شكلها خربت والله اعلم

[Car's Sniper]

قبل الجمعة وانا رايح مشوار فى المطر دا لاقيت العربية عالخامس عند سرعة 100 راحت مفرملة فرامل موتور(كأنى سقطت نقلة) ادوسلها بنزين مافيش لغاية مالسرعة نزلت ل80 عافية وانا دايس بنزين
قلت يمكن المطر مأثر على حاجة فوانا راجع دلوقتى مافيش مطر والعربية عملت نفس الفرملة على الخامس
رحت مسقط نقلة ومشيت عالرابع لاقيتها عند سرعة 90 بردو بتفرمل وكأنها بتتخانق مع نفسها
وكأن الحكاية متعلقة بالار بى ام
المهم ببص على زيت الماتور لاقيته قريب من المنيمم بحاجة بسيطة بس مش لدرجة انه يعمل فى العربية كدة
بس افتكرت انى زودت زيت فتيس وشديت مع الميكانيكى اللى عملها عشان حط نص لتر زيت كدة بالويم بدون اى اساس وانا شاكك ان الفتيس مكانش ناقص زيت اساسا وحاسس ان فيه زيت زيادة دلوقتى
ياترى هو اللى ممكن يكون السبب فى الحكاية دى؟؟
وهاقولكوا اللى حصل بالظبط مع الميكانيكى فى المشاركة الجاية للى عايز يعرف

[Car's Sniper]

من كام يوم رحت اقيس زيت الفتيس مالقيتش حد بيقيسه خالص وخصوصا لما يعرف انها مانيوال لغاية مالاقيت واحد بس
رحتله لاقيته بيقيسه من فوق قلتله بس اللى اعرفه انه بيتقاس من تحت
راح رافع العربية بكوريك روحت قايله ان بردو لسة واحد قايلى ان ماينفعش يتقاس بالكوريك ولازف العربية تترفع على هيدروليك لان كدة الزيت مش هيبقى مظبوط والعربية مايلة
المهم قاللى هو الزيت ناقص وعلى ضمانته قاللى اروح اشترى زيت
روحت اشتريت زيت موبيل ب 28 جنيه كيلو واحد
المهم اشتريت الزيت والواد بيحطهولى باقوله انت بتحط بالويم ...راح قايلى مش انت اللى قلتلى حطه
قولتله وانت بتحطه على اى اساسا على اساس كلامى ولا على اساس اللى انت قسته ؟؟..المهم كلام منى على كلام منه شديت معاه وزعل لانى باشكك فى قدراته
دا طبعا بعد ماحطلى نص كيلو زيت وكان ناوى يحط الجركن كله
قلتله انت تيجى معايا اجرب الفتيس الاول قبل اى حاجة
خدته معايا وخدت لفة بالعربية مازدتش فيها عن سرعة 70ولاقيت الفتيس زى ماهو
قلت خلاص
ورحت مديله حسابه ومشيت والنهاردة اول مرة اعدى سرعة ال70 واول ماجبت ال100 العربية بقت بتدى فرامل موتور لوحدها

[HASSAN SERRY]

متابع

[ramyhekal]

لو العربيه فرملت لواحدها وانت ماشى ودا كان حصل معايا فى النوبيرا
كانت دواسة الفرامل بتبقى محجره شويه كل شويه العربيه تفرمل لواحدها ولو على الاول او التانى داخل البلد بتقف خالص
غيرت ماستر الفرامل كله بواحد جديد واتصلحت
وبعد كده عرفت ان اللى كان عايز يتغير الكاوتش اللى جوه الماستر بس مش كله او حاجه زى كده يعنى

[Car's Sniper]

لا لا دى حاجة متعلقة بالار بى ام وانا مدى غيار فكنت شاكك فى الفتيس خصوصا ان دا هو اللى لسة لاعب فى الزيت بتاعه قريب
الفرامل بتبقى عاملة زى فرامل تسقيط النقلة بالظبط..حاجة خانقة العربية ...وبتقلل سرعتها كمان
بس لازم على السرعات العالية
السرعات المنخفضة طبيعية خالص
وشكرا على رد حضرتك

[walidzakzok]

الزيت لو قليل او زيادة ميعملش المشاكل دي مدام الجير حالته كويسة

[Car's Sniper]

طب لو البنزين مشكوك فيه؟؟ ممكن يعمل كدة؟؟

[walidzakzok]

هو انا مبحبش افتي بصراحة بس المشكلة ان الميكانيكية بيفتوا جامد...بس هل ممكن يكون السبب بوجيه بيقططع مثلا؟

[Eng.Geo]

انا شاكك انها بتتلت !

[ahmedezzat78]

ممكن طلمبة بنزين

[Car's Sniper]

فى بداية ازمة البنزين مونت العربية من بنزينة غريبة(الوحيدة اللى كان فيها 92) ومن يومها الغعربية بقت بتكركر على خفيف
ودا مش هايطلع عن بنزين مغشوش او بوجيهات بايظة
لكن الغريب هو الفرملة لدرجة انها بتقلل السرعة حتى لو دايس بنزين كأنها بتتخانق معايا

ممكن البنزين او البوجيهات يعملوا كدة؟؟

[hamido46]

أنا حصلي الحضرتك بتقول عليه بس هي مرة واحد و محصلش حاجة بعدها فه أنا شكت مكن يكون بنزين مغشوش فه ممكن يكون عند حضرتك كدة ....استنى لحد ما التفويلة تخلص و حط من بنزينا إنت عرفها و شوف اه إلي هيحصل

[mazagngi2010]

حصللى الموضوع ده مره فى ال323 ومبقتش بتقبل الخامس فى المشاوير الطويله بعد حوالى 200 كم وطلع ان الفتيس مفيهوش زيت

[tarek_2005]

تاكدت ان الي بتسميه (( ميكانيكي )) ده ربط الطبة بتاعت الفتيس كويس ولا سابها مش مربوطة وقيس زيت الفتيس عند حد محترم علشان ماتخسرش الفتيس بتاعك لان شكل الفتيس ناقص زيت جداً

[m_elkhishin]

ممكن يكون طلمبة البنزين ضعيفة
بس الاحتمال الارجح ان العربية متلته
1- شوف سلوك البوجيهات واتأكد انها راكبة كويس (لازم تفك غطا الموتور البلاستك)
2- لو جوان التاكيهات عندك بيجيب زيت، احتمال تكون سلوك البوجيهات غرقانة زيت
3- فك البوجيهات واتأكد انها سليمة