نسيت غطا القربة مفتووووووح

[Mahmoud.Fathy]

النهاردة وانا خارج من الشغل قلت ازود العربية مياه ..... زودت ميه وطلعت ورحت مشوار من مكتبي فالاوبرا لحد جامعة القاهرة كده .... ووعادى مفيش اى مشكلة ..... وبعدين وانا خارج قشطة فضلت ماشي زي الفل من جامعة القاهرة لحد ابراج ساويرس كده وهووووووووووب لقيت مؤشر الحرارة بيعلي .... طفيت التكييف لقيته نزل تاني ..... وهوب رجع تااااني يلعى يعلى ... لحد اما عدى التلات اربع بشوية .... رحت راكن وجايب جركن المية وفتحت الكبوت ,..... والمفجاة لقيت غطا القربة مفتوح وانا ناسية والقربة بتطلع دخان .... طبعا والعربية دايرة زي ما هي حطيت نص جركن المياه .... وقفلت الغطا ودخلت العربية لقيت الحرارة رجعت طبيعية ..... جيت بقي هنا تحت البيت فشبرا قمت مكمل القربة لحد اخرها مياه وبعدين قفلتها وطبعا العربية لسه دايرة .... قمت طافي العربية وفاتح الكبوت وفاتح القربة تاني اطمن على مستوى الميه ..... لقيت الميه بتبقلل جامد تحت الغطا وبعدين كل اما افتح الغطا شوية المية تخرج من جنبين القربة كل اما افتح المية تخرج من جنبين القربة ..... ولقت خط ميه ظهر تحت العربية اعتقد انه من الميه اللى نزلت من جناب الغطا ..... قمت داخل مدور العربية وفتحت القربة تاني وكملت ميه بدل اللى وقعت ..... وقفلت القربة وركنت العربية تحت البيت ...... هنزل كمان ساعتين او تلاته كده ابص عليها ..... بس حد ممكن يقولى ايه بقي اللى حصل بالظبط لاني مش فاهم اى حاجة وخايف يكون الريداتير جراله حاجة ؟؟؟؟؟؟

[lanos2004]

شوف مينفعش تملا القربه على الاخر القربه لو اتملت على الاخر -هتبقلل والميه الزيادة هتخرج

[Mahmoud.Fathy]

طب يعنى اما مشيت مسافة حوالى 15 كيلو وغطا القربة مفتوح المية فعلا كلها تفضي من القربة ؟؟؟؟؟ ولا دا مش سبب ان المية تنقص اوى من الريداتير ؟؟؟؟

[Mahmoud.Fathy]

شوف مينفعش تملا القربه على الاخر القربه لو اتملت على الاخر -هتبقلل والميه الزيادة هتخرج

طب يعنى اما مشيت مسافة حوالى 15 كيلو وغطا القربة مفتوح المية فعلا كلها تفضي من القربة ؟؟؟؟؟ ولا دا مش سبب ان المية تنقص اوى من الريداتير ؟؟؟؟

[lanos2004]

عادى الميه تنقص طبعا اهم حاجه ان العربيه متكونش سخنت قوى وموصلتش للاحمر--عموما لما تبرد خالص راجع على الميه-وان شاء الله هتلاقيها زى الفل
انا مشيت يوم كامل من غير نقطه ميه الرادتير كان اتشرخ وانا زى المسطول--وغيرته ولا حل للعربيه اى حاجه

[Mahmoud.Fathy]

عادى الميه تنقص طبعا اهم حاجه ان العربيه متكونش سخنت قوى وموصلتش للاحمر--عموما لما تبرد خالص راجع على الميه-وان شاء الله هتلاقيها زى الفل
انا مشيت يوم كامل من غير نقطه ميه الرادتير كان اتشرخ وانا زى المسطول--وغيرته ولا حل للعربيه اى حاجه

لا هى موصلتش للون الاحمر .......... انا لحقتها وهي بعد شرطة التلات اربع ...... بس عاوز اسال تاني .... هو لو فيه تسريت فالريداتير تسرب العربية وهى واقفة او دايرة ولا وهي دايرة بس او وهى واقفة بس ؟؟؟؟؟

[lanos2004]

وهيه واقفه لو الخرم كبير -وهيه ماشيه لو الخرم غير ملحوظ --والله اعلم

[Elawany13]

غليان المياه كده مش طبيعى وملهوش دعوة بالقربة المفتوحة
إتأكد أن المروحة شغاله كويس
ومتملاش القربة للآخر خلى فيها نفس

الاسبوع اللى فات نسيت غطاء القربة مفتوح ومحطوط كده وخلاص مش مقفول كويس
روحت مشوار ورجعت وفتحت الكابوت بظروفها لاقيت القربة نقصت حاجه بسيطة

[MohammedAladel]

أهم حاجة منسوب المياه فى القربة مكنوش عملوا علامة ماكس فى القربة يعنى الحد الأقصى لتزويد المياه ولازم تقفل الغطاء كويس ومتزودش للآخر وشوف النتيجة

[Mahmoud.Fathy]

أهم حاجة منسوب المياه فى القربة مكنوش عملوا علامة ماكس فى القربة يعنى الحد الأقصى لتزويد المياه ولازم تقفل الغطاء كويس ومتزودش للآخر وشوف النتيجة

انا مش نسيت الغطا مفتوح يعنى محطوط فوق القربة وخلاص ..... انا مغطتش القربة اصلا ..... الغطا كان مرمي على الكرسي اللى جمبي وانا مختش بالي انى نسيه هنا الا لما فتحت الكبوت تاني ولقيت القربة ميتها رايحة

[MARTINDALE]

المقياس الحقيقي هو بعد ما تبرد العربيه خاااالص تدور وتزود الميه وبعدها تشوف ايه اللي هيحصل . لو الميه ابتدت تعمل فوران ورغاوي يبقى دي ليها معاني تانيه . لو معملتش يبقى بعد يوم تراقب الميه بتنقص ولا لأ .
وان شاء الله خير

[alaafever]

خد الهوا من دورة التبريد

[truss]

فى دورة التبريد المياه بتطلع من الموتور سخنة و تخش على الردياتير تبرد شوية و بعدين ترجع تانى على الموتور, و مع سخونية الموتور بتبتدى درجة حرارة المياه تزيد و الضغط بتاعها يزيد لحد معين و لما توصل للحد دة يبتدى يخرج شوية مياه من الردياتير الى القربة عشان تحافظ على الضغط فى دورة التبريد, عشان كدة بنلاقى المياه عليت جوة القربة مع السخونية و و بتبقى عايزة تخرج لبرة و عشان كدة بنقول محدش يزود المياه عن علامة max ( لحد الشفة اللى فى نص القربة) عشان المياه تلاقى مكان و هى طالعة من الردياتير الى القربة, و طبعاً غطا القربة لازم يتقفل كويس لإحكام الضغط.

[hessenp]

خد هوا من دايرة التبريد !!!!

[memoo305]

ممكن يكون عندك دورة التبريد فيها حاجة . لأني مرة نسيت الأربة مفتوحة ومشيت وماكتشفتش غير في أخر اليوم ( بس كانو 80كم طوالي)