تشحيم

[MMamdouh]

طبعا كلامك على راسنا من فوق و اللى بقوله مش مكتوب فى الصيانات و انا عارف بس ده عن تجربة شخصية ان عند حوالى 60 الف حصل عندى صوت لما الف الدركسيون و العربية واقفه و لما فتحت الغطيان لاقيت البلى عريان و الشحم اللى عيه شبه مختفى و شحمت و اختفى الصوت و من ساعتها و انا باحط حته شحم مع غيار الزيت و انا واقف مع الراجل

يعنى اعتقد الموضوع مش هيخسر و مش هياخد وقت او مجهود و يمكن كمان يطول عمر البطاحة

اما موضوع بلى العجل الخلفى: اتعودت ارجلش فرامل اليد من الصالون و لما الرجلاش يجيب أخر المشوار نفك العجل الخلفى و نرجلش منه و كاجراء وقائى ان يكون دخل وساخه على الشحم اثناء الفك باخلى الميكانيكى يغسل البلى بالبنزين و نحط شحم جديد
يعنى برضو مش لازم نفك مخصوص عشان نشحم و نخليها مع كل مره نفك فيها الطنابير الخلفيه لأى سبب

الحكايه وجهه نظر من واقع تجربة شخصية
ولك كل الاحترام

انا فاهم قصدك يا باشا...

انا قصدى ان الحاجات دى مش بتتعمل بشكل دورى... يعنى محدش بيشحم البطاحات الا لو طلعت صوت مثلا او بيشحم البلى الخلفى الا اذا فك الصرة عشان رجلاش تيل و كدة لكن دة مش بيحصل فى الصيانات الدورية

العربيات القديمة كان بيض الدركسيون و بيض المقصات و بعض انواع صلايب الكردان كانت بتتشحم بشكل دورى و كان بيتكم كبس الشحم فيها من مسدس زى المسدس اللى بيضخ زيت الفتيس او الزيت السايب فى محطات البنزين و دة كان بيتم بشكل دورى

دة السبب انى قولت ان مفيش حاجة بتتشحم لان عملية التشحيم نفسها يقصد بيها التشحيم الدورى... احنا عندنا بنعمل كدة لو فية مشكلة او و انت فاكك القطع لعمل صيانة

MMamdouh

[more_try2]

فرامل العربيه مش مرتاح ليها

متابع

[mero100]

3 صيانات دوريه مريت بيهم في التوكيل ....5000...10000.....15000

و همه ماشيين علي جدول و كل صيانه بيتم تنظيف التيل امامي و خلفي و عمل رجلاش للتيل و غسل البليتين الخلفيتين بالبنزين فعلا زي ما احمد قال ....و كبسهم شحم و بالمناسبه اخر مره خلوني اجيب شحم الماني في علبه زرقاء ب 60 جنيه و محترم جدا ......و سألت المهندس لازم موضوع الشحم كل صيانه ؟....قاللي ايوه كل 5000.....و بكده يبقي الموضوع بيحصل بشكل دوري .....لان ده التوكيل و ماشي بجدول و كان ممكن ميعملش الكلام ده لو مش مهم .

المهم ...سؤال ل احمد عزت ....انا عارف البطاحات بس الكاوتش الاسود اللي باين ده تقريبا تحت الصاج ....بيتفك عادي كدةة ؟؟....معلش اشرحلي بتفصيل شويه

[ramyraby]

الله ينور عليك يا ممدوح باشا

كلام مظبوط

[ahmedezzat78]

المهم ...سؤال ل احمد عزت ....انا عارف البطاحات بس الكاوتش الاسود اللي باين ده تقريبا تحت الصاج ....بيتفك عادي كدةة ؟؟....معلش اشرحلي بتفصيل شويه

هتفك الغطاء البلاستيك اللى فى الصوره و تشحم و تكبس الشحم و تقفل



Uploaded with ImageShack.us

[mero100]

هتفك الغطاء البلاستيك اللى فى الصوره و تشحم و تكبس الشحم و تقفل



uploaded with imageshack.us

متشكر اوي يا بو حميد لإهتمامك :-)

بالمناسبه ....البطاريه عندي عامله نفس المنظر اللي عندك ده ....بعملها كشف كشف دوري تقريبا كل شهر ...الكهربائي قاللي ده بخار و طبيعي ....بس عارف ...الجافه انضف بكتير بصراحة ....

معلومة تانيه من شركه كلورايد .... عملوا مصنع بطاريات جافه في مصر .... و الانتاج حينزل اليومين دول .. ده كلام من فرع الشركه ف عباس العقاد ....و اعتقد ان حيبقي سعر البطاريه حلو و طالما اول انتاج حيبقي ممتاز ...مانت عارف سياسه الانتاج في مصر :-)

[ahmedezzat78]

تحت أمرك ياباشا

لو الغطيان مربوطه جامد مش هتشوف المنظر ده

على فكره البطاريات الجافه مش جافه !!!! هيه سائله بس محكمة الغلق (بدون غطيان) فتلاقى الحامض جواها بينقص لغايه ما تموت عشان كده عمرها أقصر من السائله العاديه ..... ميزتها النظافه و عدم الصيانه

البطاريه السايله دى انا بازود ميتها كل اربع شهور تقريبا و بتاخد نص زجاجه مياه مقطره

بطاريه الفابريكه قعدت تقريبا 3 سنين و بطاريتى الحاليه بقالها سنتين و شويه يعنى قربت .... لو عرفت ان كلورايد الجافة نزلت ابقى قولنا

[mero100]

ان شاء الله .... انا متابع الموضوع ده .... لان كلورايد زمان كانت ممتازة و سمعتها 10/10