عربيتي عملت حادثة

[zomzom11]

الفانوس
صيني = 95جم
ديبوا = 125
اصلي = 450
الكابوت
جديد = 450
اصلي = 1200 من منصور
استيراد من 500 الي 600 جم
الرفرف
اصلي =450 من منصور
كوري = 250
استيراد من 200 الي 250 حسب الحالة
المروحة للاسف معرفش اسعارها ايه

المروحه بالقميص كوؤى ب 145 جنيه فى التوفيقيه القميص لوحده 80 جنيه

[zomzom11]

انصحك انك تدق الرفرف والكبوت وتصلحها بالتكلفه العاديه ليهههه ؟
لان للاسف مصر المحروسه اكتر بلد عربيتها مكسره سواء من الشوارع االي مليانه حفر ومطبات او من الزحمة وكثرة الحوادث الخفيفه فمش هتسلم من خبطة رفرف خبطة اكصدام ........ الخ او من الصنايعية اللي
معاهم شهادات تخلف عقلي بس شغالين وده رزقهم ...
فهيصعب عليك اللي هتشتريه جديد ولا استيراد بالغالي

وبص حواليك مش هتلاقي عربية سليمه ؟؟؟؟؟؟

لان مهما تكون سواق محترم بتتخبط وهيه واقفه

فكبر وصلح باقل تكلفه

ومثال لسه مركب بربريز امامي وسألت علي الجيد قالوا جريش ركبته

رحت بعد يومين لسمكري يظبط الكبوت من مفاصله
والعادي خبطه الشاكوت هوت منه جات علي حرف البربريز

متهيالى ده افضل الحلول لك حاليا مؤقتا وخصوصا لانك لحمت الرادياتير مع انه جديد ب 280 فى التوفيقيه مش عارف انك صلحته بكام وكفائته الحاليه قد ايه بس هاقولك مثال لسه حاصلى
انا لسه شادد العربيه سمكره ودوكو وسمكرت الرفرفين وغيرت اكصدام ورادياتير والكبوت نصحونى اغيره باستيراد ولكن استغليته وقلت اشغل الى عندى الحمد لله خلصت ومكملتش شهر ومن كام يوم بالظبط واحد ابن حلال ب 128 خبطنى من الشمال رزعنى فى الى جانبى عاليمين وجرى طبعا الحمد لله الخسائر بقى رفرف اطبق ورفرف اتفعص والصاج بتاعه اتقطع الاكصدام اتجرح واتشوه الفوانيس ودانها اتكسرت اتقطمت ولسه بشوكها الحمد لله اتصرفت واستعدلتهم وادينى ماشى انا بحكيلك ده ليه لان اصحابى والسمكرى وكل الناس نصحونى اجيب فانوسين اصلى استيراد ب 550 جنيه وانا استخسرت وجبت اتين ديبو جداد ب 280 والحمد لله لانهم عندى الان بدون ودان ومفرقش الاصلى من التقليد كله بيتكسر
نسيت اقولك بردو قالولى غير الشنطه لقيتها ب 2000 ايوا ب 2000 جنيه قلت حرام استعدلها يا عم واهى ماشيه
نصيحه احسب كل حاجه واختار الى يناسبك وبلاش جرى ولا اصلى لما تشترى شترى جديد او صلح ودور على اهمية الشئ مش شكله بس