شكلها خربت والله اعلم

[Car's Sniper]

شكرا على ردود حضراتكم..عموما مشوايرى بالعربية هتكون قليلة جدا الشهر دا بسبب الامتحانات فمش هاعرف اخلص التانك الايام دى خالص ..التانك لسة فى نصه

تاكدت ان الي بتسميه (( ميكانيكي )) ده ربط الطبة بتاعت الفتيس كويس ولا سابها مش مربوطة وقيس زيت الفتيس عند حد محترم علشان ماتخسرش الفتيس بتاعك لان شكل الفتيس ناقص زيت جداً

دى اتأكدت منها اول ماخرجت من عنده وقفت العربية وبقيت ابص تحتها مالقتش اى تسريب زيت والحمد لله ..هى كانت نقطة واحدة ودا بسبب انه فتح الطبة عشان يورينى ان الزيت كدا مش ناقص...بس دا والعربية باردة معرفش ممكن مع السخونية والتمدد يحصل حاجة ولا لأ وللاسف مش لاقى حد بيقيس زيت.. مافيش ولا واحد بيرضى يبص عالعربية اول مايعرف انها مانيوال

ممكن يكون طلمبة البنزين ضعيفة
بس الاحتمال الارجح ان العربية متلته
1- شوف سلوك البوجيهات واتأكد انها راكبة كويس (لازم تفك غطا الموتور البلاستك)
2- لو جوان التاكيهات عندك بيجيب زيت، احتمال تكون سلوك البوجيهات غرقانة زيت
3- فك البوجيهات واتأكد انها سليمة

عندى فعلا المشكلة دى...الماتور بقى بيرشح زيت من جنابه كتير جدا لدرجة ان الزيت اللى حاطه من ييجى شهر ونص نزل للمينيمم دلوقتى والمكنة كلها زيت

بما ان المشكلة دى ممكن يكون ليها اكتر من سبب
فالاولوية هاتكون لزيت الفتيس هاشوف اى كائن حى يعرف يقيسه
ثانيا هاشوف البوجيهات وسلوكها لان فعلا الزيت مسرب عليها كتير
والبنزين دا هاخليه للاخر لان لو مغشوش كانت العربية عالاقل ماتستجيبش لضغطة البنزين اما تفرمل دى غريبة شوية
وشكرا ليكم جميعا على نصايحكم المفيدة

[Sherif Khalifa]

شيل سيلك البوجية و شوف فجوية البوجية
فى الغالب هتلاقى زيت فى فتحة البوجية و السلك شرب الزيت

[tarek_2005]

الطبة لو مش مربوطة مش هتسرب زيت والعربية واقفة هتسرب زيت والعربية ماشية افتح الطبة بنفسك وقيس الزيت بنفسك واحكم ربط الطبة بعد ماتخلص

[bedos]

نقيس زيت الفتيس إزاي بقى ياريت لو فيه لينك او رابط للموضوع دا

[bedos]

هل ينفع اروح لواحد اخليه يسحب الزيت كله بالهوا واحط المقاس المحدد اللي هو 2.8 لتر على ما اعتقد

[ahmedezzat78]

مش هينفع تسحبه لكن ينفع تفك كارتيره الفتيس و تفضى الزيت

الكميه الصح 1.8 لتر