حكايتى مع الميكانيكى/ محمد عبدة

[blazer]

هو مبدئيا انا مش عاوز حضرتك تاخد الموضوع دا شخصى بأى طريقه

انا مش عامل الموضوع اشتكى من حضرتك انك رشحته للناس او لى ,,,

انا شايف مثلا ان هو يعرفك من فتره فبيعمل معاك الواجب بزياده و بيهتم بعربيتك جدا و بياخد باله منها ومن الشغل الى بيتم فيها و المصنعيه الى بيطلبها بيطلبها بحساب لانك زبون قديم عنده و انه عارف انك فاهم كل حاجه مصنعيتها اد ايه

و انا قبل ما اعمل الموضوع سالت حضرتك شخصيا ,,
و حضرتك رديت على ان موضوع الطبب الاماماية والخلفية + تغير البلى الخلفى يتكلف 170 جنيه

يعنى هو واخد 350 جنيه يعنى اكتر من الضعف + ال 40 جنيه الى لما سالته عليهم قالى الخرطومين الى ركبوا ورا المنافولد تمنهم 40 جنيه

و زيت الباور حطيته من عندى وهو زود حوالى 200 ملى باقين عنده عشان يعدى علامه الماكس

انت لسة بتشتكى من نقص المية و هو عالج كل الحاجات اللى بتعمل تسريب خارجى... طالما لسة فيه نقص مية يبقى المية بتتسرب لجوة الموتور و دة مينفعش يتحدد الا لما تبقى الدورة محكمة تماما و هو دة اللى الراجل عملة


mmamdouh

هذكر لحضرتك نقطه احب اوضحها
وهى ان قبل ما يحصل اى تسريب خارجى وقبل ما اغير سير الكاتينة اصلا
عملت عنده كبس لدوره التبريد عشان كنت بشتكى من نقص المية وسالتة تحديدا هل جوان وش السلندر فيه اى مشكله وقالى ان مفيش اى حاجه بتسرب والدنيا زى الفل
بعد ما عملت الكاتينة ,,,عملت كبس تانى للدوره و قالى ان برده مفيش تسريب
فليه بقى مقلش من الاول ان الجوان فيه مشكله طالما ان لما هو عمل كبس للدوره و غير طرمبة الميه و العربيه مكانتش بتسرب ولا بتنفس من اى مكان ان الجوان يبقى هو السبب ووفر على الفلوس الى صرفتها والى لسه هصرفها؟



وغير كدا حسبى الله ونعم الوكيل مش دعوة وحشه ! كلنا حسبنا الله :) , ارجو انك تتقبل كلامى بصدر رحب

[AlGazar2]

انا لسه عند رأيى ان فى ميكانيكيه بيغالوا جدا فى صنعه ايديهم
و موقف حصل امبارح و انهارده ميكانيكى فى صقر كان عايز فى تغيير طقم الدبرياج 250 و خلص على 200
سألت الميكانيكى بتاعى عن التكلفه بتاعته انهارده قالى انه بيعملها ب 70 جنيه يعنى لو حد اول مره يروحله فى حياته ممكن يبقى 100 جنيه مثلا ( انا معرفش هو بيعمل كده ولا لا بس هو مصنعياته قليله و بيوقف على الشغل بايده )

و فى واحد تانى شغال فى التوكيل و خالد لانوس بيتعامل معاه غيرله الطقم ده و حل الفتيس مرتين و حاجات تانيه كتير اوى و طلب 300 جنيه تقريبا بس من تقدير خالد و والده ان المصنعيه قليله او مناسبه للشغل الى اتطلب و الميكانيكى ده كويس فى الدايو و عنده بعض قطع الغيار بتاعت الصيانات الدوريه و قطع كويسه مش وحشه

من الاخر و رأيى الشخصى بصراحه كده
اسعار محمد عبده دى اسعار توكيل و شغل ميكانيكى عادى - و انا متعاملتش معاه ولا مره قبل كده
و انا واثق انه ميكانيكى دايو كويس لان استاذ ممدوح و استاذ طارق بيشكروا فيه
بس برضه مع احترامى الشديد لعربياتنا الدايو هيه مش عربيه اختراع و تقريبا كل اعضاء القسم من المواضيع الى بتتكتب هنا من ثلاثى الدايو ( ممدوح و طارق و عصام غنايم ) بقوا بيعملوا حاجات كتير فى العربيه بايديهم

و ارجو انك ما تزعلش يا ممدوح من الموضوع ده لان كل الناس فى قسم الدايو خصوصا و فى المنتدى عموما عارفين انت مين و محدش فيهم يقدر يقول كلمه غلط فى حقك

[msobhy]

والله انا عندى كلام كتييييييييييير جدا ومواقف زى الزفت حصلت معايا - حتى ولو كانت تافهه
لكن انا مش هاقول اى حاجه
لكن فعلا يا ممدوح ديه وجهة نظرك وكلنا احتراما لبعض لازم نحترم وجهات نظر بعض
بالنسبه ليه - الحمد لله انى وقفت تعامل مع محمد عبده
ونصيحه لوجه الله تعالى
عايز تتعامل مع محمد عبده روح له فى حاجه كبيره بس - اتفق معاه على المصنعيه قبل حتى ما تروح له - أوعى تسمع كلام أى حد عنده وهات قطع الغيار بنفسك ومن المنير مش من حد تانى - اتفق معاه من قبل ما يشتغل اى خزوق هايطلع فى العربيه هو اللى هايتحمله (بس طبعا بما يرضى الله - غير كده عيش يا معلم فى فرح قطع الغيار والمصناعيه)
.
وطبعا نصيحتى الاكبر - بلاش محمد عبده

[shaddadfalcon1]

احترم جدا الميكانيكي اللي بيشتغل بايدو في العربيه وميجبش صناعيعي اي كلام معاه وده اللي مخليني متمسك بالميكانيكي بتاعي بممزياته وعيوبه وجربت واحد تاني كان برده شغال في توكيل واشتغل اول مره وبعد كده بقي يخلي عيال صغيره يخبطو في العربيه ومن ساعتها مرحتلوش تاني

الكهربائي برده كان دايما بيشتغل بايده لحد ماربنا كرمه وفتح عليه فتح ورشه كبيره وجاب عيال صغيره يعلمها معاه ومبقاش يشتغل بايده فغالبا هيغره هو كمان

[maka]

والله انا عندى كلام كتييييييييييير جدا ومواقف زى الزفت حصلت معايا - حتى ولو كانت تافهه
لكن انا مش هاقول اى حاجه
لكن فعلا يا ممدوح ديه وجهة نظرك وكلنا احتراما لبعض لازم نحترم وجهات نظر بعض
بالنسبه ليه - الحمد لله انى وقفت تعامل مع محمد عبده
ونصيحه لوجه الله تعالى
عايز تتعامل مع محمد عبده روح له فى حاجه كبيره بس - اتفق معاه على المصنعيه قبل حتى ما تروح له - أوعى تسمع كلام أى حد عنده وهات قطع الغيار بنفسك ومن المنير مش من حد تانى - اتفق معاه من قبل ما يشتغل اى خزوق هايطلع فى العربيه هو اللى هايتحمله (بس طبعا بما يرضى الله - غير كده عيش يا معلم فى فرح قطع الغيار والمصناعيه)
.
وطبعا نصيحتى الاكبر - بلاش محمد عبده

ربنا يعوض عليك يا باشا باذن الله و لعله خير

بس احقاقا للحق زى ما بنقول ما على عبده و ما له و بننصح الناس بعدم الذهاب له

لزم نقول برده ان المنير مش بيبع اصلى يعنى اللى يروح يجيب منه يبقى عارف ان بيشترى قطع غيار كورى او صينى اي كانت لكنها غير اصلية , ابو الحسن لو غالى فله بدائل

خالص تحياتى

[msobhy]

ربنا يعوض عليك يا باشا باذن الله و لعله خير

بس احقاقا للحق زى ما بنقول ما على عبده و ما له و بننصح الناس بعدم الذهاب له

لزم نقول برده ان المنير مش بيبع اصلى يعنى اللى يروح يجيب منه يبقى عارف ان بيشترى قطع غيار كورى او صينى اي كانت لكنها غير اصلية , ابو الحسن لو غالى فله بدائل

خالص تحياتى

حضرتك بتتكلم صح
وأحب أوضح معلومه وان كان محمد عبده مالوش علاقه بيها
ان اغلب المحلات اللى جنبه على قدها وقطع الغيار اللى عندها تعبانه جدا
يبقى تجيب من المنير أو ابو الحسن أو من اى حته تانيه - المهم ان قطع الغيار تكون مضمونه

[shur3000]

انا رجعت من الايقاف. وعامة يا استاذmmamdouh
انا اسف لو كان طلع منى لفظ مش اد كدة غصب عنى بس بردة متحاولش تقنعنى ان احنا اللى عايزين ناكل تعب وشقى الراجل. وللمرة الثانية لو الراجل اشتغل وحل مشكلة الزبون ممكن نتكلم فى السعر انما المشكلة متحلتش وهو عايز اد كدة طب لية.
ومرة ثانية انا اسف

[MMamdouh]

خلاص يا جدعان عبدة حرامى و انا مبفهمش حاجة... محدش ياخد رائى فى حاجة تانى بعد كدة

MMamdouh

[blazer]

خلاص يا جدعان عبدة حرامى و انا مبفهمش حاجة... محدش ياخد رائى فى حاجة تانى بعد كدة

mmamdouh

ياباشا متخلنيش اندم انى عملت موضوع زى دى
والله العظيم الموضوع لا يمسك بقريب او من بعيد او ينقص من قدرك شىء

وانا وضحت ليك وجهة نظرى
محمد عبده بيتعامل معاك ومع الناس الى يعرفهم معرفة شخصيه بطريقه كويسه و بيهتم بعربياتكم و مبيطلبش مصنعية غير المعقول او ازيد سنه بسيطه
انما مع الى ميعرفهمش بيحصل زى الى حضرتك قريتة فى الموضوع

[kagawa]

.................................................. ..

ايقاف اسبوع لمخالفة القاعدة 12

م ع 2

[rabso88]

يا جماعه محيرين نفسكو ليه و هتزعلو من بعض ليه الموضوع و الله مش مستاهل كل الكلام ده كله
انا شايف ان صاحب الموضوع نقلنا تجربته مع عبده و كل واحد حر يتعامل معاه او ﻷ
و معلش يا سيدى محدش بيتعلم ببلاش انت حسيت انو ضحك عليك فى الشغل و الفلوس يبقى ماترحلوش تانى و الله ربنا هيعوض عليك
و بالنسبه لعبده انا ما اتعاملتش معاه قبل كده ف من المفروض لما اقرأ الكلام الى انت حاكيت عنه ده يبقى انا صاحب القرار اروحلو ولا ﻷ بس ما اشتمش فييه و اطلعو حرامى و انا متعاملتش معاه اصلا . يا اخوانا تحابو فى الله و محدش يزعل من حد المفروض المنتدى ده معمول علشان الناس تتواصل مع بعض و يساعدو بعض بس مش معمول علشان الناس تأفش على بعض

[alto_nx]

يا جماعه محيرين نفسكو ليه و هتزعلو من بعض ليه الموضوع و الله مش مستاهل كل الكلام ده كله
انا شايف ان صاحب الموضوع نقلنا تجربته مع عبده و كل واحد حر يتعامل معاه او ﻷ
و معلش يا سيدى محدش بيتعلم ببلاش انت حسيت انو ضحك عليك فى الشغل و الفلوس يبقى ماترحلوش تانى و الله ربنا هيعوض عليك
و بالنسبه لعبده انا ما اتعاملتش معاه قبل كده ف من المفروض لما اقرأ الكلام الى انت حاكيت عنه ده يبقى انا صاحب القرار اروحلو ولا ﻷ بس ما اشتمش فييه و اطلعو حرامى و انا متعاملتش معاه اصلا . يا اخوانا تحابو فى الله و محدش يزعل من حد المفروض المنتدى ده معمول علشان الناس تتواصل مع بعض و يساعدو بعض بس مش معمول علشان الناس تأفش على بعض

ايه الجديد اللى ضافته المشاركة دى ؟ ما الناس كانت هديت وقولنا شكراً لصاحب الموضوع

وكان الله بالسر عليماً

[msobhy]

خلاص يا جدعان عبدة حرامى و انا مبفهمش حاجة... محدش ياخد رائى فى حاجة تانى بعد كدة

MMamdouh

------1

[rabso88]

ايه الجديد اللى ضافته المشاركة دى ؟ ما الناس كانت هديت وقولنا شكراً لصاحب الموضوع

وكان الله بالسر عليماً

انا اسف

[mahmoud_anwar]

طيب أنا هاحكى السبب الرئيسى اللى خلانى ابيع عربيتى
اول لما جبت العربيه فعليا مكنش عندى ميكانيكى وكنت كل شويه اروح من واحد للتانى
المهم عرفت محمد عبده عن طريق المنتدى
من اول مره روحت له وفعلا اتصدمت من المصنعيات - وفعلا كنت محرج انى اتكلم هنا عليها - لأنى لاقين ان مفيش حد بيشتكى - لغاية لما سألت فى مره على استحياء على أسعار مصناعيته هل هيه عاليه ولا عاديه ولاقيت الناس كلها بتشتكى ساعتها
أحب أقول لحضرتك ملخص المصايب اللى عبده عملها معايا
الاول تغيير فلاتر وسيور وبوجيهات 250 جنيه
بعد كده تغيير مساعدين وطنابير امامى وتيل فرامل امامى ومش عارف ايه تانى فى دورة المياه - تقريبا كانت 300 جنيه
ومن ده كتييييييييييييييييييير لكن خد التقيله
لاقيت العربيه سحبها زى الزفت و بتاكل ميه كتييييير - قال لى ده جوان وش السلندر - وتكلفته 300 جنيه - بعد ما فك قال لى وش السلندر لازم يتغير - قلت ماشى - أشتريت واحد مش فاكر بكام وطبعا عن طريقه - وركبنا جت احاسب لاقيته بيقول لى ان حسابه 500 جنيه - ليه يا عم اصل كان فيه شغل مخرطه وافشخنات ومش عارف ايه - المهم دفعت 400 جنيه زى الحمار
أجرب العربيه أكتشفت انى ماشى بعربية نموس - كمية دخان رهيبه طلعه من الشكمان
قالى ديه هاتخف كمان يومين - طبعا كدب السنين وسحب العربيه بقى فى الضياع رجعت له - قال لى ان الموتور كده عايز عمره - طبعا انا اتجننت - فجأه كده بقى عايز عمره - اه طيب والتكلفه - قال لى تقريبا من 3000 الى 3500 - طبعا انا رفضت وقلت نشترى موتور - حاول يقنعنى ان العمره هاتكون احسن - وفى النهايه اشتريت شورت بلوك ب 1000 - والباشا اخد مصنعيه تاااااااااااااااااااااااااااااانى 500 جنيه على ايه معرفش - كل ده علشان طلبت منه تغيير كل الجوانات بتاعت الموتور ----- يعنى لسع منى 900 جنيه فى تغيير موتور
الجميل ان الموتور كان بيسيل زيت من عند وش السلندر - رجعت له قال لى انه عايز يتقرط عليه بس - وطبعا كلام كدب
بعدها ب 3 شهور وانا عنده قال لى ان جوان وش السلندر لازم يتغير علشان نوعه وحش (ده اسلام اللى عنده) وأول لما فك قال لى باللفظ ان اللى ركب محطش سليكون قبل ما يقفل - بجد انا مش عارف ساعتها انا كان هايحصل لى ايه
المهم زى الباشا دفعت 250 جنيه بالعافيه فى الجوان على اساس انه تكملة شغله
بعدها لاقيت العربيه بتسخن بغباء - روحت له وقلت له بوضوح ان المشكله ديه مشكلة ترموستات الكوعه
عمل كالتالى
الاول غير ترموستات الحراره وعمل شوية هبل وقال لى كده خلاص اتظبطت - وطبعا انا كنت هاتجنن - ترموستات حراره ايه اللى تسخن العربيه ودفعت 50 جنيه
طبعا العربيه تانى يوم كانت مولعه روحت له قال لى ديه الطرمبه - يا عم يهديك يرضيك - قال لأ ديه الطرمبه روحنا مغيرين الطرمبه وساعتها العربيه بقت بسقف جامد جدااااااااااااااا - المهم لأول مره روحت سايبه وماشى من غير ما حاسبه بيقول لى هو مفيش فلوس - قلت له لما تخلص شغلك
تانى يوم والله العظيم انا روحت له من نفق الجيزه لغاية عنده فى 4 أو 5 ساعات - العربيه بمجرد انها تشتغل بتولع
اتكرم عليه ساعتها وغير الترموستات وكان عايز 300 جنيه اديته 150 وقلت له انه المفروض هو اللى يحاسب على قطع الغيار اللى ركبت غلط ديه - راح قايل لى كلمته المعتاده - هو انا مغسل وضامن جنه
المهم سيبته والعربيه بتكركر وتسقف جااااااااااااامد جدا
يا عم انت مش بتقول ان التسقيف بسبب الحراره والعربيه اتظبطت - قال لى طيب انا هاعمل لك تعديل هايزود سحب العربيه جداااااااااااااااااااااااا وهايشيل التسقيف - وقام مغير لى طمبورة الكرنك من عنده بواحده خفيفه - ولا السحب زاد ولا التسقيف قل - وفى الاخر كان عايز يحاسبنا على ثمن الطمبوره 200 جنيه بالتركيب وهو ياخد القديمه
رجعتهاله وجبت سنسور كرنك وجربناه وطلع هو سبب التسقيف والصنايعى اللى عنده كان راسه والف جزمه انى اخد واحد مستعمل من عنده وأرجع الجديد
بالمناسبه كان عايز يدينى المستعمل ب 250 جنيه وانا كنت جايب ال gm تقريبا ب 100 - لما عرف تمنه قال لى خلاص - رجع الجديد وهاديلك الاصلى ده ب 100 بس - طبعا انا رفضت
المهم بعدها فعلا سيبت العربيه لغاية لما اتعرفت على ميكانيكى تانى فى شارع البحر الاعظم - مقارنه ب محمد عبده هو أحسن وارحم بكتيييييييييييييييييير - لكن حسبتها ان محمد عبده (مش العربيه) بيكلفنى فى حدود 3 جنيه سنويا على الاقل - روحت بعت اللى ورايا واللى قدامى واستلفت من طوب الارض واخدت عربية واحد قريبى
والله العظيم احد الاسباب الرئيسيه اللى خلتنى ابيع اللانوس هو محمد عبده
وانا عن نفس مش مسامحه على اى حاجه هو اخدها منى بدون وجه حق

ايه ياعم انتا بتكلم جد عن المصنعيات دي انا مش بكذبك بس بجد اسعار تخليك تستغرب
ده انا الي خالني ابيع الجولف المصنعية بتاعت الميكانيكي بس بياخد المصنعية وهو يستاهل
لي ان العربية بتخرج من عنده كل مشاكلها محلولة ومن اكتر الاسباب الي خالني ابيعها قطع غيارها في فيصل والميكانيكي في جسر السويس وانا عند ولدتي في امبابة ولو في القاهرة الجديدة برضة سكني بس برضة كل حجتها بعيدة عني
بس بصراحة اسعار مبالغ فيها ومافيش علاج انا لو منك كنت عملت جناية