صوت صاج بيزن من تحت العربية ... رجاء المساعدة

[abo_lamar]

انا ركبت علبه البيئه تاني بعد ما فكتها والحمد لله الصوت راااااح نهائياً .... يعني المشكلة كانت اني شيلت علبه البيئة .

[lanos2004]

شوف دى الصاجه الى ملحومه على التنك من الجنب الى ناحيه الشكمان فكها وارميها واوعه تلحمها التنك يبنفجر--روح ارفع العربيه وشدها باديك وارميها او احتفظ بيها تذكار زى ما عملت انا

[ahmedteam]

عندى نفس المشكله بس انا مطنش لانى تعبت من معرفه السبب

ياريت يكون ليها حل فعلا و ياريت تقولولنا مكان ابو اليزيد فين

[zomzom11]

بعد ماغيرت الجزء من الفرن مرورا بالسوسته ووقفت حتى علبة البيئه بعدها بفتره ابتديت اسمع صوت متعب ومقلق بعض الشئ وامس اضطرتنى الظروف للسفر لطنطا والزراعى الرخم والشبوره المهم لبست مطب رخم وبعده الصوت زاد ومبقتش عارف امشى الحمد لله رجعت الفجر واليوم روحت لبتاع الشكمانات وورانى ان الخبطه خلعت العلبه الى ورا الاخيره فى الشكمان وقالى هى بايظه قبل ما تتخلع المهم لهف منى 200 جنيه غيرهالى وسخن الشكمان ورده لمكانه الاصلى قبل الخبطه وخرجت جربت الصوت راح وقل جامد جدا تقريبا قل بنسبة 85% عن الاول اتمنى الجميع يتاكدو بقى ان الشكمان مثبت جيدا واعلب سليمه مفيهاش شخلله
وياريت الاستاذ الى سبقوعلق على موضوع الصاجه دى ياريت يوضح

[ahmedaliaeg]

ده حصل معايه لان صوت الشكمان بيتغير بعد الغاء علبه البيئه لان العلبه البديله اسمها علبه رنان فالطبيعى بتعمل رنه اسفل العربيه ولو غيرتها بماسوره هتعمل صوت لان ظول المواسير مدروس بدون علب وبلتبديل بالماسوره هتكون طولت الطول حوالى 40 سم وده عن تجربه علبه البيئه بتحافظ على صوت الشكمان

[emad turky]

من علبة الشكمان ومش هتروح

[Dr.mostafaa]

صاجة التنك

بص يا باشا حصل معايا موقف زي دة في النوبيرا بتاعتي بس مع الاختلاف اني كل ما اخد مطب اسمع صوت صاج بيخبط في بعضة المهم بعد عذاب اكتشفت انها صاجة جوة تنك البنزين بتكون ملحومة بس ساعات لحماتها بتفك المهم فكيت الطلمبة و طلعتها و الحمد لله الصوت راح فنصيحتي ليك بص علي تنك البنزين يمكن يكون نفس اللي حصل معايا

باستأذنك تقوللى عملتها فين ضرورى، لأن نفس المشكلة عندى وتعبت منها