عمر بوجيهات الانوس قد ايه؟

[ENG\AHMED]

و فيه حاجة فى منتهى الاهمية محدش بياخد باله منها... احنا فى الصيييييف... يعنى الهوا بيتمدد... يعنى نسبة الاكسجين فى المتر المكعب من الهواء بتبقى اقل و دة كفيل ان اى عربية تبقى كلبة
MMamdouh

+1000 وكمان كمية الهواء اللى داخلة الاسطوانة اقل لأن الحجم زاد وبالتالى كفاءة حجمية اقل
ودة بيفسر ان العربيات بتبقى فايقة فى الشتا وتتخنق فى الصيف وبالذات كل لما الحرارة تعلى

[ENG\AHMED]

فى الكتالوج مكتوب 90 الف كيلو اللى هما 60 الف ميل... بس خللى بالك ان فيه ناس كتير برة مصر كانت بتشتكى ان سير الكاتينة كان بيقطع على 50 الف ميل و ساعات اقل فا واضح ان الرقم اللى فى الكتالوج مبالغ فيه حبتين و طبعا محدش فينا يجرؤ انه يخاطر و يجرب الموضوع دة و يشوفة صح ولا غلط
MMamdouh

هى ال 90 الف بتاعة الكتالوج دى غريبة شوية دة حتى التوكبل بيقول 40 الف بس انا مرة عملت بية حوالى 60 او 70 الف ولما غيرتة كان سليم ممكن يكمل شوية كمان :):) بس العربية معظم مشيها طرق مفتوحة وسفر
وبعدين احنا بنحسب على عداد للكلم ومبنحسبش المسافة اللى العربية واقفة فيها دايرة ما دة استهلاك بردوا بس مش ظاهر فى العداد

[MMamdouh]

ده حضرتك دكتور دايو على كده

بلاش دكتور عشان ما اتغرش فى نفسى... تقدرى تقولى انا من الناس اللى خبرتها كبيرة فى الدايو :)

عربيتي عاملة 23الف و اخويا هاريها صيانة مشعارفة على ايه دي لسة زيرو تقريبا بس هوة بيغير لعربيته فلتر هوا و بوجيهات كل 10000كيلو بالتمام و الكمال بس تلاقي عربيته طلقة رغم انها موديل 2000 و ماشي بيها اكتر من 150الف كيلو و مدمن للمنظفات و المرشحات و سوائل تنضيف الدورات لدرجة حسسني ان انا مهملة و فعلا يا ممدوح الحر بيخللي اي عربية تتخنق بس بصراحة مش عارفة ليه و من ناحية الفلوس متقلقش لأني رامية الجتة على بابا و هوة اللي بيدفع

خللى اخوكى يخف شوية من المنظفات و الاضافات دى لان مش كلها مفيدة لكن كلها غالية... دا غير ان بعض المنتجات كترها بياكل فى خراطيم دورة البنزين و البعض الاخر ممكن ياثر على حساس الشكمان

لو عايز العربية تجرى شوية خليه يركب فلتر سبور و بوجيهات 2 شمعة و يشيل علبة البيئة لو عربيتك فيها علبة بيئة... منظف الرشاشات كل 5000 كويس و يحط بتاع موبيل... ارخص من المنتجات الامريكانى و نفس الكفائة

سؤال مهم احب اسالة... هو م ين اللى لين الربية؟ انتى ولا اخوكى؟؟

بالنسبة لموضوع الصيف و الخنقة فا حشرحة ببساطة شديدة:

1- 22% من الهواء الجوى عبارة عن اكسجين
2- موتور اللانوس فى دورة كاملة للبساتم حيسحب 1500 سنتى متر مكعب هواء
3- الهواء بيتمدد بالحرارة

4- حنعتبر ان حجم الهواء تضاعف نتيجة ارتفاع الحرارة... يعنى ال 1500 سنتى متر مكعب اللى بيسحبهم الموتور حيبقوا 3000 سنتى متر مكعب

5- الموتور مش حيعرف يسحب غير 1500 سنتى متر مكعب... هو اخرة كدة

6- ال1500 سى سى هوا اللى سحبهم من الهوا السخن فيهم نص كمية الاكسجين اللى كان الموتور بيسحبها لما كان الهوا بارد

7- بما ان الاكسجين قل يبقى لازم نسبة البنزين تقل والا حيبقى فيه احتراق غير كامل للبنزين

8- ننتيجة قلة الاكسجين و بالتالى الوقود... بنتنخفض قدرة المحرك

نفس النظرية بتشتغل بالعكس فى الجو شديد البرودة

MMamdouh

[MMamdouh]

هى ال 90 الف بتاعة الكتالوج دى غريبة شوية دة حتى التوكبل بيقول 40 الف بس انا مرة عملت بية حوالى 60 او 70 الف ولما غيرتة كان سليم ممكن يكمل شوية كمان :):) بس العربية معظم مشيها طرق مفتوحة وسفر
وبعدين احنا بنحسب على عداد للكلم ومبنحسبش المسافة اللى العربية واقفة فيها دايرة ما دة استهلاك بردوا بس مش ظاهر فى العداد

ما انا برضة استغربت لما لقيت الناس على دايوتك بتتكلم فى 60 الف ميل و كدة و كنت حقولهم انتوا بتالفوا ولا ايه... دا احنا فى الكتالوج بتاعنا مكتوب 40 الف كيلو فقط... بس قلت ابص فى الكتالوج احتياطى قبل ما اخش فى الناس شمال و فوجئت بان تغيير سير الكاتينة على 90 الف فعلا

وواضح ان بالفعل ال90 الف كتير اوى لان ناس كتير بتقطع السير قبل فترة ال90 الف كيلو... و فعلا مش الكيلومتر فقط هو المقياس لان ظروف التشغيل بتختلف و بتاثر على المكونات الاساسية بتاعت العربية

MMamdouh

[nahla]

حبيب قلبي انت استاذ و رئيس جامعة الدايو كلها
و قريت شوية مقالات من نتاجك الفني العالي قوي و بجد انا مستغربة انك ازاي مش مشرف من زمااااااااان قوي!
بس بجد مواضيعك قوية خصوصا حتة موضوع علبة البيئة و الفرامل و انا فهمت ان الكاملة اس زي اللي معايا هية اللي فيها علبة البيئة و غالبا هية اللي بتعمل زنة في الشكمان عند ار بي ام واطي صح ولا انا غلطانة؟
و انا اللي لينت العربية طبعا يا معللم انا سواقة قديمة مش زي بنات اليومين دون ماشيين يلطشوا و السلام و**** يشد معايا :) بس ايه سبب السؤال؟ و بابا قاللي محرقش عليها (كعادتي) اول الف علشان آخد من الموتور اطول عمر اهلاكي (تمام كده ولا بيفتي؟) بس بامانة اخويا اللي عنده هبل بالقدة عند الميكانيكي و بيتلكك علشان يعمل اي عربية في البيت او حتى للقرايب و الجيران
و متقلقش ده هوة بيقول انه مش بيحط الانجيكتور كلينر ده الا كل عشر تلاف كيلو علشان نفس اسبابك المذكورة و قال ان علبة البيئة مينصحش بشيلها علشان العربية في الضمان علشان العلبتين اللي ورا و نفس السبب موضوع الفلتر و بيقول على البوجيهات الاتنين شمعة انها ممكن تقصف عمر الموتور زي ما حصل مع اتنين من اصحابه في هوندات سيفيك و جابو موتر بعد استخدام بوجيهات مختلفة عن الاستاندرد
انا عايزة العربية تجري بس مش قبل ما اجنط و اعررض على راي اخويا و شكرا يا جميل


=========
يرجى من العضوة الفاضلة
انتقاء الألفاظ
حيث انها غير لائقة بالمنتدى
وشكرا

الادارة 3

[MMamdouh]

ربنا يخليكى ليا

بالنسبة للزنة فا دى ليها اسباب كتير مش شرط علبة البيئة... يعنى ممكن العلبة اللى فى النص تكون هى اللى بتعمل الزنة... او الصاجة الحماية اللى على الماسورة اللى بين العلبة اللى فى النص و العلبة اللى ورا تكون لحامتها سابت و بتزن... من الاخر مش حيبان الا لما واحد بتاع شكمانات يبص على الشكمان و يعرف الزنة منين و بما انك فى الضمان يبقى عليكى و على التوكيل

اللى قالة بابا هو السبب فى ان العربيسة مبتجريش دلوقتى... صدق او لا تصدق ان التحسيس على الموتور فى فترة التليين من اسباب ضعف الاداء فى المستقبل... دة مش كلامى... دا كلام ناس بتشتغل فى المواتير من زمان و شغلتهم الموضوع دة

http://www.mototuneusa.com/break_in_secrets.htm

اللى بيعملة اخوكى انا كنت بعملة زمان من كام سنة... دى عادة فى الواحد مش ممكن يغيرها :)

اما البوجيهات الاتنين شمعة فا مفيش ضرر منها لان البوجية مش حيعمل حاجة اكتر من المطلوبة منه و هى اشعال خليط الهواء و البنزين... الفرق بين البوجية العادى و الاتنين او تلاتة او اربعة شمعة هو ان عمر البوجية اطول من البوجية العادى... كمان يفرق شكل البوجية فى خط سير موجة الاشعال داخل غرفة الحريق

و بما ان البوجيها المتعددة الاكترودات ( 2 او 3او 4 شمعة) بيبقى الاكترودات السالبة على جانب الاكترود الموجب و بالتالى بتدى فرصة ان موجة الاشعال تبقى فى منتصف غرفة الحريق و تدى حرق افضل و اسرع

انا بركب بوجيهات 2 شمعة للانوس من زمان و الحمد لله مفيش اى مشاكل

فيه تعديلات بسيطة بتتعمل عشان العربية تجرى شوية زيادة بس المشكلة ان عربيتك فى الضمان و التعديلات دى حتخرجك من الضمان لان حنحتاج نفك حاجات و نغير حاجات و كدة... فا اما تستنى لما الضمان يخلص او تتخلى عن الضمان

فكرى و قوليلى ناوية تعملى ايه

MMamdouh

[nahla]

يا دكتور انا طبعا محرقش على العربية في التلين بالنسبة لية يعني معديش ال100و الار بي ام ميعديش 4 ولا اخللي الموتور يفصصل مني..ده تلييني :) و اقل من كده يبقى امشي جنبيها برة اكرملي
ده حتى لما عملت 900كيلو مصبرتش للألف و فرمتها في مصر اسكندرية على 170 و مجابتش اكتر من كده ساعتها
و نفسي موت اعمل الحاجات اياها دي بس عزيزة تطلع من الضمان و نروقها سوا و نعدل فراملها و بلاوي كتير
و تحية للخبير

[aymaneissa]

على فكره انا عامل بعربيتى الانوس 2005 90000كم ومغيرتش البيجوهات الا مره واحده فى التوكيل عند 10000كم فقط ولم اعانى اى مشكله فى السحب

[mohamed ibiza]

يا دكتور انا طبعا محرقش على العربية في التلين بالنسبة لية يعني معديش ال100و الار بي ام ميعديش 4 ولا اخللي الموتور يفصصل مني..ده تلييني :) و اقل من كده يبقى امشي جنبيها برة اكرملي
ده حتى لما عملت 900كيلو مصبرتش للألف و فرمتها في مصر اسكندرية على 170 و مجابتش اكتر من كده ساعتها
و نفسي موت اعمل الحاجات اياها دي بس عزيزة تطلع من الضمان و نروقها سوا و نعدل فراملها و بلاوي كتير
و تحية للخبير

170كم\ساعة بلانوس نصيحة اخ بلاش بلاش بلاش

[aymaneissa]

يا اخ محمد انا جبت بها 180كم على طريق اسكندريه الصحراوى وحصلش اى مشكله

[mohamed ibiza]

غرزت بيها علي 180؟؟؟؟؟؟؟؟؟؟؟

[MMamdouh]

يا دكتور انا طبعا محرقش على العربية في التلين بالنسبة لية يعني معديش ال100و الار بي ام ميعديش 4 ولا اخللي الموتور يفصصل مني..ده تلييني :) و اقل من كده يبقى امشي جنبيها برة اكرملي
ده حتى لما عملت 900كيلو مصبرتش للألف و فرمتها في مصر اسكندرية على 170 و مجابتش اكتر من كده ساعتها
و نفسي موت اعمل الحاجات اياها دي بس عزيزة تطلع من الضمان و نروقها سوا و نعدل فراملها و بلاوي كتير
و تحية للخبير

طيب هانت... كلها سنة او 37 الف كيلو و الضمان يخلص :D

MMamdouh

[nahla]

طيب هانت... كلها سنة او 37 الف كيلو و الضمان يخلص :D

MMamdouh

بتهزر ماشي يا سيدي حقك برضه بس معرفتش موضوع الماسورة اللي بدال علبة البيئة بتعمل صوت اعلى ولا اوطى؟ و بتتجاب منين؟ و هل بتخللي السحب احلى ولا ايه؟ لو كده يبقى احلق للضمان و اعملها و برضه هغير البوجيهات كل 10تلاف و شكرا يا جميل

[MMamdouh]

يا رجالة الموضوع مش جرى و خلاص... صحيح اللانوس بتجرى و ممكن تعدى ال 170 بس موقف مفاجىء او مطب هوا ممكن يسبب كارثة... فيه حكمة بحبها اوى قريتها على عربية نقل:

لو كان الجرى شطارة مكنش حد حصلنى

واحد يقولى يا كابتن لطيف لما هو الموضوع كدة ليه بتعدل عربيات و تخليها تجرى؟ اقولة ان مش شرط تمشى على 200 كيلو فى الساعة عشان تحس بمتعة السواقة :coolgleamA:

MMamdouh

[iBiZa]

يا رجالة الموضوع مش جرى و خلاص... صحيح اللانوس بتجرى و ممكن تعدى ال 170 بس موقف مفاجىء او مطب هوا ممكن يسبب كارثة...
MMamdouh

انا اعرف كدا واحد اتقلبوا ب Lanos و انا سوقتها و كنت ماشى 130 و كنت مرعوب... مافيش ثبات فى الملفات خالص و تحس العربية لو جية شوية هوا جامد هايشيلوها.

مش اى عربية يتجرى بيها و يتقفل عدادها !!