كل ما يتعلق بالدايو الاسبيرو " مشاكل - قطع غيار "

[kilany_elsma]

كده طرمبة البنزبن ابتدت تودع او فلتر البنزبن مسدود ومحتاج يتغير علشان العربية تفوق



فلتر البنزبن جنب العجلة اللي ورا يمين او ما تنزل تحت العربية حتلاقيه لو غيرته والدنيا ضبطت معاك يبقى انسى موضوع الطرمبة لو الدنيا متحسنتش يبقى غير الطرمبة في قرب وقت ممكن

انا شفت الفلتر فعلا هو حديد مش بلاستيك
بس ده للاسبيروا بس ولا لما اروح اشتري اقوله فلتر عربية نوعها ايه
يعني لانوس نوبيرا اوبل كده
اي نوع يحل محله ؟

[Amr Elshamy]

انا شفت الفلتر فعلا هو حديد مش بلاستيك
بس ده للاسبيروا بس ولا لما اروح اشتري اقوله فلتر عربية نوعها ايه
يعني لانوس نوبيرا اوبل كده
اي نوع يحل محله ؟

المشكلة اللى عندك ان طرمبة البنزين بتودع زي ما قالك مصطفى والحته المخرمه اللى بتقول عليها اللى ف الطرمبة دي اسمها (مصفاة ) ف الافضل انك تغيير قلب الطرمبة هتلاقيه بوش ب 90 جنيه وغير معاها الفلتر هتلاقيه جديد اصلى ب 50 جنيه ( انا لسه جايبة )
غير كده وقولنا عملت ايه

[MOSTAFA . AHMED]

انا شفت الفلتر فعلا هو حديد مش بلاستيك
بس ده للاسبيروا بس ولا لما اروح اشتري اقوله فلتر عربية نوعها ايه
يعني لانوس نوبيرا اوبل كده
اي نوع يحل محله ؟

انت من البروفيل بتاعك باين انك اسكندراني زي حلاتي
انزل صلاح الدين وبعد شركة الكهربا على ايدك الشمال حتلاقي محل الصعيدي عنده كل حاجة الاسبيرو جديده واي حاجه تعزها عنده

[kilany_elsma]

انت من البروفيل بتاعك باين انك اسكندراني زي حلاتي
انزل صلاح الدين وبعد شركة الكهربا على ايدك الشمال حتلاقي محل الصعيدي عنده كل حاجة الاسبيرو جديده واي حاجه تعزها عنده

حبيبي يا مصطفي باشا
هي دي جدعنة وشهامة الاسكندرانية :d

[kilany_elsma]

سؤال ومعلش انا اسف علي الأسئلة الكتير
اشتري منين حساس الTps جديد وسعره كام
لانسي جبته استعمال خارج وحساس انه هو الي كاتم العربية
وانا ماشي بيها علي الرابع علي سرعة 100 لقت التشك نورت الار بي ام رفع لاعلي من 2
كده عيب حساس تي بي اس صح؟؟

[mahmoudbadr]

سؤال ومعلش انا اسف علي الأسئلة الكتير
اشتري منين حساس الtps جديد وسعره كام
لانسي جبته استعمال خارج وحساس انه هو الي كاتم العربية
وانا ماشي بيها علي الرابع علي سرعة 100 لقت التشك نورت الار بي ام رفع لاعلي من 2
كده عيب حساس تي بي اس صح؟؟

كدة حساس الجكمان ...لما بيكون مش كويس أو مهيس بينور اللمبة فوق ال 100 كيلو

[Amr Elshamy]

سؤال ومعلش انا اسف علي الأسئلة الكتير
اشتري منين حساس الtps جديد وسعره كام
لانسي جبته استعمال خارج وحساس انه هو الي كاتم العربية
وانا ماشي بيها علي الرابع علي سرعة 100 لقت التشك نورت الار بي ام رفع لاعلي من 2
كده عيب حساس تي بي اس صح؟؟

وانت عرفت منين انه حساس تى بى اس .. حط العربيه على الاسكان واعرف العيب من فين وممكن يكون حساس الجكمان زي ما الاستاذ محمود قالك

كدة حساس الجكمان ...لما بيكون مش كويس أو مهيس بينور اللمبة فوق ال 100 كيلو

منور يا ريس فينك من زمان مش باين

[MOSTAFA . AHMED]

معلومة على الماشي ,,,,,,,,,
حساس البوابه tps ( راكب على البوابه )
حساس المانوفل map ( راكب على صدر العربية )
حساس الايدل ( حساس السلانسية ) راكب على البوابه برده
زي بعض في كل موديلات الدايو ( اسبيرو - لانوس - نوبيرا )

[mahmoudbadr]

وانت عرفت منين انه حساس تى بى اس .. حط العربيه على الاسكان واعرف العيب من فين وممكن يكون حساس الجكمان زي ما الاستاذ محمود قالك



منور يا ريس فينك من زمان مش باين

موجود يا باشا تحت أمرك

بس شوية مشاغل بسيطة

و كل عام و أنتم بخير

[Omar2017]

شكرا على الموضوع الرائع دة

[Amr Elshamy]

شكرا على الموضوع الرائع دة

منور يا ريس واتمنى منك المشاركة

[Mahmoudyoussif]

معلش انا هكتب مشاركة تاني عشان العربية بتشتشع في دماغي بقالها فترة
قطع غيارها بكام ومكانيكتيها فين و فتيسها و موتورها و عفشتها ممكن يتوفقوا مع ايه
اخر حاجة انا راكب بولو 95 - 1300 - و بصراحة عاجباني الاسبيرو من و انا كنت في السعودية من 15-20 سنة
فهل تستاهل اني انزل من البولو و اركب الاسبيرو مع احترامي الكامل لملاكها
و فتيسها الاتوماتيك فعلا في مشاكل ولا لا ... شكرا مقدما

[Amr Elshamy]

معلش انا هكتب مشاركة تاني عشان العربية بتشتشع في دماغي بقالها فترة
قطع غيارها بكام ومكانيكتيها فين و فتيسها و موتورها و عفشتها ممكن يتوفقوا مع ايه
اخر حاجة انا راكب بولو 95 - 1300 - و بصراحة عاجباني الاسبيرو من و انا كنت في السعودية من 15-20 سنة
فهل تستاهل اني انزل من البولو و اركب الاسبيرو مع احترامي الكامل لملاكها
و فتيسها الاتوماتيك فعلا في مشاكل ولا لا ... شكرا مقدما

بص يا ريس هجيبلك من الاخر
قطع غيار متوفره والاسعار زادت فى الاونة الاخيرة بس مش كل الحاجات غلت في حاجات اسعارها زي ما هيا وكمان فى جديد ليها وبيركب عليها حاجت النوبيرا واللانوس والريسر والاوبل الكاديت دا من حيث العفشة والمكنة
فتيسها لو انت بتحافظ عليه هيبقي معمر معاك لكن لو انت اهملته طبيعي لازم يعطل لكن هو ف الغالب بيبقي معمر الحمد لله
انت لو نزلت من البولو للاسبيرو ممكن تحس بفرق الشكل ( التابلوه والشكل الداخلى والعدادات ) والحجم ( البولو صغيره والاسبيرو ماشاء الله واسعه وبرحة :) ) لكن نفس الاداء بل بالعكس الاسبيرو فى الجري والثبات عندي احسن لكن ف الفرامل طبعا الالمانى يكسب لان انا معايا جولف 4 وعارف بقولك ايه ... لو داخله دماغك اوي وهتشتري خلاص يبقي لازم تشوفلك حاجه نضيفة ( فابريكا ) مفيهاش غلطة ولو حتي سعرها يوصل ل 40 مش خسارة فيها ... ولو احتاجت اي حاجه ابعتلي

[Mahmoudyoussif]

بص يا ريس هجيبلك من الاخر
قطع غيار متوفره والاسعار زادت فى الاونة الاخيرة بس مش كل الحاجات غلت في حاجات اسعارها زي ما هيا وكمان فى جديد ليها وبيركب عليها حاجت النوبيرا واللانوس والريسر والاوبل الكاديت دا من حيث العفشة والمكنة
فتيسها لو انت بتحافظ عليه هيبقي معمر معاك لكن لو انت اهملته طبيعي لازم يعطل لكن هو ف الغالب بيبقي معمر الحمد لله
انت لو نزلت من البولو للاسبيرو ممكن تحس بفرق الشكل ( التابلوه والشكل الداخلى والعدادات ) والحجم ( البولو صغيره والاسبيرو ماشاء الله واسعه وبرحة :) ) لكن نفس الاداء بل بالعكس الاسبيرو فى الجري والثبات عندي احسن لكن ف الفرامل طبعا الالمانى يكسب لان انا معايا جولف 4 وعارف بقولك ايه ... لو داخله دماغك اوي وهتشتري خلاص يبقي لازم تشوفلك حاجه نضيفة ( فابريكا ) مفيهاش غلطة ولو حتي سعرها يوصل ل 40 مش خسارة فيها ... ولو احتاجت اي حاجه ابعتلي

يا باشا الف شكر على الرد بس انا كنت بفكر فيها عشان بشوف حالات نضيفة الاتوماتيك فيها ما يعديش 33-34 الف و دا في الرينج بتاعي يعني كدة اكون جبت اخري ... و من ناحية الفرامل هي حلها بسيط على ما اعتقد ممكن الواحد يشوف ديسكات اوبل او كدة ... بس عايز اعرف قطع غياراها فين في القاهرة و ميكانيكيتها مين و اخبار تكيفها ايه

[kilany_elsma]

كدة حساس الجكمان ...لما بيكون مش كويس أو مهيس بينور اللمبة فوق ال 100 كيلو

بيهيس يعني اغيره ولا انظفه بمنظف الكترونيات واركبه تاني؟