العربية مافيهاش غيارات

[Car's Sniper]

وتتوالى العيوب الطفيفة فى النوبيرا :)
الحقيقة ماعرفش ايه اللى فى العربية لسة سليم بس مش مهم الكماليات طالما الاربع كاوتشات بيتحركوا :d
بس للاسف معادوش بيتحركوا
الموضوع بدأ من ييجى شهر كدة
لما اجى اجيب مارشيدير الاقى التروس بتخبط فى بعضها ومابترضاش تدى مارشيدير خالص بس كانت "وان واى" بتمشى لقدام بس :)
اسبوع كمان ، الغيار الاول ماعدش بييجى لو العربية متمورة ولازم اطلع عالتانى والغيارات كلها بقت تقيلة جدا ولازم اكون عند السرعة المحددة لنقل الغيار بالظبط عشان ينقل (كأن مافيش دبرياش)

قلت لما اخلص من الامتحانات ابقى اشوف الدبرياش دا ..بس لاقيت النقلات بتتقل اكتر
رحت لواحد بتاع فرامل لان اصحابى قالولى ان تخصص الفرامل والدبرياش حاجة واحدة
لاقيته بص عليه وقالى الدبرياش سليم وبيمشى مشواره كويس هتلاقى العيب من الفتيس او ال"فُرش " مكسور
لفيت على ميكانيكى بيفهم فى فتيس العربية دى مالقتش غير واحد قالولى ان هو دا الوحيد اللى دايس فى العربيات الحديثة ..وبما انه الوحيد اللى شكله بيفهم فلاقيته جاله عقد احتراف فى القاهرة ونقل الورشة كلها هناك

اول امبارح بقى الموضوع اتطور والدبرياش ماعدش موجود تقريبا يعنى ماعدتش بتنقل خالص ولما اديها غيار وهى مبطلة واجى اشغل احس ان العربية بتنط

لو حد عارف المشكلة فين بالظبط ياريت يعرفنى لان اكتر من واحد قاللى الفتيس مالوش دعوة بالموضوع وممكن تكون بلية دبرياش
وطبعا مش عارف اتحرك بالعربية ولا سم فعايز الطلعة تكون لمكان محدد ميكانيكى ولا فرملجى؟؟

[Eng.Geo]

مساء الفل يا حودة واحشني والله :)
منين بتاع الفرامل ده بيفهم من الدبرياج وقالك كويس ومنين قالك الفورش ممكن يكون مكسور ؟!
هو الفرش ده مش من ضمن مكونات الدبرياج ولا ده كماليات ؟
هو الدبرياج اللي بايظ
سواء بقي فرش أو ديسك
خلي ميكانيكي بيفهم يجرب ويقول لو محدش عرف العيب لوحده خليه يفكلك الدبرياج ولما يشوفه بعينه هيقولك انه هو اللي بايظ

[Car's Sniper]

والله انت اكتر جدا جداااااا جداااااا ياجو ..ادعيلى بقى اخلص من يوم الخميس دا هيبقى اخر امتحان فى المشوار العلمى واتخرج ...سيبونا ناخد فرصتنا بقاااا :d :d

"ميكانيكى بيفهم" ؟؟؟ ازاى اللفظ دا يطلع من لسانك ياجو ؟؟
يوم ماكنت عايز اغير زيت الفتيس مافيش واحد قاللى ماعرفش و طلعوا فى الاخر مش عارفين مكان الطبة اساسا وبقى منظرهم وحــــــــش ههههههه
لفيت بلاد وبلاد ياجو على حد بيفهم فى الفتيس المانيوال مالاقيتش لغاية ماحسسونى ان البلد كلها بقت ماشية بعربيات اوتو ماعدا اخوك هو المتخلف الرجعى فى بلد التطور والتكنولوجيا :d
مافيش غير توكيل ابو غالى فى العبور 25 كيلو ماعرفش هاروحهم ازاى بالعربية دى وغير كدة توكيل مش ثقة وممكن يعملوا عليا سبوبة والتوكيل المحترم اللى باثق فيه فى مدخل الاسماعيلية (80 كيلو)
فعمال ادعى ربنا ان حد يقولى ان دى مشكلة دبرياج مش فتيس وماينفعش امشى فى اى حتة زحمة والعربية بالمنظر دا

[Eng.Geo]

والله انت اكتر جدا جداااااا جداااااا ياجو ..ادعيلى بقى اخلص من يوم الخميس دا هيبقى اخر امتحان فى المشوار العلمى واتخرج ...سيبونا ناخد فرصتنا بقاااا :d :d

"ميكانيكى بيفهم" ؟؟؟ ازاى اللفظ دا يطلع من لسانك ياجو ؟؟
يوم ماكنت عايز اغير زيت الفتيس مافيش واحد قاللى ماعرفش و طلعوا فى الاخر مش عارفين مكان الطبة اساسا وبقى منظرهم وحــــــــش ههههههه
لفيت بلاد وبلاد ياجو على حد بيفهم فى الفتيس المانيوال مالاقيتش لغاية ماحسسونى ان البلد كلها بقت ماشية بعربيات اوتو ماعدا اخوك هو المتخلف الرجعى فى بلد التطور والتكنولوجيا :d
مافيش غير توكيل ابو غالى فى العبور 25 كيلو ماعرفش هاروحهم ازاى بالعربية دى وغير كدة توكيل مش ثقة وممكن يعملوا عليا سبوبة والتوكيل المحترم اللى باثق فيه فى مدخل الاسماعيلية (80 كيلو)
فعمال ادعى ربنا ان حد يقولى ان دى مشكلة دبرياج مش فتيس وماينفعش امشى فى اى حتة زحمة والعربية بالمنظر دا

يا رب تنجح يا تتح :)))
ربنا معاك يا كبير :)
ههههههههههههههههههههههه ... حلوة الميكانيكية عندكوا مابيفهموش في الفتيس المانيوال
حاول كدة وربنا معاك تنقلها لحد بيفهم مش لازم توكيل
هي ان شاء الله مش فتيس لأنك كنت قايل زمان انك مزود الزيت

[ahmed_mido1889]

كده عالبا دسك رايح النار

[kimo-nubira]

اعتقد انه عيب الضفضعه اللي ماسكه عصايه الفتيس بالفتيس نفسه لان لو مسمرها مهوي شويه هايبعد حارات النقلات

اعتقد ان المسمار ده فضل يفك منك لحد لما وقع ومبقاش فيه نقلات خالص اعمل اتشك عليه

[Eng.Geo]

اعتقد انه عيب الضفضعه اللي ماسكه عصايه الفتيس بالفتيس نفسه لان لو مسمرها مهوي شويه هايبعد حارات النقلات

اعتقد ان المسمار ده فضل يفك منك لحد لما وقع ومبقاش فيه نقلات خالص اعمل اتشك عليه

اسمها عقربة :)

[تامر.محمد]

زيت فتيسك اخباره ايه ؟


بالنسبة لميكانيكي كويس , لو قريب من جسر السويس ممكن ادي لك عنوان و تليفون ميكانيكي تخصص دايو كويس جدا

[kimo-nubira]

اسمها عقربة :)

انا سمعتها من الميكانيكي ضفضعه والاسمين ملهمش علاقه بالميكانيكا اصلا :)) وشكرا علي التصحيح يا جووو

[mostafa mahmod]

زيت فتيسك اخباره ايه ؟


بالنسبة لميكانيكي كويس , لو قريب من جسر السويس ممكن ادي لك عنوان و تليفون ميكانيكي تخصص دايو كويس جدا

بالنسبه لصاحب الموضوع هو كاتب ان مكانه الشرقيه

انما " بعد اذنه طبعا " ممكن تقولى انا على الميكانيكى الكويس ده لانى ساكن فى جسر السويس

[lanos2004]

الفتيس كله على بعضه 600 جنيه

[تامر.محمد]

بالنسبه لصاحب الموضوع هو كاتب ان مكانه الشرقيه

انما " بعد اذنه طبعا " ممكن تقولى انا على الميكانيكى الكويس ده لانى ساكن فى جسر السويس

تحت امرك
اسمه محمد عواد , في آخر شارع الاربعين اللي مدخله من جنب حديقة بدر
كان شغال في توكيل فيات , ثم دايو , و حاليا سوبارو

أمين جدا و شاطر جدا
و دي ارقامه

01001242759
01228697519
01141677020

[Car's Sniper]

الحمد لله طلع الفرش مكسور
سألت الميكانيكى قاللى يخلص فى ساعة زمن بدأنا الساعة 7 ونص بالليل خلصنا عالساعة 1 بالليل وطبعا الامتحان تانى يوم كان سهل الا على العبد لله .اتعلم عليا فيه ..اقول للميكانيكى اسحب العربية ونكمل شغل بكرة يقولى لأ ماينفعش العربية تتسحب من قصاد ورشتى :d
المهم العربية دوسة بنزينها وسحبها مكانوش تمام
تانى يوم رحت ظبطت الاسطوانة لانها كان جابت اخرها وكانت المشكلة فيها والسبب ان كل واحد كان يلاقى مشكلة نقل الغيارات كان يعلى الدبرياج ويسيبه عالى
والحمد لله تانى يوم فى 3 ساعات كنا مخلصينها
جبت الفُرش ب 45 جنيه
بلية دبرياج 35 جنيه
مليت الاسطوانة ب 60 جنيه
والمصنعية 150 جنيه (فك الفتيس مرتين )
وأسف جدا عالتأخير
والف شكر على ردود حضراتكوا :)

[hmada9009_99]

والله انت اكتر جدا جداااااا جداااااا ياجو ..ادعيلى بقى اخلص من يوم الخميس دا هيبقى اخر امتحان فى المشوار العلمى واتخرج ...سيبونا ناخد فرصتنا بقاااا :d :d

"ميكانيكى بيفهم" ؟؟؟ ازاى اللفظ دا يطلع من لسانك ياجو ؟؟
يوم ماكنت عايز اغير زيت الفتيس مافيش واحد قاللى ماعرفش و طلعوا فى الاخر مش عارفين مكان الطبة اساسا وبقى منظرهم وحــــــــش ههههههه
لفيت بلاد وبلاد ياجو على حد بيفهم فى الفتيس المانيوال مالاقيتش لغاية ماحسسونى ان البلد كلها بقت ماشية بعربيات اوتو ماعدا اخوك هو المتخلف الرجعى فى بلد التطور والتكنولوجيا :d
مافيش غير توكيل ابو غالى فى العبور 25 كيلو ماعرفش هاروحهم ازاى بالعربية دى وغير كدة توكيل مش ثقة وممكن يعملوا عليا سبوبة والتوكيل المحترم اللى باثق فيه فى مدخل الاسماعيلية (80 كيلو)
فعمال ادعى ربنا ان حد يقولى ان دى مشكلة دبرياج مش فتيس وماينفعش امشى فى اى حتة زحمة والعربية بالمنظر دا

ماتيجي اسكندريه فيها ميكانيكيا وورش 10/10 و هيظبطوهالك اينعم هتتقرف شويه بس هتريح دماغك بعد كده هتقولي ازاي مش شرط تسوقها ممكن ترفعها وتنقلها على مقطوره نقل للعربيات و تكلفه مش هتبقى كتيره او تشحنها للقاهره بنفس الطريقه وفيه ناس هناك اساتذه

[Car's Sniper]

ماتيجي اسكندريه فيها ميكانيكيا وورش 10/10 و هيظبطوهالك اينعم هتتقرف شويه بس هتريح دماغك بعد كده هتقولي ازاي مش شرط تسوقها ممكن ترفعها وتنقلها على مقطوره نقل للعربيات و تكلفه مش هتبقى كتيره او تشحنها للقاهره بنفس الطريقه وفيه ناس هناك اساتذه

ياااااااااااااااااااه ..انقل العربية 200 كيلو عشان اصلح فيها حاجة ؟؟ :)

خلاص الحمد لله لاقيت واحد "بيفهم" ..اينعم مؤشر السرعة عمال يقع بس اهى العربية بقت بتتحرك وخلاص

شكرا يافندم على رد حضرتك