر او 49 فكده ايه رايكم فى الاستهلاك علما بانى كنت مشغل التكييف حوالى 75% من الطريق وايضا الطريق كان جميل جدا فشديت شويه لحد ما وصلت لسرعة 180بس كان متوسط سرعتى تقريبا 140 وايضا كان فيه احيانا زحمه كتير واشارات وحجات من دى .
عايز رايكم بقى فى الاستهلاك كده اخباره ايه وبالاخص من خبيرنا الكبير الاستاذ محمد ممدوح ابو يوسف والستشارى العظيم الاستاذ طارق ايضا .
والعربيه لانوس 2011 عامله 9500 كم يعنى مكملتش ال 10 الاف
وملاحظ ان العربيه صوتها عالى
فأفيدونى ربنا يخليكم
وجزاكم الله خيرا

[ahmedalshora]

يا جماعه ليه صوت العربيه عالى عن اى عربيه دايو تقريبا كده 10 الاف كيلو ومغير زيت كاسترول ايدج من حوالى 4 الاف وحالته فوق الممتازه بس ايه سبب ان الموتور صوته عالى قوى ليه كده ؟ لانوس 2011 وسؤال اخير المفروض ان الزيت التخليقى اللى بيقعد ل 15 الف مثلا هل له فتره من الزمن اما تنتهى يبقى لازم ينزل بالرغم ان العربيه ممشتش المسافه دى يعنى مثلا ممكن يفضل سنه فى الماتور وينزل بعدها ولا اكتر ولا اقل ؟ وشكرا مقدما للاستاذ محمد ممدوح والاستاذ طارق:b4_388::b4_388::b4_388: