حكايتى مع الميكانيكى/ محمد عبدة

[هيثم الشرقاوى]

السلام عليكم ورحمة الله وبركاتة

انا مبدئيا بعمل الموضوع دا وربنا شاهد على انى لا أذكر غير الحقيقه فقط

انا رحت لمحمد عبدة عشان كان عندى فى العربيه تسريب زيت من جوان طرمبة الزيت
طبعا اتفك سير الكاتينة و كاريتيرة الزيت عشان يوصل للجوان ويغيره
و لما اتفك غيربنا بلمره طرمبة المية و طقم بلى و سير جديد وجوان غطا التاكيهات وخرطوم من خراطيم الباور
وعملت بعد ما خلصت الشغل اختبار كبس للميه عشان كانت بتنقص وقالى عربيتك زى الفل مفيهاش حاجه
ودفعت مصنعية 300 جنية

بص ياباشا اولا انا معجب بمشاركاتك واعرف انك راجل فاهم وبتشتغل بإيدك كمان (فاكر موضوع ترموستات الكوعة الى انتة عملتة بايدك ) وبما انك راجل فاهم المفروض مكنتش تروحلة تانى عشان المصنعية بتاعت اول مرة مبالغ فيها وربنا يعوض عليك ويجعلة فى ميزان حسناتك

[ahmed.zahra]

نفس الانطباع اللي جالي لما رحت له , مصنعية مبالغ فيها جدا , و مش بيشتغل بإيده في العربية اصلا
و الصنايعية اللي عنده واحد كويس , و التاني ربنا ما يوري حد (سمعت انه مشي من هناك)

لو حابب ميكانيكي دايو كويس جــــــــدا و محترم و امين بس في جسر السويس قل لي ابعت لك عنوانه على الخاص

و انا جربت ده و ده , و ارتحت جدا مع الراجل اللي باقول لك عليه لفترة طويلة

على فكرة محمد هاشم اللي عند جامعة القاهرة انطباعي المبدأي عنه انه محترم و فاهم مع انه ما اشتغلش في عربيتي , كشف عليها كام مرة بس

ممكن تبعت لي عنوانه و تليفونه بعد إذنك اللي هو في جسر السويس

[JAM]

عربياتنا أساساً مش محتاجة ميكانيكى شاطر... أى ميكانيكى عنده عدة محترمة هيعمل فيها الى مبيتعملش
كل مشاكلها محفوظة وأكاد أجزم بإن كل الأعضاء اللى فى المنتدى بيروحوا للميكانيكى وهما عارفين عربيتهم فيها إيه من قبل الميكانيكى مايقول على العيب

[AlGazar2]

عربياتنا أساساً مش محتاجة ميكانيكى شاطر... أى ميكانيكى عنده عدة محترمة هيعمل فيها الى مبيتعملش
كل مشاكلها محفوظة وأكاد أجزم بإن كل الأعضاء اللى فى المنتدى بيروحوا للميكانيكى وهما عارفين عربيتهم فيها إيه من قبل الميكانيكى مايقول على العيب

احنا بنروح عشان العده اساسا

[Akram]

ربنا يعوض عليك ,
بالنسبة لمحمد عبده فأنا مش هعلق لأني مش بتعامل معاه من مده كبيرة ,

و انا لو فيه مشكلة كبيرة عندي بتعامل مع محمد هاشم و ده في بين السرايات بس مشكلته ان ممكن تروحله و يكشف على العربية بس ميشتغلش فيها لو معاه شغل تاني و يقولك تعالي يوم كذا , كأن الواحد رايح عند دكتور ....
لكن بصراحة محمد هاشم صنيعي جامد جداً ,,,,
,

[AlGazar2]

ربنا يعوض عليك ,
بالنسبة لمحمد عبده فأنا مش هعلق لأني مش بتعامل معاه من مده كبيرة ,

و انا لو فيه مشكلة كبيرة عندي بتعامل مع محمد هاشم و ده في بين السرايات بس مشكلته ان ممكن تروحله و يكشف على العربية بس ميشتغلش فيها لو معاه شغل تاني و يقولك تعالي يوم كذا , كأن الواحد رايح عند دكتور ....
لكن بصراحة محمد هاشم صنيعي جامد جداً ,,,,
,

دى بسيطه تكشف عند الدكتور و تصلح عند الميكانيكى العادى و انت واقف على ايده و انت عارف هاتعمل ايه بالظبط

انا بعمل كده فى العفشه باكشف عند الدكتور بس مبصلحش عنده الا لما يكون فى فلوس و بروح اصلح عند الميكانيكى بتاعى و اخليه يكشف برضه تانى و ادفع نص مصنعيه الدكتور تقريبا

[kagawa]

طرمبه الزيت دي مكانها فين ؟؟؟؟

وايه علاقتها بسير الكاتينه

وعلاقتها بجوان الكرتيره بتاعه الزيت

انا حاسس الموضوع فيه اشتغاله

..

..

[lanos2004]

يا نهار ابيض
دة ايه انته كنت فى توكيل دايو فى كوبنهاجن
اللهم ما احفظنا من محمد عبدة والى شبهه

[moryalex]

معلش ياباشا ربنا يعوض عليك خير وانا متأكد من كدة ان شاء الله لأن انت حذرت الناس منه
بجد ربنا يكرمك لأن انا كان عندى مشاكل كتير فى نوبيرا2 وناس هنا من خبراء المنتدى لما عرضت المشكلة نصحونى بمحمد عبده وقالوالى سيبهاله يومين تلاتة واستلمها على نضافة وفعلا اتصلت بيه كذا مرة واخدت مواعيد بس سبحان الله كانت بتحصل حاجات تخللينى ماروحش وده نتيجة صلاة الاستخارة ان ربنا نجانى من الورطة دى اذا كان شوية الحاجات العبيطة دى وقال لك 800 اومال انا كان هياخد منى كام اكيد مش اقل من 3000 جنيه واللا حاجة
بجد بشكرك مرة تانية ومش قادر ابطل اقول الحمد لله الذى نجانى
ربنا يخلف عليك
تحياتى

[ahmedhilmy]

ربنا يعوض عليك انا محمد عبده كنت بتعامل معاه من فتره و كان ليه عليه تحفظات كتيره هو من الاخر سيط علي الفاضي و لا بيلمس عربيه و لا بيشتغل فيها و عامل نفسه و لا المستشارين عموما حسبي الله و نعم الوكيل في كل مستغل .
انا حاليا بروح مركز top gear اللي في الهرم صاحب المركز مهندس و بيشتغل بايده في عربيتي و غيرها و المكان مجهز و المقابل مرضي و عامل تخفيض لاعضاء المنتدي لانه عامل عندنا عضويه مدفوعه

[Sherif Khalifa]

انا بطلت اتعامل معاة من 3 سنين
بسبب المصنعية المبالغ فيها جدا
و حسن الكبير الى يطفش العفريت
و انة مش بيشخص المشكلة هوا بيغير على طول (دا بحكم شغلة فى التوكيل)

من 3 سنين غيرلى طقم كستبانات و كان عايز 300 جم مصنعية اديتة 250 و سبتة و مشيت

[Khaled Lanos]

800 جنيه هو شغال في عربية بي إم!! واضح انو واخد سيط على الفاضي..ربنا يعوض عليك والمفروض كنت اتكلمت في الــ 40 جنيه اللي خدوهم الصنايعية..ولو عايز ميكانيكي ممتاز في السيدة قولي بس..وحسبي الله ونعم الوكيل في محمد عبده ياريت الناس متروحلوش تاني.

[AlGazar2]

800 جنيه هو شغال في عربية بي إم!! واضح انو واخد سيط على الفاضي..ربنا يعوض عليك والمفروض كنت اتكلمت في الــ 40 جنيه اللي خدوهم الصنايعية..ولو عايز ميكانيكي ممتاز في السيدة قولي بس..وحسبي الله ونعم الوكيل في محمد عبده ياريت الناس متروحلوش تاني.

بس خالد مش فى السيده يا خالد
خالد فى طولون و هو زى محمد عبده بس على ارحم بكتير و بيشتغل بايده و امين فعلا و انا مجربه بس بطلت من 3 سنين

[Khaled Lanos]

بس خالد مش فى السيده يا خالد
خالد فى طولون و هو زى محمد عبده بس على ارحم بكتير و بيشتغل بايده و امين فعلا و انا مجربه بس بطلت من 3 سنين

لأ ياعلاء خالد في اخر شارع قدري-بعد أجزخانة الخضيري-وعلى فكرة مش غالي ولا حاجة بالعكس مصنعيتو حلوة وميزته فعلا زي ماقلت بيشتغل في العربية في ايده وبيبقى واقف مع الصنايعية اللي عندو وواخد بالو من كل حاجة.

[shur3000]

انا كدة ابوس المكانيكى بتاعى فى بقه