اتنصب علي

[S.Hasan]

السلام عليكم ورحمة الله

انا محتاج رايكم في المشكلة دي انا اشتريت عربية لانوس 2008 وحالتها كانت حلوة اوي وبصراحة انا ماليش في العربيات اوي فروحت رفعتها في بنزينة ودي كانت سبب اللبسة اليل لبستها الراجل بتاع البنزينة قالي كويس ة وزي الفل وعلي هذا الاساس اشتريت المهم واحد صاحبي بيتفرج عليهم قالي العربية دي مش عجباني انت رفعتها قولتله اه قالي لا تعالي نرفعها في بنزينة انا عارفها روحنا رفعناها الراجل قالي العربية دي مركبة نص امامي والنص ده بتاع لانوس موديل 99 او 2000 بالمايمنة بتاعتها طبعا انا اتصدمت ومش عارف اعمل ايه وبصراحة خلاص عاوز ابيعها ومش عارف هتتباع ازاي ولو اتباعت هتجيب كام ؟؟
ياريت تقوليلي رايكم علشان انا خلاص مش طايق نفسي

[Land_Cruiser]

ده غش بين. ارجع للى باعهالك و قوله على الحكايه دى لانك مشتريها على انها. سليمه و لو هتبيعها لحد تانى لازم للامانه تقوله على الحكايه دى و اكيد هتخسر فيها مبلغ محترم و لذلك الافضل ترجع للبائع الاول و تواجهه. هو حضرتك شفت مكان اللحامات بنفسك و لا ده كلام بتاع البنزينه؟ يعنى ده كلام ميه فى الميه سليم و لا. ده تخمين و لا ايه؟

[ah-gawad]

اتاكد الاول من الكلام ده انه صحيح و لو صح ارجع للي اشترتها منه و حاول معاه و ان كنت اظن انك لن تصل معه لحل لانه من الاول مقالش علي اللي في العربية و لو هو ده الواقع رايي حاول تتعامل مع الواقع و خد وقتك بالعربية و لما تيجي تبيع تكون امين في البيع و توضح العيب و متزعلش من الخسارة و ربنا يبارك لك ان شاء الله

[S.Hasan]

ده غش بين. ارجع للى باعهالك و قوله على الحكايه دى لانك مشتريها على انها. سليمه و لو هتبيعها لحد تانى لازم للامانه تقوله على الحكايه دى و اكيد هتخسر فيها مبلغ محترم و لذلك الافضل ترجع للبائع الاول و تواجهه. هو حضرتك شفت مكان اللحامات بنفسك و لا ده كلام بتاع البنزينه؟ يعنى ده كلام ميه فى الميه سليم و لا. ده تخمين و لا ايه؟

هو شالي الكاوتشة اللي تحت البرابيز من بره ووراني مكان التقاء النصين يعني وراني الشفة بتاعة النص مع الشفة بتاعة البضي ونفس الموضوع لما شال الكاوتشة اللي عند الباب اليمين والشمال

[S.Hasan]

اتاكد الاول من الكلام ده انه صحيح و لو صح ارجع للي اشترتها منه و حاول معاه و ان كنت اظن انك لن تصل معه لحل لانه من الاول مقالش علي اللي في العربية و لو هو ده الواقع رايي حاول تتعامل مع الواقع و خد وقتك بالعربية و لما تيجي تبيع تكون امين في البيع و توضح العيب و متزعلش من الخسارة و ربنا يبارك لك ان شاء الله

عندك حق ولا هعرف منه حق ولا باطل

هي ثمنها كده ممكن يبقي كام ؟؟

[osama.m]

لو حضرتك كاتب شرط جزائي قليل شوية في العقد يبقى رجعهالة و مش مهم الفلوس
لو كتير يبقى تسيب العربية عندك شوية و بعد كدا بيعها
حسبي الله و نعم الوكيل في اللي باعلك و بتاع البنزينة

[S.Hasan]

لو حضرتك كاتب شرط جزائي قليل شوية في العقد يبقى رجعهالة و مش مهم الفلوس
لو كتير يبقى تسيب العربية عندك شوية و بعد كدا بيعها
حسبي الله و نعم الوكيل في اللي باعلك و بتاع البنزينة

حسبي الله ونعم الوكيل

[zocor742]

لا حول ولا قوة الابالله
مش عارف الناس دى بتعرف تنام ازاى
دة احنا لما بعنا الاوكتافيا 99 قولنا للمشترى كل فتفوتة فى العربية
حاول مع البايع وشوف حوار الشرط الجزائى و معلش ربنا يعوضك بالى احسن منها

[S.Hasan]

يا جماعة سعرها يبقي كام علشان انا عاوز انزلها للبيع ؟؟

[lad]

هتبقى رخيصة اوى لو بعتها لأن ده فى اساسيات العربية خليها و خلاص انت شريها بكام اصلا؟

[blazer]

هتقل جااااامد
مش اقل من 10000
والله اعلم

[S.Hasan]

هتقل جااااامد
مش اقل من 10000
والله اعلم

انت تقصد ثمنها هيبقي 10000 ولا هتقل 10000 عن ثنمتها ؟؟

[semonmak]

هتقل للاسف عن تمنها الطبيعى حوالى 12000 بالظبط عن سعرها طالما فيه لحام فى الشاسية
يعنى اعتقد هتتباع ب 32000 جنية اكتر او اقل انت وحظك
وربنا يعوض عليك

[tarek_2005]

اتاكد اولاً انها نصفين وبعديد اتكلم روح محطة ثالثة ومتقلهوش علي الي في العربية وخليه يبص عليها او روح لسمكري امين وقوله يبص علي العربية وبعدين اتكلم في اي حاجة تانيه

[ahmed.zahra]

خلي سمكري يبصلك عليها كويس الأول و رأيي انها لو طلعت نصين تكمل بيها شوية و بعدين بيع عشان تخفف الخسارة شوية و ربنا يعوض عليك