عربيتي عملت حادثة

[waddaa13]

الحمد لله انا دخلت في عربية نص نقل من ضهرها الاكصدام بتعها كان عالي فا دخل في الكبوت انا كنت ماشي على سرعة واطية فا الخبطة جت خفيفة. المهمرالرادياتير اتعوج و الكبوت والرفرف اليمين نفس الكلام وطبعا الفانوس اليمين مع السلامة وهو طبعا ولا الهوا
المهم خليت الرجل يقطرني لاقرب ميكانيكي و سمكري شدينا الشدة القدمانية وفكينا الرادياتير ورحنا لبتاع الرادياتيرات عدله وغير علبه ولحم 3 اخرام طبعا في وسط الدعك ده كانت المروحة الصغير مع السلامة الكبيرة سليمة الحمد لله
انا كنت ميافر والحدثة حصلتلي على الطريق
السمكري قالي روح هات رفرف وكبوت قلتله لا مليش فيه خدت عربيتبي وسافرت بيها ورجعت كمان الحمد لله
العربية شغالة كويس فيما عدا ان متوسط درجة الحرارة بتعتها علي (المروحة الصغيرة مش موجودة) وزرار الانتظار مش شغال الاشارة اليمين بتعمل فلاش بسرعة خرافية
اه صحيح علبة فلتر الهوا اكسرت من الجنب

انا بقى بحكي القصة دي كلها عشان في كذا سمكري رحتلهم مرضيوش يشتغلو فيها ويقلولي هات رفرف و كبوت الا واحد بس قالي هاتاخد شغل يوم انا كنت مشغول و محتاجة قلتله هجيلبهالك الخميس بس السمكري ده هسافرله المنوفية
انا عاوز اخد رايكم اعمل اه دلوقتي و اسعار الحاجات الي باظت دي لو هغيرها

[ahmad_salama]

قدر الله وما شاء فعل والحمد لله انها جت علي كده

شوف مصنعيه السمكري كام الي هيستعدل الاجزاء دي وشوف الاجزاء لو جبتها ستيراد وركبتها هتكلف كام بالمصنعيه
لو الفرق طلع مش كبير يبقي تجيب استريد احسن علشان بيتهيئلي عمل ما السمكري هيظبطها زي الجديد

بالنسبه للانتظار والاشاره عدي ع الكهربائي بس لما تخلص الحاجات الكبيره الاول

[akmm]

الف الف سلامه والحمد لله .

[tarek_2005]

الف حمداً لله علي سلامتك
اولا الانتظار سريع لعدم وجود اللمبة الامامية مجرد روكبها هيرجع لسرعته العادية
حاول متمشيش بالعربية وبخاصة داخل البلد بدون المروحة الصغيرة غيرها فوراً
الانتظار مش شغال احتمال كبير لتلف المفتاح او هزة في فيشة المفتاح من الاستضام
موضوع السمكرة والاستيراد يحكمه المادة ايهما اوفر واتكل علي الله

[S O P H O S]

الحمد الله انك بخير
وان شاء الله خير زي ما قال الاخوة ..

[ehabomar1987]

بص يا باشا فيه سمكرى كويس فى منطقة اسمها الاميرية انا اعرفه هو ولد محترم وشاب صغير وشغله نضيف لو حابب انك تروحله انا ممكن اوصفهولك واوصيه عليك كمان لو حابب بس هو ممكن يكون غالى شوية انا معرفش كمان هو هياخد وقت شغل اد ايه

[waddaa13]

اولا الف شكر ليكم كلكم

بص يا باشا فيه سمكرى كويس فى منطقة اسمها الاميرية انا اعرفه هو ولد محترم وشاب صغير وشغله نضيف لو حابب انك تروحله انا ممكن اوصفهولك واوصيه عليك كمان لو حابب بس هو ممكن يكون غالى شوية انا معرفش كمان هو هياخد وقت شغل اد ايه

ثانيا : الأستاذ إيهاب : أكون شاكر قوي لو وصفتلي مكانه و كمان ادتني نمرته اكلمه اشوف الليلة هتتكلف كام

و ياريت حد يقولي بردوا اسعار الكبوت و الرفرف و المروحة و الفنوس كام

[tarek_2005]

الفانوس
صيني = 95جم
ديبوا = 125
اصلي = 450
الكابوت
جديد = 450
اصلي = 1200 من منصور
استيراد من 500 الي 600 جم
الرفرف
اصلي =450 من منصور
كوري = 250
استيراد من 200 الي 250 حسب الحالة
المروحة للاسف معرفش اسعارها ايه

[waddaa13]

لا دا كدة اني اعدلهم اكيييد ارخص كتييييير

[waddaa13]

الفانوس
صيني = 95جم
ديبوا = 125
اصلي = 450
الكابوت
جديد = 450
اصلي = 1200 من منصور
استيراد من 500 الي 600 جم
الرفرف
اصلي =450 من منصور
كوري = 250
استيراد من 200 الي 250 حسب الحالة
المروحة للاسف معرفش اسعارها ايه

طب وعلبة الفلتر؟

[waddaa13]

الف شكر يا كبييير

[MMamdouh]

مفيش اى مشكلة انك تمشى بمروحة التبريد الكبيرة فقط طالما مش بتشغل التكييف... اصلا اللانوس اللى بتنزل من غير تكييف بيبقى فيها مروحة واحدة فقط

MMamdouh

[waddaa13]

ماشي بس معلشي بردو للامان ﻷن ال2 بيشتغلوا مع بعض فعلا مش واحدة للتكيف و تانية العادية
انا سالت عليها عندنا في الدقي لقيتها ب165 و علبة فلتر الهوا ب90

[waddaa13]

انا مستني اسم السمكري و نمرة تليفونه و طريقه من الأستاذ إيهاب لسا :)

[tameromarw]

سمك لبن تمر هندي

انصحك انك تدق الرفرف والكبوت وتصلحها بالتكلفه العاديه ليهههه ؟
لان للاسف مصر المحروسه اكتر بلد عربيتها مكسره سواء من الشوارع االي مليانه حفر ومطبات او من الزحمة وكثرة الحوادث الخفيفه فمش هتسلم من خبطة رفرف خبطة اكصدام ........ الخ او من الصنايعية اللي
معاهم شهادات تخلف عقلي بس شغالين وده رزقهم ...
فهيصعب عليك اللي هتشتريه جديد ولا استيراد بالغالي

وبص حواليك مش هتلاقي عربية سليمه ؟؟؟؟؟؟

لان مهما تكون سواق محترم بتتخبط وهيه واقفه

فكبر وصلح باقل تكلفه

ومثال لسه مركب بربريز امامي وسألت علي الجيد قالوا جريش ركبته

رحت بعد يومين لسمكري يظبط الكبوت من مفاصله
والعادي خبطه الشاكوت هوت منه جات علي حرف البربريز