سعر طرمبة مياه (عربيه لانوس)

[bebom]

ياريت حد يقولولي
سعر طرمبة المياه
واحسن نوع
ولو حد يعرف المصنعيه كام


شكرا ليكم
حسام السويدي

[bebom]

المشكلة كانت

http://www.nilemotors.net/Nile/321961-a.html

السلام عليكم

ونا ماشي علي المحور ماشي علي100كم يعني مش سريع فجاءة لقيت امبير الحرارة فوق النص والمض التشيك الزيت نورة بطلت علي طول الحمد الله لبة الحرارة منورتش
-بطلت ونزلت ابص علي مياه بعد العربية لما بردة ملقتش مياه مع اني ( كنت باصص علي المياه عند العلامة قبل مخرج بالعربيه)
1-جالي ميكانيكي من بتوع الطريق قالي العربي جابت وش ومش هتدور قلتله دور وشوف الحمد الله دارة وشاه الزيت تمام قلي الحمد الله سليمه حط مياه في القربة المياه بتنقص خد هواء وملا القربة قالي طرمبة المياه مبتقلبش المياه ضعيفة وشغل المروحة دايركة من غير متفصل ومشيت وكل تمام حوالي 10 دقائق ونا سايق60 ك علي الهادي لقيت برده الامبير علي بطلت لقيت برده مفيش مياه في حاجة بتسرب مياه
2-جالي سواق تاكسي قالي لازم تلغي الترومستتات قالي الماتور سخن وبص الرداتير بااارد وقطرت العربية لحد البيت
3- نفس القصة ديه حصلت زمان قبل مغير ماكنة وكانت بسبب خراطيم مخرومة وغيرتها



رحت للميكانيكي
اول حاجة لقا الخرطوم الي متوصل بالرداتير الكوليه مكسور وبيسرب
تاني حاجة الطرمبة بتسرب او ضعيفة بس لسة بكرة هيركبها وهخليه بردة يكشف تاني

اتعلمت من التجربة
اول لما امبير الحرارة يعلي ابطل علي طول حتي لو في نص الشارع ومدرش الا لما العربيه تهدي خالص ابص الاول علي المياه لو لقيتها مظبوطة اودر مفيش مايه اشغل الكونتكت وبص علي الامبير الحرارة وبعد ادور لوقبل الن تكون بردة ولو المياه ناقصة اذود وهيا دايرة
وابص تحت العربيه لو في تسريب وحرفتش احله اقطر العربية بدل متجيب وش ولا اي نصيبه وربنا يستر


لو اي حد عنده معلومة او تصحيح حاجة يكتب عشان الكل يستفاد
واشكر كل من ساعدني حتي لو بمعلومة بسيطة


حسام السويدي

[hany essa]

90 جنيه كورى الصنع +1ك زيت باور موبيل 240 سعره 35جنيه ومصنعيه فى حدود 100 جنيه او زياده حاجه بسيطه لانها بتاخد شويه شغل وزيت الباور هتحتاجه علشان عند تغيير الطرمبه يتم تصفيه زيت الباور بسبب فكها علشان تركيب طرمبه المياه

[bebom]

الف شكرا ليك ياهاني باشا انا فعلا جبت الطرمبه بس لسة بكره ان شاء الله هيركبها

معلش تعبك معايا



حسام السويدي

[fosfos010]

160 gmمن ابو الحسن التركيب غير بالمرة سيور لان كدة حيفكها المصنعية من 75 الى 100 جنيها

[hessenp]

على فكرة انا لسة مغيرها من اسبوع تقريبا وكان سعرها كورى 85 جنية
والمصنعية 100 جنية ومش لازم يصفى زيت الباور خالص ....

[bebom]

دلوقتي الميكانيكي عايز يلغي ترموستتات الكوعه بيقلي هيا ديه الي بتسخن العربية

قبل التسريب مكنش الحرارة ابدا بتعدي النص

اعمل اية

[Mohamedmaree91]

اوعا تلغيه دا الا بيضبط درجة حراراة الموتور

[walidabc]

يا تري قبل المشكلة ده ما تحصل هل لاحظت ان الحرارة بتزيد شوية
انا شايف ان العربية بتسخن شوية عن الطبيعي و المروحة بتاخد وقت طويل علشان تفصل (ده لو فصلت) و انا شاكك في طلمبة الميه
راجع الموضوع اللي كتبته هنا

http://www.nilemotors.net/Nile/360833-a.html

[tarek_2005]

غير الميكانيكي ده لانه فتاي

[MITSUKERO]

ده موضوع عن اهمية ثرموستات الكوعة

http://www.nilemotors.net/Nile/328708-a.html

غير الميكانيكي الفتاي ده فورا و لو الثرموستات بايظ غيره مش تلغيه ده ب 35 جنية مش غالي يعني

الميكانيكية اللي من صنف الجدع بتاعك ده ببقي عايز اضربهم والله

[dedi]

هات ترموستات اصلية و بلاش تلغيهم زى الميكانيكى الفتاى بتاعى هايبرجلوا العربية و تستهلك بنزين زى ماعاملة معى