زيت ابرو

[BlueNova]

اولاً كل هذا مسكنات
العلاج صلح موتورك (( عمرة او تغيير باستيراد ))
المسكنات
استعمل الابرو ومش لازم تستمر عليه ولا حاجة ممكن تحطه مرة ومرة لاء عادي
استعمل زيت لزوجته عالية مفيش اي مشكلة
لو العربية تعبتك في الدوارة الصبح في الشتاء اوقف الابرو لمرتين تغيير زيت هترجع عادي جداً
لو باقي العربية مظبوط مش هيحصل تاثير ملموس علي المارش

هي دي الناس اللي بتجيب من الاخر تشكر يا باشا علي ردك و بخصوص انها مسكنات فهو عشان هكمل علي الموتور دا كدا لحد ما يجيب اخره و ابقي اجيب واحد استيراد ان شاء الله .. شكرا مره تانية

اه سؤال اخير معلش .. لما اضيف الابرو علي الزيت احط 3.5 كيلو زيت و الابرو ؟ ولا اخصم حجم الابرو من حجم الزيت عشان يبقي كله توتال 3.5 كيلو ؟

[tarek_2005]

طبعاً هتخصم حجم الابروا من الكمية الموصي بها علشان حجم الزيت ميزيدش في المحرك وبخاصة ان المحرك خفيف وسهل اوي يوصل الزيت للبوجيهات اثناء العمل ويؤدي الي مشاكل اخري

[BlueNova]

طبعاً هتخصم حجم الابروا من الكمية الموصي بها علشان حجم الزيت ميزيدش في المحرك وبخاصة ان المحرك خفيف وسهل اوي يوصل الزيت للبوجيهات اثناء العمل ويؤدي الي مشاكل اخري

شكرا يا استاذ طارق علي تعبك معانا

[عاطف ياقوت]

السلام عليكم ....... بالنسبة لزيت ابرو معلش انا تأخرت وهذا لأنى لسه شايف الموضوع دلوقتى ولأنى حاطط نفس الزيت هو جميل جدا واميكانيكى بتاعى هو اللى حاطه ومنع الدخنة خالص وخصوصا ان عربيتى اوكتافيا والماتو خفيف لأنى معدى الربع مليون كيلو وماشى ماشاء الله زى الفل. وكل حاجة بالتجربة جميله بس الحرص أجمل ...

[Ramy80]

انتوا تقصدوا زيت شمبر من ابرو ولا زيت موتور ابرو

[رامي مصطفى]

متابع

[Weesky]

الكلام في الموضوع علي زيت شمبر ابرو
وعلي فكرة وبناء علي تجارب شخصية الزيت ده ينفع كوقاية اكتر بكتير منه كعلاج يعني من الأخر الموتور لو لسة ناوي يبقة خفيف ممكن تستعمله ويجيب نتيجة بس لو الماتور خفيف اساسا يبقة وفر وقتك وشوف حتعمل عمرة ولا حتجيب ماتور استيراد