نصيحه ضرورى جدا قبل ما اتسرع لانوس زيرو ولا نوبيرا استعمال

[islamawe]

ماهو هو ده بالظبط الفرق بين انك تجيب زيرو أو مستعمل ... نفس الثلاثة اسئلة دول تحديداً .... هل ياترى السعر مناسب ولا زيادة عليها ... هل ياترى مغيره حاجه انا موش واخد بالى منها وهتبان بعدين ... هل ياترى حالة العربية كده كويسة ولا معيوبة وانا واخدانى الحماسة للشراء ... وفى سؤال مهم اخر هو هل لو انتظرت شوية مش يمكن اصادف حاجة احسن ؟؟.

أنا مريت بنفس حيرتك دى لما جيت اشترى عربية لاول مرة وبسبب هذه الوساوس اللى عانيت منها والمقالب اللى كنت هشربها وربك بيستر والحمد لله ... وصلت لقناعة ان المستعمل لو مش من حد معرفة قووووووى ومعروف وسوسته فى الحفاظ على سيارته يبقى بلاش منه منعاً للعيوب الخفية اللى مش بيعرفها غير صاحبها وللأسف فى 99% مبيكونش أمين ويقول عليها وتقعد انت تلف وتدور وتدور عالسبب وتصرف مصاريف على حاجات تانية وبرضه ماتوصلش للعيب الا بشق الانفس.

بالنسبة للانوس والنوبيرا ... النوبيرا طبعاً برقبة اللانوس بس لوكانت زيرو او من حد معرفة قوووووى زى ماقولنا ... لكن نوبيرا مستعملة ومش من حد معرفة ((مرة تالتة )) - - - قوووووى --- يبقى الصراحة اللانوس الزيرو تكسب.
طيب تكسب ليه ؟؟؟ لأنها زيرو وعليها ضمان ثلاث سنين وقطع غيار وميكانيكا واضحة ومهم جدا جدا أنها ماسكة سعر اعادة بيع وده أعتقد من اكبر مزايا اللانوس يعنى لو مليت منها لأى سبب هتبيع وانت واقف على اساس انها اول ايد من الزيرو وموديل جديد يعنى الخسارة لا تذكر تقريباً ((الفرق انت ركبت بيه عربية زيرو بدون تنغيص المستعمل)).

وبما ان المقارنة المطلوبة محصورة بين العربييتين دول تحديداً فبلاش ندخل فى متاهة عربية زيرو او مستعملة ماركة تانية هل هتكون افضل او لأ ....

أتمنى لك التوفيق فى اختيارك .. وربنا ييسرلك الأصلح فى جميع الأحوال.

بالظبط انا اقنعت برأيك و خاصتا بعد ما شوفت اعلان على موقع بيع و شراء ان فى واحد اتنصب عليه فى عربيه من سوق مدينه نصر و كان ملعوب فى رقم الشاسيه بتاعها
فى نفس الوقت ما اعرفش حد معاه نوبيرا و عاوز يبيعها خااااالص
فغالبا امرى لله هجيب اللانوس بس لسه مش اكيد هستنى لحد اخر يوم فى العرض بتاع منصور شيفروليه يمكن يظهرلى نوبيرا غلطه ولا حاجه

مره تانى بشكر كل الناس اللى اهتمت فى الرد

[محمد الشامي]

بالتوفيق ان شاء الله , والف مبروك مقدماً :)

[mailo]

نوبيرا أحسن من lanos في حاجات كتير
بس بين زيرو ومستعمل ده قرارك إنت

بالنسبة للنوبيرا بقى اللي إنت بتقول عليها دي فصاحبها بيستهبل رسمي
وغاليا جدا أنا لسة جايب واحدة 2006 مفيهاش الهوا ب 51 من شهر واحد بس

[islamawe]

نوبيرا أحسن من lanos في حاجات كتير
بس بين زيرو ومستعمل ده قرارك إنت

بالنسبة للنوبيرا بقى اللي إنت بتقول عليها دي فصاحبها بيستهبل رسمي
وغاليا جدا أنا لسة جايب واحدة 2006 مفيهاش الهوا ب 51 من شهر واحد بس

الف مبروك يا باشا
طيب و العربيه اللى جبتها دى فابريقه من الخارج كلها ولا رشه ؟؟
ولو حد يا شباب منكم قدامه نوبيرا بحاله ممتازه ياريت يقولى

[islamawe]

بالتوفيق ان شاء الله , والف مبروك مقدماً :)

يا باشا ربنا يبارك فيك وشكرا لأهتمامك

[engaass]

نوبيرا شرط الحالة

[islamawe]

اتعرض عليا نوبيرا 2006 فابريقه بالكامل عامله 30 الف كيلو كسر زيرو
بحاله الزيرو فعلا
بس مطلوب فيها 60000ج

ايه رأيكو ؟؟؟؟؟؟؟

[mailo]

الف مبروك يا باشا
طيب و العربيه اللى جبتها دى فابريقه من الخارج كلها ولا رشه ؟؟
ولو حد يا شباب منكم قدامه نوبيرا بحاله ممتازه ياريت يقولى

رشة حزام
وماكانتش ليَّ

[khaled_2011]

نوبيرا طبعا بلا تردد

[hosar]

نوبيرا
الحالة إلى بتتكلم عليها دى ممتازة و التصليحات دى ماتعملش مشلكة انت ممكن تبيع الجنط القديم و بتمنة تجيب الجنط الحديد و كاوتش جديد كمان مع تكملة بسيطة
و تسريب الزيت من الجوان دا مابتكلفش 50 جنية على بعض بس نصيحة ماتجيبش غير الجوان الأصلى و تأكد من كدة

[ASSASSIN]

Zeroooo

[prince2005]

Lanos .............nooooooooo

[S O P H O S]

لانوس

[islamawe]

الحمد لله اشتريت لانوس زيروو واستلمتها

شكرا لكل الاخوه اللى اهتموا بالرد

[ahmedShafie]

الف مبرووك و ربنا يباركلك فيها و يكفيك شرها