كل ما يتعلق بالدايو الاسبيرو " مشاكل - قطع غيار "

[mahmoudbadr]

والله يا دكتور محمود انا بقى اللي حصلت معايا حاجة غربية بمناسبة موضوع الدينامو
فاكر حضرتك لما كنت بشتكي ان العربية عندي ساعات تبطل لما اجي ادوس فرامل العيب ده اختفى لما ركبت الدينامو الجديد بنسبة كبيره فهل الدينامو ليه علاقة بعيب زي ده ؟؟؟؟؟؟؟؟

خللى بالك يا أستاذ مصطفى حاجات كتير ممكن تحصل و تتصلح بالصدفة

بس الصنايعيى بيستسهل و يخليك تغير حاجات بتكون سليمة

(مرة العربية كان فيه قافلة فى التابلوه لفيت بالعربية لما دخت شهر كامل

و كل واحد يقول لى العيب كذا غير و هات جديد و فى الآخر اكتشفنا العيب

بالصدفة برده)

يعنى مثلا تدوس فرامل فالعربية تبطل معناها

إن فيه سلك مكشوف بيلمس أرضى فالعربية تبطل

ودى عن تجربة كل ما اقف على مطب أو غيره العربية تبطل

و لاحظت بالليل الاقى نور العربية يخفت جدا و تيجى مبطلة

قعدت أدور لغاية ما لقيت سلك مكشوف بيلامس جسم العربية

فممكن يكون حصل كدة عندك ولما الصنايعى إشتغل غطى ألأاسلاك

إنما لو الدينامو مش حلو مش هيشحن البطارية فبالتالى الأولى إن العربية

مش هتدور

[MOSTAFA . AHMED]

المشكلة يا دكتور ان مفيش صنايعي بيفهم ومحل ثقة وعنده طول بال على الشغل كله حافظ مش فاهم
واول ما تقوله ده فلان عمل كذا في عربيته او انا قريت معلومة على النت بتقول كذا يبصلك من فوق لتحت وميعجبوش الكلام كان اللي واقف يكلمه ده فني خراطة مع احترامي لفني الخراطة

[Amr Elshamy]

بصيت على زيت الفتيس يا درش ولا لأ وهل الفتيس عندك بينتش

[MOSTAFA . AHMED]

زيت الفتيس مضبوط والفتيس شغال كويس لا بينتش ولا حاجة

[Amr Elshamy]

والله يا درش كانت عندي المشكلة دي من فتره وكان زيت الفتيس ناقص ومكنتش بقيسه بس انت بصيت ع البوابه وعلى فلتر الهوا

[MOSTAFA . AHMED]

والله يا درش كانت عندي المشكلة دي من فتره وكان زيت الفتيس ناقص ومكنتش بقيسه بس انت بصيت ع البوابه وعلى فلتر الهوا

انت العربية عندك اوتو برده ؟؟؟؟؟؟؟؟
انا بصيت على البوابة ونظفت الايدل والبوابة
بس فلتر الهوا بقالي مده طويلة مغيرتوش !!!!!! بس تفتكر العيب منه

[Amr Elshamy]

انت العربية عندك اوتو برده ؟؟؟؟؟؟؟؟
انا بصيت على البوابة ونظفت الايدل والبوابة
بس فلتر الهوا بقالي مده طويلة مغيرتوش !!!!!! بس تفتكر العيب منه

اها اوتو الفتيس المدفع
ممكن يكون من فلتر الهوا لان العربيه دي اقل حاجه فيها بتبوظ عيبها بيظهر علطول
وشيك برضو ع الفيوزات وعلى السيرفو

[mohnsar]

السلام عليكم
انا قرأت الموضوع كلة من كتر مانا فرحان اني لقيت موضوع عن الاسبيرو وعقبال الليجانزا لاني عندي العربيتين
الاسبيرو مو 94 اوتو الفتيس الصغير مش المدفع ومن ساعة مشترتها وانا شايف الويل معاها بسبب الصنيعية وعلي سبيل المثال وليس الحصر
حصل معايا مرة انها مكنتش بتاخد رابع واي غيار كان الطبلوة كاتب p ميكانيكي فيتسات اوتو بعد الفحص قلي دي مشكلة كهربا بس انا مليش فيها والاحسن هات ضفيرة و بدأت رحلة البحث عن الضفيرة او تصليح الضفيرة بتاعتهالمدة 3 شهور وانا ماشي علي التالت اقصي سرعة 70/80 لحد مغلبت والاخر ركنتها ادام البيت لحد منزلت في يوم جمعة وقلت انا هفك الضفيرة كلها ( تخصصي تصميم و تنفيز شبكات اتصالات وكمبيوتر وكهربا ) وقد كان والنتيجة
سيلك الفوج لايت سايح في قلب الضفيرة وموصل معاة حوالي 3 كابلات منهم 2 دخلين علي الفتيس وبعد الاصلاح و اعادة تركيب الضفيرة كلة تمام والفجات كمان اشتغلت و الفتيس بقي تمام.

المشاكل الحالية في العربية ( بس اصبرو عليا شوية واسف اني بدأت بالمشاكل كدة )

1- بتاكل بنزين ولمبة التشك بتنور بعد المية ومن الموضوع عرفت انو احتمال حساس شكمان
2- رعشة لما المس الفرامل وانا علي سرعة فوق ال80 وخرط الطنبير مرتين وتيل الفرامل وبردو مرحتش ( ممكن اعرف اية هية الركب بالضبط لاني من قرأتي للموضوع شكيت فيها )
3- التكييف طلع عنيا وغيرت الكمبرسور وعيبة انو يشتغل ويفصل لوحدة كل 20/30 ثنية وبيشتغل كويس علي السرعة العليا بس العربية بتسخن والصنيعي قلي لازم نركب مروحة للسربنتينة
4- العربية سفرت بيها قبل كدة شرم و مطروح وكنت بجيب بيها 180 عادي لما اعوز لاكن مشيي بيكون 150/160 لاكن عندي مشكلة في التسارع مش السرعة مشكلتي في التسارع العربية ضعيفة اوي في الشد والمطالع بحس ان عزمها اونطة اوي
5 - لما البنزين يوصل للربع اي ملف يمين بسرعة العربية تشحط وممكن تبطل ( انا تخيلت ان البنزين مع الملف اليمين بيروح شمال عكس الطلمبة بس مش عارف احلها ازاي دي
6- عملتها معايا 3 مرات اجي ادور مترداش ابص علي الكهربا القيها تمام الطلمبة تمام لاحظت ان لمبة باور بتنور وتطفي اقعد اراجع علي الكهرباء و الفيوز ومن غير سبب اللمبة تطفي وتدور بصيت علي زيت الفتيس لقيتو قليل اوي ......... زودة بس مش عارف هوة دة السبب ولا ايييييييييييييية
سؤال اخير معلش طولت عليكو هيا العربية فيها حساس مطر لاني كل ميجي عليها مية نحية المساحات المساحات تشتغل لوحدها لحد مفصلت الفيوز
( انا حاسس انكو هتقفلو الموضوع بسببي )هههههههههههههههه

[Amr Elshamy]

السلام عليكم
انا قرأت الموضوع كلة من كتر مانا فرحان اني لقيت موضوع عن الاسبيرو وعقبال الليجانزا لاني عندي العربيتين
الاسبيرو مو 94 اوتو الفتيس الصغير مش المدفع ومن ساعة مشترتها وانا شايف الويل معاها بسبب الصنيعية وعلي سبيل المثال وليس الحصر
حصل معايا مرة انها مكنتش بتاخد رابع واي غيار كان الطبلوة كاتب p ميكانيكي فيتسات اوتو بعد الفحص قلي دي مشكلة كهربا بس انا مليش فيها والاحسن هات ضفيرة و بدأت رحلة البحث عن الضفيرة او تصليح الضفيرة بتاعتهالمدة 3 شهور وانا ماشي علي التالت اقصي سرعة 70/80 لحد مغلبت والاخر ركنتها ادام البيت لحد منزلت في يوم جمعة وقلت انا هفك الضفيرة كلها ( تخصصي تصميم و تنفيز شبكات اتصالات وكمبيوتر وكهربا ) وقد كان والنتيجة
سيلك الفوج لايت سايح في قلب الضفيرة وموصل معاة حوالي 3 كابلات منهم 2 دخلين علي الفتيس وبعد الاصلاح و اعادة تركيب الضفيرة كلة تمام والفجات كمان اشتغلت و الفتيس بقي تمام.

منورنا يا باشا والله .. مشكلة الفتيس دي بتبقي الفيشة محتاج تتغير وبتراجع على اسلاك الضفيرة علشان ممكن تلاقي فيهم سلك سايح

المشاكل الحالية في العربية ( بس اصبرو عليا شوية واسف اني بدأت بالمشاكل كدة )

1- بتاكل بنزين ولمبة التشك بتنور بعد المية ومن الموضوع عرفت انو احتمال حساس شكمان

لمبه التشك بتنور معاك لمابتكون بتجرى ومعدى 100 دا على طول حاسس شكمان بس الافضل انك تحطها ع الاسكانر

2- رعشة لما المس الفرامل وانا علي سرعة فوق ال80 وخرط الطنبير مرتين وتيل الفرامل وبردو مرحتش ( ممكن اعرف اية هية الركب بالضبط لاني من قرأتي للموضوع شكيت فيها )

الطنابير ممكن يكون فيها ريجا عاليه - السبب تيل سئ(حلها مسحه عند الخراط ب 5 جنيه) وتصنفر التيل أكنه حته خشبه بس تحرك ايديك عشوائى على التيل
الطنابير تكون معوجعه (السبب مطب عفى والجنط رد لجوه أو تكون سايق والجو حر والطنابير مولعه ويجى السايس يكوب جردل ميه على الطنابير فالطنبور يقفع) الحل تغير الطنابير والتيل طبعا
الركبة هى : المساعد بالسوستة بالطنبورة بخزنة الفرامل مع التيل

3- التكييف طلع عنيا وغيرت الكمبرسور وعيبة انو يشتغل ويفصل لوحدة كل 20/30 ثنية وبيشتغل كويس علي السرعة العليا بس العربية بتسخن والصنيعي قلي لازم نركب مروحة للسربنتينة

دي مشكلة الكلتش بيفصل عن الطمبورة كل 30 ثانية وبرضو راجع على علبه فيوزات اللى ف الحوض كانت عندي المشكلة دي واتحلت

4- العربية سفرت بيها قبل كدة شرم و مطروح وكنت بجيب بيها 180 عادي لما اعوز لاكن مشيي بيكون 150/160 لاكن عندي مشكلة في التسارع مش السرعة مشكلتي في التسارع العربية ضعيفة اوي في الشد والمطالع بحس ان عزمها اونطة اوي

بص ع الفلاتر والبوجيهات واخيرهم الرشاشات بما انك فوق بتقول ان الاستهلاك البنزين عالي

5 - لما البنزين يوصل للربع اي ملف يمين بسرعة العربية تشحط وممكن تبطل ( انا تخيلت ان البنزين مع الملف اليمين بيروح شمال عكس الطلمبة بس مش عارف احلها ازاي دي
6- عملتها معايا 3 مرات اجي ادور مترداش ابص علي الكهربا القيها تمام الطلمبة تمام لاحظت ان لمبة باور بتنور وتطفي اقعد اراجع علي الكهرباء و الفيوز ومن غير سبب اللمبة تطفي وتدور بصيت علي زيت الفتيس لقيتو قليل اوي ......... زودة بس مش عارف هوة دة السبب ولا ايييييييييييييية

ايوه االتبطيله تيجي عند الملف من زيت الفتيس وبرضو انا مريت بالمشكله دي

سؤال اخير معلش طولت عليكم هيا العربية فيها حساس مطر لاني كل ميجي عليها مية نحية المساحات المساحات تشتغل لوحدها لحد مفصلت الفيوز

حساس مطر ايه يا عم صلي ع النبي فى موديل 94 !!!!

( انا حاسس انكو هتقفلو الموضوع بسببي )هههههههههههههههه

والله يا صحبي انت نورتنااااااااااااااااااااااااااااااااااااااااااااا ا

[mohnsar]

شكرآ يا باشا علي الرد السريع .....

في الموضوع بتتكلمو علي لحام في الركبة ممكن تقلي انهي منطقة بالضبط ممكن تكون مكسورة


موضوع مسحة ب5جنية عملي احباط انا خرطهم مرتين كل مرة ب40 جنية

[Amr Elshamy]

شكرآ يا باشا علي الرد السريع .....

العفو يا صحبي ع ايه

في الموضوع بتتكلمو علي لحام في الركبة ممكن تقلي انهي منطقة بالضبط ممكن تكون مكسورة

وضح اكتر يا ريس علسان مس فاهم

موضوع مسحة ب5جنية عملي احباط انا خرطهم مرتين كل مرة ب40 جنية

انا عملتهم قبل كدا كانوا ب 5 وبعد كدا عملتها ب 10 من كام شهر ف مش عارف توصل ل 20 ازاى

[mohnsar]

شوف يا باشا انا كان نفسي اجي بور سعيد اجيب شوية حاجات للعربيتين الليجانزا والاسبيرو بس كنت خايف البس في حد يشتغلني احتمال يكون اول الشهر ( بعد القبض يعني ) وطبعآ اعمل حسابك اني هستغلك وبالمرة تشوف انتا العربية و تقلي عوزه اية
وكمان بور سعيد من المحافظات اللي متشرفتش بزيارتها قبل كدة وطبعآ المكسب الاكبر اني اتعرف علي حضرتك

هي محلات بور سعيد بتقفل امتي جمعة ولا احد

[Amr Elshamy]

شوف يا باشا انا كان نفسي اجي بور سعيد اجيب شوية حاجات للعربيتين الليجانزا والاسبيرو بس كنت خايف البس في حد يشتغلني احتمال يكون اول الشهر ( بعد القبض يعني ) وطبعآ اعمل حسابك اني هستغلك وبالمرة تشوف انتا العربية و تقلي عوزه اية
وكمان بور سعيد من المحافظات اللي متشرفتش بزيارتها قبل كدة وطبعآ المكسب الاكبر اني اتعرف علي حضرتك

انت تنورني يا معلم وتحت امرك ف اى وقت بس ضفني ع الفيس علشان نتكلم وتقولي هتنزل امتا علشان اخد اجازة من الشغل
amrdiabcafe@yahoo.com دا اميل الفيس

هي محلات بور سعيد بتقفل امتي جمعة ولا احد

بتقفل الجمعة وبتبقي فاتحه باقى الاسبوع من 10 ص حتي 6 مساءا

[MOSTAFA . AHMED]

الله ينور يا عمووووووووور

[IMG][/IMG]

[Amr Elshamy]

الله ينور يا عمووووووووور

[IMG][/IMG]

حبيبي يا درش والله منور
مقولتليش عملت اي فى التبطيلة بتاعت العربية