مش لاقي فيشة الأوكتان

[fghahkj]

طيب ظبطه الـــ 80 ايه يا باشا

[ma7amadk]

لا دي كلبسات حديد ما تخفش منها - انا بيكون تركيزي على فيبر العتب - وطالما ح تشتغل بأيديك فأنا متأكد ان النتيجة ح تكون احسن من أحسن صنايعي يشتغل.

الكلبسة عندي طلعت بلاستيك وكالعادة توجد آثار حرب
شلت الفبره والكلبسه فضلت مكانها في العتب نفسه :d
المشكلة بعد ما ركبت الكرسي وبضبط الظهر بتاعه لسه بسند عليه لاقيته جايب آخره
وانا لاجيت جنبه ولا يحزنون مش عارف زي ما يكون الترس بقى ناعم مره واحدة

[ma7amadk]

مش موجودة في كل النوبيرا
ومش موجودة في ال الفاروميو

وبالنسبة لصاحب الموضوع
لو فلوسك كتير وميهمكش استهلاك البنزين علي حساب الاداء هتظبطها ظبة ال 95
اما لو بتحاسب علي البنزين مع استهلاك مرضي فوضعها الحالي احسن وضع ليك لو بتستخدم بنزين 92 لانها كدا مظبوطة ظبطة ال 91 اوكتين ودا كدا شغال 90 و 92 مفيش اي مشكلة وغالبيتنا شيلنها خالص ومبنركبهاش الا في حالتين
مفيش بنزين 90 و 92 واظررت اسفاً انك تحط شوية 80 او مش فارقه معانا الفلوس مقابل الشد بنظبطها ظبة ال 95 ولكن استهلاك البنزين هيبقي غبي بمعني الكلمة

القصة مش قصة فلوس كتير
القصة إني اتخنقت من سحبها مع تشغيل التكييف وبتبقى عاملة زي البطة البلدي لما السرعة تقل 20كم/س في 3 ثواني بتعوضهم مش أقل من 15 ثانية مثلاااا
أو الطريق يبقى ماشي بطئ ومرة واحدة يفتح بلاقي عربيات موديل 80 والا أوائل الـ 90 بلاقيها طارت وهو بالنسباله مش كابس بنزين ولا حاجه وانا يادوب بقولها يالا يا تتح يالا يا نوسه هاتي الغيار اللي بعده ها ها يلا :d
ومعرفش الاستهلاك هيزيد بمعدل أد إيه؟ لتر في الـ100 كيلو مثلا؟
وعموما ما حستش بفرق يذكر في السحب
هحكم على القصة دي نهائي يوم السبت إن شاء الله وانا رايح الشغل واشوف مش فارقة فعلا والا يمكن مشكلة حاجه تانية

[tarek_2005]

طيب ظبطه الـــ 80 ايه يا باشا

بتوصل الثلاث اطراف مع بعض

القصة مش قصة فلوس كتير
القصة إني اتخنقت من سحبها مع تشغيل التكييف وبتبقى عاملة زي البطة البلدي لما السرعة تقل 20كم/س في 3 ثواني بتعوضهم مش أقل من 15 ثانية مثلاااا
أو الطريق يبقى ماشي بطئ ومرة واحدة يفتح بلاقي عربيات موديل 80 والا أوائل الـ 90 بلاقيها طارت وهو بالنسباله مش كابس بنزين ولا حاجه وانا يادوب بقولها يالا يا تتح يالا يا نوسه هاتي الغيار اللي بعده ها ها يلا :d
ومعرفش الاستهلاك هيزيد بمعدل أد إيه؟ لتر في الـ100 كيلو مثلا؟
وعموما ما حستش بفرق يذكر في السحب
هحكم على القصة دي نهائي يوم السبت إن شاء الله وانا رايح الشغل واشوف مش فارقة فعلا والا يمكن مشكلة حاجه تانية

راجع مؤثرات السحب في سيارتك
1 - بوجيهات
2 - اسلاك بوجيهات
3 - بوبينة
4 - فلتر بنزين
5- طرمبة بنزين
6 - حساس شكمان او ظبطة بوتشميتر

[ma7amadk]

طيب ظبطه الـــ 80 ايه يا باشا

آسف،، ما خدتش بالي من سؤالك ده وزي ما قال أستاذ طارق بتوصل التلاتة مع بعض

[ma7amadk]

راجع مؤثرات السحب في سيارتك
1 - بوجيهات
2 - اسلاك بوجيهات
3 - بوبينة
4 - فلتر بنزين
5- طرمبة بنزين
6 - حساس شكمان او ظبطة بوتشميتر

والله يا أستاذ طارق المشكلة دي معايا من بداية الصيف،، يمكن اتعودت على كده طول الفترة اللي فاتت بس بعد بداية المدارس الطرق حالها بقى لا يطاق
المهم
البوجيهات وغيرتها بـ NGK
والاسلاك برضو بالأصلي
الفلتر كمان مغيره
البوبينه مش فاهم حضرتك تقصد مالها
وبالنسبة للبوتشميتر هو لو مش مضبوط مش المفروض العربية وهي ع السلانسيه بتبقى عايزه دوسة بنزين والا هتبطل؟؟
هي مش بتحصل معايا كده عموما
وعلى فكرة الفرق اللي لاحظته بعد ما غيرت وضع الفيشة إنها قبل كده بالتكييف كانت آخرها بتجيب 140 على طريق مستو
دلوقتي بتجيب 150 وشكرا
هو أكيد طبعا مش هتفرق معايا 140 من 150
110-100 حلوين أوي :D
بس ده اللي لاحظته عموما
وفي حاجه كمان عايز أقولها.. قبل كده العربية استجابتها بعد نقلة الغيار التاني كانت متأخرة ومخنوقة.. غيار 2 بس
بعد ضبطة الفيشة في تحسن ملحوظ بس التأخير لسه محسوس برضو
وكنت كشفت ع الدبرياش قبل كده ومكانش فيه مشكلة والراجل حسسني إني لسه بتعلم سواقة
رغم إني قبل ما أروحله سايق عربية لانوس تانية ومش بيحصل معايا اللي بيحصل مع عربيتي
معلش بقى طولت عليك

[ma7amadk]

آه ومنظف قبل كده البوابة كمان.. وكنت استخدمت منظف انجكشن كذا مرة والحال بيبقى تمام..
التفويلة تخلص من هنا وترجع ريما لعادتها القديمة

[megosoft]

الكلبسة عندي طلعت بلاستيك وكالعادة توجد آثار حرب
شلت الفبره والكلبسه فضلت مكانها في العتب نفسه :d
المشكلة بعد ما ركبت الكرسي وبضبط الظهر بتاعه لسه بسند عليه لاقيته جايب آخره
وانا لاجيت جنبه ولا يحزنون مش عارف زي ما يكون الترس بقى ناعم مره واحدة

الف حمد لله على السلامة - ومش مهم اثار الحرب انها ظهرت على العتب او الموكيت أو الكرسي. كل ده فداك يا باشا.
المهم انك وصلت للمطلوب.

[tarek_2005]

فتحت متور عربيتك ازاي

[ma7amadk]

فتحت متور عربيتك ازاي

تقصد عشان البوابة؟؟
مركز الصيانة اللي عملها مش أنا شخصيا

[tarek_2005]

لا قصدي بعد التلين جريت عربيتك ازاعي

[ma7amadk]

لا قصدي بعد التلين جريت عربيتك ازاعي

هي موديل 2008 ولسه شاريها من 6-7 شهور
ف مش عارف صاحبها عمل إيه

[tarek_2005]

خد العربية يوم في الصباح الباكر وطبعاً كوتشك تمام وزيتك وميتك وكله تمام واطلع طريق سريع وتغيرش غير علي ار بي ام عالي وعلي الخامس هات اخر العربية لمدة 3 دقائق وبعدين ارجع للسرعة العادية وقلي ايه الاخبار بعد كده

[Khaled Lanos]

متابع

+

اظبط فيشة الأوكتان على 92 ازاي يا طارق باشا؟

وانت كنت بتقول لو عملتها على 95 الأداء هيبقى تمام بس الاستهلاك هيزيد..

هو ينفع اعملها على 95 وأنا بعبي 92 بس؟

[tarek_2005]

متابع

+

اظبط فيشة الأوكتان على 92 ازاي يا طارق باشا؟

وانت كنت بتقول لو عملتها على 95 الأداء هيبقى تمام بس الاستهلاك هيزيد..

هو ينفع اعملها على 95 وأنا بعبي 92 بس؟

انتا نسيت اني مظبطهالك لما كنا في مقابلة مول العرب