Tweet
ارجو الافادة بخصوص الرياداتير في تنقيط بسيط يحدث امام المروحة ,هل يجب تغير الريادتير ام يمكن اصلاحه وبرجاء الافادة بالاسعار حاليا وافضل الحلول وياريت يكون في حد متخصص بالريادتير .جزيل الشكر مقدما
-
https://t.me/pump_upp -
[SIGPIC][/SIGPIC]
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) -
شاكرين اخي الكريم لاهتمامكم ,
وفي انتظار باقي الاقتراحاتhttps://t.me/pump_uppComment
-
روح لبتاع ريداتيرات وهو هيقولك على المفيدComment
-
حسب نوع الراديتير وعمره وحالته
الالمنيوم بيتلحم لكنه صعب لحامه ولو مهري انساه وغيره
اما النحاس فلحامه سهل ان شاء الله
تحياتيdon't judge a car unless you have driven it
hm414 سابقاComment
-
شاكر يافندم المشكلة اني في اكتوبر و لا اعرف حد متخصص هنا في الريادتير وخايف المياة تنقص وانا بتحرك بالعربيةhttps://t.me/pump_uppComment
-
المعلومة الي اعرف افيدك بيها هي سعر الردياتير في حالة لا قدر الله واحتجت تغيره
الجديد بيبدا من 350 وانت طالع وكلها انواع مش مضمونه
الاستيراد بيبدا من 200 انت وشطارتكComment
-
سعر الريدتير عند البنا فى التوفيقيه 275
وعند ابو الحسن 320 وكلهم كورى
والتغير افضل من الحام فى الالمونيوم[img3]http://www.fannat.com/images/category/daewoo/newLacetti/interior/2.jpg[/img3]]Comment
-
مفيش حد في اكتوبر اصلح عنده الريدتير
او حد مضمون في حالة شراء جديدhttps://t.me/pump_uppComment
-
ممكن تلاقى بعد المرور لان المنطقه دى كلها ورش[img3]http://www.fannat.com/images/category/daewoo/newLacetti/interior/2.jpg[/img3]]Comment
-
شوف انا كان عندي المشكلة دي وحليتها ف البيت والتكلفة كانت 15ج مش اكتر من كدا
بس المهم يكون التنقيط بسيط ويكون الردياتير حالته كويسه يعني مش مهري
هتشتري معجون حديد (ستيل) ولازم يكون استيل هات نوع نضيف او مستورد
هتفك المراوح وتفك خراطيم المياه من الردياتير وتفك مسامير تثبيت الردياتر وتخرجه بره العربية طبعا لازم تكون العربية باردة مش سخنة اوك
هتحدد مكان التنقيط وهتعمل الاتي بنفس الترتيب
شوية مية عادية خالص وفرشة اسنان قديمة وتنظف مكان التنقيط كويس قوي حتى تشيل كل الاوساخ والترسيبات الموجودة
بعد كدا هتصب شوية صغيرين جدا من منظف فلاش (مية نار) بتاع التواليت او اي حاجة مشابه وممكن من زجاجة مياه البطارية 30% وتنظف بالفرشة بردوا بس مدة صغيرة جدا متعدي خمس دقائق عشان مش ياكل الردياتير
وبعد كدا تجيب مية نظيفة تاني وبالفرشة وتغسل المكان كويس وتصب عليه مية كتير عشان تتضمن ان معدش اثر لمية النار
وتجيب سنفرة اي حاجة خشنة ناعمة مش مهم وتسنفر المكان على قد ما تقدر ويكون ف نفس وقت السنرة بتضيف ميه وبعد كدا تصب مية عشان تشيل اي آثار أو اي حاجة ويكون المكان نظيف
تسيب الردياتر لما ينشف خالص من الميه نهاية وممكن تستخدم استشوار مثلا او ولاعة او علبة بيروسول وتشعلها عشان تنشف المكان كويس قوي دي اهم خطوة
تعجن معجون الحديد على بعد وتحطه على المكان اللي سنفرته من قدام وخلف وتغطيه كله خلص الانبوبتين عليه مش مهم المهم انك تضمن انك غطيت الجزء كويس جدا
تترك الردياتير مدة ربع ساعة على الاقل وتبدا عملية التركيب تاني
تركب الردياتير وتثبته بالماسمير ثم خراطيم المياه ثم المراوح
كدا كله تمام بس بلاش تضيف مية دلقتي للردياتير الا بعد ساعة او ساعتين على قد ما تقدر لو قدرت تسيب العربية لتاني يوم يكون احسن لان معجون الحديد بيصل للتصلب التام بعد 24ساعة
تضيف الميه بعد كدا من القربة (ميه مقطرة او مية خضرا) انسى حوار مية الحنفية دا سبب كل مصايب دورة التربيد وتقريبا هو دا السبب الوحيد اللي بيبوظ دورة التبريد
ومتناسش تاخد هواء دورة التبريد عن طريق اعلى خرطوم فايز راكب ف الردياتير تتاكد انه خرج مية كتير ومعدش ف هواء بيخرج
واتوكل على الله وجرب العربية مش هتلاقي ولا حتى نقطة تنشيع ميه بعدا نهائيا وهتدعلي
الموضوع محتاج شوية مجهود صغير بس انت لو عملته كدا احسن مية مرة من اي صنايعي هيعلمه
انا عملت كدا ف عربتي بنفس الخطواط والنتيجة فوق فوق الممتازة
[CENTER][OVERLINE][/OVERLINE][I]م / محمد عبدالوهاب
[/I][/CENTER]Comment
-
قبل تغيير او تصليح اى حاجه من فضلك جرب الانبوبه ديه ابرو امريكى تحتوى على ماده شبه براده الحديد وسعرها 10ج فقط ضع نصفها فى قربه المياه وبعدها بأذن الله مش هتزود مياه تانى
Comment
-
البتاعه دي خطيرة جدا وميه في الميه بتسد الريداتير وعن تجربة....المشاركة الأصلية كتبت بواسطة DEDOPETER
تحياتي
Sent from my LT18i using Forum Runnerdon't judge a car unless you have driven it
hm414 سابقاComment
-
انا اتخضيت اوى اول ماشفت خطيره جدا بصراحه بس طبعا بحترم رايك جداا
صدقنى عن تجربه برده دى عباره عن بودره بتدوب من الصعب ان تسد اى شئ وانا ماشى بيها من فتره طويله وحمدلله محصلش حاجه خطيره جدا يعنى وعموما كلها اجتهادات ولصاحب المشكله تحكيم عقله واختياره للحل المناسب او عدم الاخذ باى حل بنقوله .Comment
-
شكرا لاهتمامكم وان شاء الله سوف اوافيكم بالتطوراتhttps://t.me/pump_uppComment
Comment