شكل الموتور كده رزع :(

[amr_adel00]

فى الاول الاسلام عليكم يا شباب..
ارجوا المساعده و الاهتمام من كل من له خبره فى الانوس لانى بجد متنكد اوى اوى..
كنت ماشى بالعربيه و بحرق اوى على النقلات و فجأه و انا بحرق على التانى لاقيت العربيه (فصصلت ) منى و انا ماشى,, ركنت و فضلت اسمع صوت الموتور لاقيت فى زى تكتكه كده بس مش عاليه بس واضحه,فضلت ازود بنزين لاقيت ان العربيه مش بتفصل خالص, صوت موتور عالى و خلاص. لاقيت التكتكه دى بقيت عاليه اوى و واضحه و بتزيد مع دوسة البنزين اوى و لمبة الزيت نورت فى التابلوه.. بطلت العربيه و سيبتها تبرد خاااالص و بصيت على سير الكاتينه لاقيته سليم,, اتصلت بالميكانيكى قالى سيبها تبرد خاااالص و تعالى على الهادى و من غير حرق و امشى على التكتكه دى عادى و هنشوف لما تيجى.. مشيت زى ما قالى و انا طبعا بتقطع من جوه من صوت التكتكه اللى انا سامعه بس لمبة الزيت طفت,, الحمد لله وصلت و لما شافها الميكانيكى قالى تعيش و تدوب يا عمرو :( لازم نفتح الموتور و نشوف هنعمل فيه ايه ؟؟
ممكن بقى حد يوضحلى ايه اللى حصل عندى ؟؟ و المشى اللى انا مشيته ده غلط ولا صح ؟؟
انا مشيت بالعربيه كده 6كيلو تقريبا.. تنصحونى بايه يا اخوانا افادكم الله..

[mailo]

هو أنا مش هاعرف افيدك بصراحة في مشكلتك
بس ياريت إنت تفيدنا وتقولنا هي حالة الزيت بتاعك كانت إيه ونوعه إيه
وكنت بتحرق لحد rpm كام

عشان أكيد فيه حاجة غلط هي اللي بوظت الموتور مع الحرق مش الحرق نفسه هو اللي بوظوا

[MMamdouh]

الصوت جاى منين؟؟... من ناحية الوش ولا ناحية كارتيرة الزيت؟؟

MMamdouh

[tarek_2005]

شكلها سبيكة لفت

[Shiref_mohamed]

شكلها سبيكة لفت

يعني ايه سبيكة لفت ياطارق؟

[ahmedeihab]

شكلها سبيكة لفت

+1111
يا اما الكرنك بوش و عمال يرزع
و سواء فى الحلتين
يا اما الميكانيكى هيفك الكرتيره بتاعت الزيت يبص على السبيكه
لو لاقاها بايظه يبقى يغيرها من تحت
و اما لو كرنك
هتضطر تفتح الموتور و تخرطه
^_^

[tarek_2005]

في كلتا الحالتين هيطلع الموتور علشان الكرنك احتمال يحتاج خراط وهيغير باقي السبايك بالمرة يعني طقم سبيكه كامل وخرط كرنك

[amr_adel00]

حالة الزيت كنت لسه مغيره من 50 كيلو يعنى كان لسه زيرووو
نوعه بقى فانا جيبت موبيل اللى هو جركن رمادى ب90 جنيه,, انا اتعمد احط النوع ده علشان هو تقيل اوى و انا موتورى خفيف.. بس يا سيدى :)

[amr_adel00]

الصوت جاى منين؟؟... من ناحية الوش ولا ناحية كارتيرة الزيت؟؟

mmamdouh

الصوت انا سامعه من فوق يعنى مش من تحت.. اعتقد من ناحية الوش لو على كلامك.. بس انا مش فاهم اوى

[amr_adel00]

هو أنا مش هاعرف افيدك بصراحة في مشكلتك
بس ياريت إنت تفيدنا وتقولنا هي حالة الزيت بتاعك كانت إيه ونوعه إيه
وكنت بتحرق لحد rpm كام

عشان أكيد فيه حاجة غلط هي اللي بوظت الموتور مع الحرق مش الحرق نفسه هو اللي بوظوا

لحد 6 rpm او اكتر حاجه 6.5

[sanhory]

حالة الزيت كنت لسه مغيره من 50 كيلو يعنى كان لسه زيرووو
نوعه بقى فانا جيبت موبيل اللى هو جركن رمادى ب90 جنيه,, انا اتعمد احط النوع ده علشان هو تقيل اوى و انا موتورى خفيف.. بس يا سيدى :)

بسسسس عندك يبقى متصرفش عليه مليم شيل و حط غيره علطول ولا تصليح ولا وجع دماغ هو كدا كدا خفيف

[amr_adel00]

طب هو الاحسن اعمل ايه بقى ؟؟
اعمل عمره كامله من الاول خالص ولا اشتيرى متور استيراد بدون ادوات التغذيه ؟؟
محتاج اعرف و بصراحه انهى الاحسن فى الاداء على افتراض ان الموتور الاستيراد هتبقى حالته كويسه مثلا
و انهى الاوفر فى السعر ؟؟

[amr_adel00]

يا جماعه من فضلكم انهى الاحسن اركب موتور استيراد ولا اعمل عمرة للموتور بتاعى ؟؟
و لو ممكن حد يقولى ثمن الموتور 1500الاستيراد الكامه الواحده بدون ادوات التغذيه يبقى كام ؟؟

[MMamdouh]

الصوت انا سامعه من فوق يعنى مش من تحت.. اعتقد من ناحية الوش لو على كلامك.. بس انا مش فاهم اوى

كدة يبقى دة صوت الكستبانات

الطقم بحوالى 350 جنية و يفضل تغير طلمبة الزيت

MMamdouh

[MMamdouh]

انت دلوقتى ملخبطنا معاك....

انت بتقول الصوت من فوق يعنى كستبانات و بعد كدة قولت ان المكنة اصلا مفوتة...

كدة يبقى ارمى المكنة و هات غيرها... لو ميزانيتك تسمح هات مكنة 1600 مع تعديل الفرامل

MMamdouh