اتنصب علي

[ahmad333]

انا شارى لانوس مغيرة نص موديل 2004 بسعر 35 الف جنيه لو مش هتعرف ترجعها يبقه استعوض ربنا واركبها وخلاص بس اهم حاجه تكون مظبوطه على الطريق وملحومه صح

[M.Elgergawy]

حضرتك ممكن تقول اشترتها بكام
وحسبي الله في الناس دي

[khaled_2011]

حسبى الله ونعم الوكيل

[S.Hasan]

يا جماعة انا عملت بنصيحتكم ورحت رفعتها في بنزينة ثالثة والراجل قالي انها مش مركبة نص بس فيها لحامات في الشاسيه كتير نتيجة لخبطة جامدة مأثرة علي الشاسيه طبعا انا قولت الحمد لله قضي اخف من قضي بس مش عارف مده العربية اترفعت في 3 بنزينات كل واحد برأي بس بصراحة اخر بنزية انا استريحت وحسيت ان الراجل اللي بيكشف عيها بيفهم شوية عن الباقين .
وبرده بقول حسبي الله ونعم الوكيل في اللي بعهالي لانه مقاليش علي كل ده وقالي مفهاش الهوا ودلوفتي بحاول اكلمه علشان ارجعها بيتهرب مني

[ahmedezzat78]

حسبى الله و نعم الوكيل

انا مقدر احساسك و قلقك و حرقه دمك

لو العربيه مضبوطة على الطريق توكل على الله و اركبها سنتين و بعدين بيع

[S.Hasan]

حسبى الله و نعم الوكيل

انا مقدر احساسك و قلقك و حرقه دمك

لو العربيه مضبوطة على الطريق توكل على الله و اركبها سنتين و بعدين بيع

للاسف بتحدف يمين والراجل بتاع البنزية قالي بسبب الخبطة ومش عارف لو ظبطت زروايا هتظبط ولا لأ

[ashouhdy]

امسك فى رقبة النصاب اللى بعهالك

وراة فى كل حتة شغلة بيتة كل حاجة

انت معاك صورة بطاقتة اكيد

متسيبهوش وادوشة

قولة انت نصبت عليا قلت مفيهاش الهوا وهى كلها لحامات

[MMamdouh]

يا جماعة انا عملت بنصيحتكم ورحت رفعتها في بنزينة ثالثة والراجل قالي انها مش مركبة نص بس فيها لحامات في الشاسيه كتير نتيجة لخبطة جامدة مأثرة علي الشاسيه طبعا انا قولت الحمد لله قضي اخف من قضي بس مش عارف مده العربية اترفعت في 3 بنزينات كل واحد برأي بس بصراحة اخر بنزية انا استريحت وحسيت ان الراجل اللي بيكشف عيها بيفهم شوية عن الباقين .
وبرده بقول حسبي الله ونعم الوكيل في اللي بعهالي لانه مقاليش علي كل ده وقالي مفهاش الهوا ودلوفتي بحاول اكلمه علشان ارجعها بيتهرب مني

محدش بيرفع العربية فى بنزينة و يبص عليها كدة و خلاص... لازم يبقى معاك سمكرى شاطر و ثقة عشان يقدر هو يحدد حالة العربية و يكشف عليها زى الناس

MMamdouh

[more_try2]

بص هو الواضح انك مش هتاخد منه لا حق ولا باطل وهو شخص غير امين وهتترد له من فلوسك انت دلوقتى شوف العربيه بتحدف ليه ممكن تكون حاجة بسيطة ولازم تعملها لانك حتى لو عايز تبعها مينفعش تقول مغيره نص وبتحدف علشان بيها عيب لازم تصلح العيب سواء هتبيع او تركب

[friendship7897]

السلام عليكم ورحمة الله

انا محتاج رايكم في المشكلة دي انا اشتريت عربية لانوس 2008 وحالتها كانت حلوة اوي وبصراحة انا ماليش في العربيات اوي فروحت رفعتها في بنزينة ودي كانت سبب اللبسة اليل لبستها الراجل بتاع البنزينة قالي كويس ة وزي الفل وعلي هذا الاساس اشتريت المهم واحد صاحبي بيتفرج عليهم قالي العربية دي مش عجباني انت رفعتها قولتله اه قالي لا تعالي نرفعها في بنزينة انا عارفها روحنا رفعناها الراجل قالي العربية دي مركبة نص امامي والنص ده بتاع لانوس موديل 99 او 2000 بالمايمنة بتاعتها طبعا انا اتصدمت ومش عارف اعمل ايه وبصراحة خلاص عاوز ابيعها ومش عارف هتتباع ازاي ولو اتباعت هتجيب كام ؟؟
ياريت تقوليلي رايكم علشان انا خلاص مش طايق نفسي

أنت أشريت العربية خلاص - والبائع بما أنه معندوش ضمير أصلاً لأنه ما وضحلكش اللي في العربية إذا كانت مغيره نص ولا مخبوطة خبطة جامدة - فنصحتي أنك تستمتع بعربيتك وأفرح بيها على حالها كدة ، وبعد كدة بيعها ، وحتى لو خسرت فيها شوية - معلش ما هو الواحد مش بيتعلم ببلاش - ولو فيها شوية لخبطة ما هي العربيات الجديدة اللي مش مخبوطة بيكون فيها برضوا صيانات - أنت صلح اللي يقبلك فيها - وربنا يبارك لك فيها - بس علشان الأمانة لما تنوي تبيع لازم تقول للمشتري وضعها الحقيقي - علشان محدش يدعي عليك - دا أنا أول ما قريت موضوعك - بقول حسبي الله ونعم الوكيل على هذا البائع اللي معندوش ضمير ، وأكيد ربنا مش هيبارك له في فلوس العربية دي .

[S.Hasan]

محدش بيرفع العربية فى بنزينة و يبص عليها كدة و خلاص... لازم يبقى معاك سمكرى شاطر و ثقة عشان يقدر هو يحدد حالة العربية و يكشف عليها زى الناس

mmamdouh

عندك حق بس الحمد لله الواحد كان عنده حسن نية بالناس بس للاسف عموما الحمد لله قدر الله وما شاء فعل

[S.Hasan]

أنت أشريت العربية خلاص - والبائع بما أنه معندوش ضمير أصلاً لأنه ما وضحلكش اللي في العربية إذا كانت مغيره نص ولا مخبوطة خبطة جامدة - فنصحتي أنك تستمتع بعربيتك وأفرح بيها على حالها كدة ، وبعد كدة بيعها ، وحتى لو خسرت فيها شوية - معلش ما هو الواحد مش بيتعلم ببلاش - ولو فيها شوية لخبطة ما هي العربيات الجديدة اللي مش مخبوطة بيكون فيها برضوا صيانات - أنت صلح اللي يقبلك فيها - وربنا يبارك لك فيها - بس علشان الأمانة لما تنوي تبيع لازم تقول للمشتري وضعها الحقيقي - علشان محدش يدعي عليك - دا أنا أول ما قريت موضوعك - بقول حسبي الله ونعم الوكيل على هذا البائع اللي معندوش ضمير ، وأكيد ربنا مش هيبارك له في فلوس العربية دي .

شكرا لكلام حضرتك

[zocor742]

صلى على النبى
دلوقتى انا كلمت تاجر عربيات معرفة وقالى
العربية دى عشان ترجع عليك وعلى البوليس
طبعا معاك صورة من البطاقة بتاعتة مش كدة
بس قالى اهم حاجة تقولهم انا مش هتنازل عن مليم من الفلوس
وهما هيعلقوة وان شاء الله ترجعلك الموضوع متجرب قبل كدة وجاب نتيجة
بس ياريت تتأكد تانى عند سمكرى عشان تبقى واثق مية مية

[S.Hasan]

صلى على النبى
دلوقتى انا كلمت تاجر عربيات معرفة وقالى
العربية دى عشان ترجع عليك وعلى البوليس
طبعا معاك صورة من البطاقة بتاعتة مش كدة
بس قالى اهم حاجة تقولهم انا مش هتنازل عن مليم من الفلوس
وهما هيعلقوة وان شاء الله ترجعلك الموضوع متجرب قبل كدة وجاب نتيجة
بس ياريت تتأكد تانى عند سمكرى عشان تبقى واثق مية مية

يابااشا جزاك الله خيرا والله يا جماعة مش عارف اقولكم ايه بجد شكرا علي وقوفكم معايا والنضائح بتعاتكم

جزاكم الله خيرا ان شاء الله

[engaass]

صلى على النبى
دلوقتى انا كلمت تاجر عربيات معرفة وقالى
العربية دى عشان ترجع عليك وعلى البوليس
طبعا معاك صورة من البطاقة بتاعتة مش كدة
بس قالى اهم حاجة تقولهم انا مش هتنازل عن مليم من الفلوس
وهما هيعلقوة وان شاء الله ترجعلك الموضوع متجرب قبل كدة وجاب نتيجة
بس ياريت تتأكد تانى عند سمكرى عشان تبقى واثق مية مية

معلش حضرتك بس انا على ما افتكر بيكون مكتوب فى العقد ان المشترى عاين العربية معاينة نافية للجهالة وفى الحالة دى لو رضى يرجعها هيخصم الشرط الجزائى