مش لاقي فيشة الأوكتان

[ma7amadk]

السلام عليكم
كنت قريت من فترة عن موضوع تظبيط فيشة الأوكتان وطلبت معايا مبارح أعملها لإني اتخنقت من سحب العربية والتكييف شغال
المهم جيت أدور ع الفيشة لاقيتها متشالة أصلا يعني متظبطة على بنزين 90 وانا عايز أظبطها على 92
أجيبها منين الفيشة دي بقى

[khalid_adel]

اول مره اسمع عنها
متابع للاستفاده

[megosoft]

فكرة عمل الفيشة زي فكرة الــــ
Jumper بتاع الــــــــــ
Hard disk
يعني بأختصار ممكن تقشر السلك وتوصله مع بعض على حسب الطريقة أو نوع الأكوتين المطلوب.

[ma7amadk]

فكرة عمل الفيشة زي فكرة الــــ
jumper بتاع الــــــــــ
hard disk
يعني بأختصار ممكن تقشر السلك وتوصله مع بعض على حسب الطريقة أو نوع الأكوتين المطلوب.

ما هي المشكلة إني طايل السلك ده بالعافية ومش عارف أشوفه بعيني فجتلي فكرة أدخل كاميرا وصورتها واكتشفت انها مش موجوده



أنا عارف هي فكرة جمبر بس في الحالة دي هضطر أقطع الموكيت عشان أعرف أوصل للسلك بسهوله
والا لما آجي أبيعها اللي هيشتري هيتلككلي على القطعة دي وينزل في السعر كمان وكمان كعادتنا كشعب :d

[megosoft]

ما هي المشكلة إني طايل السلك ده بالعافية ومش عارف أشوفه بعيني فجتلي فكرة أدخل كاميرا وصورتها واكتشفت انها مش موجوده
أنا عارف هي فكرة جمبر بس في الحالة دي هضطر أقطع الموكيت عشان أعرف أوصل للسلك بسهوله
والا لما آجي أبيعها اللي هيشتري هيتلككلي على القطعة دي وينزل في السعر كمان وكمان كعادتنا كشعب :d

لا لا --- وحد الله اومال !!!
بص يا سيدي- انت تفك الكرسي 4 مسامير 12
وبعدين تفك العتب
وبعدين تسحب الموكيت من تحت العتب
ح تلاقي الفيشه ظاهره قصادك وتقولك انا اهوووه
تخلص مصلحتك من الفيشة وترجع كل حاجه زي ما كانت
أهي سهله خالص أهي .

.
.

[ma7amadk]

لا لا --- وحد الله اومال !!!
بص يا سيدي- انت تفك الكرسي 4 مسامير 12
وبعدين تفك العتب
وبعدين تسحب الموكيت من تحت العتب
ح تلاقي الفيشه ظاهره قصادك وتقولك انا اهوووه
تخلص مصلحتك من الفيشة وترجع كل حاجه زي ما كانت
أهي سهله خالص أهي .

.
.

فكرة برضو
بس يا خوفي الكرسي يطلع واحتاس لما أركبه تاني :d
شكرا ليك وهجربها إن شاء الله

[ma7amadk]

اول مره اسمع عنها
متابع للاستفاده

للأسف مش فاكر قريته فين بس أعرف إنه بيفرق في سحب العربية وممكن تظبطه على بنزين 80-90-92
انت سوبارو
التكنولوجيا دي مش موجوده الا في الدايو :p

[megosoft]

فكرة برضو
بس يا خوفي الكرسي يطلع واحتاس لما أركبه تاني :d
شكرا ليك وهجربها إن شاء الله

على فكره - بجد فك الكرسي سهل جدا - هما اربع مسامير مافيش غيرهم-

الكرسي اليمين.. ها

[ma7amadk]

على فكره - بجد فك الكرسي سهل جدا - هما اربع مسامير مافيش غيرهم-

الكرسي اليمين.. ها

ههههه أكيد طبعا اليمين
بس في سؤال
الموكيت اللي تحت العتب ده هفكله العتب برضو والا مش محتاجه

[megosoft]

ههههه أكيد طبعا اليمين
بس في سؤال
الموكيت اللي تحت العتب ده هفكله العتب برضو والا مش محتاجه

سؤال جميل جداااا.
بص يا سيدي وانت بتفك الموكيت مش ح تحتاج تفك العتب - لأن ممكن الموكيت يتسحب والعتب راكب.

لكن في التركيب -- عمر الموكيت ما ح يضبط طول ما العتب راكب.
وبناءا عليه : فكه من الاول وريح دماغك- وسهل جدا برضه لانه بيركب بكلبسات مجرد ما تملك أول كلبس وتعرف تفكه- ح يتفك الباقي بسهوله وبأحترافيه شديده

واهو بكره الجمعه- تأخد العربيه في حته ضل كده - وتعيش مع المتعة والتسليه والاثارة ...

[ma7amadk]

سؤال جميل جداااا.
بص يا سيدي وانت بتفك الموكيت مش ح تحتاج تفك العتب - لأن ممكن الموكيت يتسحب والعتب راكب.

لكن في التركيب -- عمر الموكيت ما ح يضبط طول ما العتب راكب.
وبناءا عليه : فكه من الاول وريح دماغك- وسهل جدا برضه لانه بيركب بكلبسات مجرد ما تملك أول كلبس وتعرف تفكه- ح يتفك الباقي بسهوله وبأحترافيه شديده

واهو بكره الجمعه- تأخد العربيه في حته ضل كده - وتعيش مع المتعة والتسليه والاثارة ...

أهو انا ما بكرهش حاجه في العربيات أد الكلبسات دي
غالبا بيكون في 2-3 بيروحو ضحايا عملية الفك
ربنا يستر

[megosoft]

أهو انا ما بكرهش حاجه في العربيات أد الكلبسات دي
غالبا بيكون في 2-3 بيروحو ضحايا عملية الفك
ربنا يستر

لا دي كلبسات حديد ما تخفش منها - انا بيكون تركيزي على فيبر العتب - وطالما ح تشتغل بأيديك فأنا متأكد ان النتيجة ح تكون احسن من أحسن صنايعي يشتغل.

[khalid_adel]

انا الفا روميو 146 بس الكونترول بتاعي gm ومكانه تحت رجل الراكب اليمين لفوق كده (ممكن تقول تحت التابلوه بس ناحيه الارض)
وممكن اكون زيكو ولا ايه
لو كده اظبط امه على 80 ونوفر البنزين :):):)

[amro_19700]

هل الفيشة دى موجودة فى نوبيرا2 كورى واين مكانها

[tarek_2005]

مش موجودة في كل النوبيرا
ومش موجودة في ال الفاروميو

وبالنسبة لصاحب الموضوع
لو فلوسك كتير وميهمكش استهلاك البنزين علي حساب الاداء هتظبطها ظبة ال 95
اما لو بتحاسب علي البنزين مع استهلاك مرضي فوضعها الحالي احسن وضع ليك لو بتستخدم بنزين 92 لانها كدا مظبوطة ظبطة ال 91 اوكتين ودا كدا شغال 90 و 92 مفيش اي مشكلة وغالبيتنا شيلنها خالص ومبنركبهاش الا في حالتين
مفيش بنزين 90 و 92 واظررت اسفاً انك تحط شوية 80 او مش فارقه معانا الفلوس مقابل الشد بنظبطها ظبة ال 95 ولكن استهلاك البنزين هيبقي غبي بمعني الكلمة