ارجو المساعدة .. خنقة فى الطلعة والسحب

[MEMOAHMED14]

ممعايا دايو لانوس 2007
العربية فيها خنقة وعدم تجميع سرعة بسرعة وخنقة فى الطلعة على الأول والثانى وضعف فى السحب وبكبس بنزين جامد على الاول والثانى
انا مغير طقم دبرياج السنة الماضية والعداد كان عامل 83 الف ودلوقتى عامل 94 الف ومن 6 شهور غيرت 3 قواعد والجمعة الماضية روحت للميكانيكى بنفس الشكوى وغيرنا فلتر بنزين وبوجيهات وسلوك بوجيهات وفلتر هواء وجربنا العربية وكانت كويسة بس مفيش يوم وبعد كده حاسس نفس الاحساس ضعف فى السحب وتجميع السرعة مع خنقة فى الطلعة على الأول والثانى
وبتعب اوى وانا طالع مطلع او بعد مطب على ما تجمع سرعة ،
على فكرة انا شاكك فى الشكمان لان ده مجتش عنده خالص والسنة اللى فاتت كانت الماسورة ورا اتكسرت ولحمتها المهم
ارجو منكم المساعدة والرد والمشورة عشان خلاص حاسس بعدم راحة فى القيادة وخنقة فى الطلعة مع العلم ان بعد ما العربية تاخد سرعتها بتبقى زى الفل....
شكرااااا

[MEMOAHMED14]

ارجو الرد من الخبراء ومن الاستاذ الغالى ممدوح

[MITSUKERO]

عندك علبة بيئة ؟

[MEMOAHMED14]

المفروض فيه 3 علب الامامية والخلفية وعلبة البيئة
يعنى المشكلة فى الشكمان ولا ايه ياجماعة....

[MITSUKERO]

ممكن تكون علبة البيئة اتسدت و ده مشهور جدا في الانوس

اكشف عليها عند حد شاطر و اوعي ياخد الفخم منك لو شاله

و استني باقي الاراء الاول

[new_man]

خللى بتاع شكمان يبصلك عليه
بيفرق كتير عن تجربه
وممكن كذلك نوع البنزين

[Ahmed Nasser]

فى غياب فى الدوارة معاك
وهل فيه استهلاك بنزين
ولما بتبقى واقف وتيجى تكبس بنزين الموتور بيستجيب ولا تحس انة مخنوق

واخيرا راجع على علبة البيئة عند واحد شاطر

[MEMOAHMED14]

فى غياب فى الدوارة معاك
وهل فيه استهلاك بنزين
ولما بتبقى واقف وتيجى تكبس بنزين الموتور بيستجيب ولا تحس انة مخنوق

واخيرا راجع على علبة البيئة عند واحد شاطر

سعات العربية بتغيب فعلا فى الدوارة وده ممكن يحصل فى أى وقت مش شرط الصبح وعلى فترات يعنى اجى ادور اسمع صوت تكة كذا مرة لحد ما تدور...
ومش عارف فيه استهلاك بنزين بس انا العربية بتعمل معايا حوالى 250 الى 280 كيلو فى التفويلة
وانا الخنقة دى بحس بيها فى الطلعة على الاول والثانى يعنى بكبس بنزين وادوس على الدواسة جامد عشان اطلع من التانى وانقل بعد كده على الثالث

[MITSUKERO]

سعات العربية بتغيب فعلا فى الدوارة وده ممكن يحصل فى أى وقت مش شرط الصبح وعلى فترات يعنى اجى ادور اسمع صوت تكة كذا مرة لحد ما تدور...
ومش عارف فيه استهلاك بنزين بس انا العربية بتعمل معايا حوالى 250 الى 280 كيلو فى التفويلة
وانا الخنقة دى بحس بيها فى الطلعة على الاول والثانى يعنى بكبس بنزين وادوس على الدواسة جامد عشان اطلع من التانى وانقل بعد كده على الثالث

250 الي 280 في التفويلة !!!! يعني في ال 45 لتر !!!!

لو كده يبقي رشاشات وش

[Ahmed Nasser]

كدة يبقى معاك دخنة سودة والبوجهات بتطلع مهببة
ودة عيب رشاشات وهى بردة اللى عملالك خنة فى السحب

ولو عايز تتاكد اكشف عليهم عند ميكانيكى كويس

[MEMOAHMED14]

ياجماعة مفيش عندى دخنة سودا ولا حاجة يمكن انا معرفتش اشرح كويس
انا بفول العربية لما يكون مؤشر البنزين على الشرطة الأخيرة وبالضبط الاقيها بتاخد من 28 لتر الى 29 لتر حسب البنزين 90 او 92 وسعتها العداد بيبقى قدامى عامل معايا كده من 250 الى 280 ك يعنى كل اللى زودته حوالى 29 لتر
كده كويس ولا ايه ... ارجو ان اكون وضحت الصورة ....

[MEMOAHMED14]

وبعدين البوجيهات حضرتك لسه مغيرها مع السلوك الاسبوع اللى فات ومش مهببة ولا حاجة

[MITSUKERO]

يبقي شوف علبة البيئة

[MEMOAHMED14]

يعنى ياباشا المشكلة تنحصر فى علبة البيئة والشكمان عشان بس انا باحصر كل الاسباب واشوف اللى عملته واعمل اللى لسه

[MITSUKERO]

انتظر باقي الاراء في ناس اكثر خبرة مني بتكتير