طريقة عمل فلتر هواء لتكييف لانوس ... بدون تفاصيل!!!!!!!

[abo_lamar]

شوفت يا عم مصطفى الجمهور كله عايز يعرف طريقة تركيب الفلتر من غير لف ولا دوران ...
يبقى سمي بالله وتوكل على الله وابدأ في الشرح ....
ومستنين موضوع تنظيف التلاجة الداخلية على احر من الجمر .
اخوك العكاوي

[esam_refaat]

المشاركة الأصلية كتبت بواسطة esam_refaat
نظريا : انا حاسس ان مشاركة 80 قريبة جدا من الصح
عمليا : لما افك الجبس من رجلى هابقى اشوف

حمدالله على السلامة
وفى انتظار فك الجبس عشان اكمل معاك

__________________

يا أ/ مصطفى انا هافك الجبس بعد شهر مش معقول هتخللى الموضوع يطول كده

بس لو انت قلت الفكرة انا ممكن افك الجبس وأنزل اشتغل فى العربية وبعدين اركبه تانى ههههههههههههههه[

[neel]

الموضوع ده فكرني باغنية صغيرة ع الحب

ما قلتلك تعالى معايا
كنت هتوديني فين
البحر بتاعنا
بس البحر بتاعكم ده بعيد قوي
ماحنا كنا هنوصل مسافة ما حكيلك حدوته
حدوتة ايه ..
حدوتة العصفور والبلبل
الصيف خلص
اخص عليك والنبي يا حزمبل !!
الصيف خلص
سيبه يقولى حكاية البلبل
الصيف خلص
انا حبيته والنبي يا حزمبل
سيبه يقولى حكاية البلبل !!

[abo_lamar]

الموضوع ده فكرني باغنية صغيرة ع الحب

ما قلتلك تعالى معايا
كنت هتوديني فين
البحر بتاعنا
بس البحر بتاعكم ده بعيد قوي
ماحنا كنا هنوصل مسافة ما حكيلك حدوته
حدوتة ايه ..
حدوتة العصفور والبلبل
الصيف خلص
اخص عليك والنبي يا حزمبل !!
الصيف خلص
سيبه يقولى حكاية البلبل
الصيف خلص
انا حبيته والنبي يا حزمبل
سيبه يقولى حكاية البلبل !!

معلش الموضوع ان شاء الله

[مصطفى-حسن]

فية توضيح مهم لاخوة الاعضاء

[gdwl]غالبية مواضيعى فى القسم مش مواضيع نقاشية
غالبية مواضيعى فك وتركيب وتصوير ورفع الموضوع للناس لوجة الله
يعنى عشان اعمل موضوع بسيب شغلى واكل عيشى واقعد افك واركب واصور وارفع الموضوع للناس

ومفيش حاجة تجبرنى انى اعمل كدة
ومفيش حد بيدينى مقابل
يعنى بشكل بسيط وواضح محدش بيطلع من جيبة جنية اخر اليوم ويحطة فى جيبى

فضرورى قوى ان الاخوة الاعضاء ياخدو بالهم من النقطة دى وهما بيردوا عليا ردود خارج نقاش الموضوع الرئيسى اللى هوة عمل الفلتر

ضرورى قوى الناس تاخد بالها من النقطة دى
مع كامل احترامى لكل الاعضاء[/gdwl]

نيجى بقة للموضوع الرئيسى
انا لما هطرح طريقة عمل الفلتر الموضوع مش هيكون على قد انك تعمل فلتر وبس خلاص خلصت الشغلانة على كدة

قبل ما تعمل الفلتر لازم تكون نضفت مجرى الهواء الخارجى للسيارة
وعشان تنضف المجرى دة لازم تعمل الاتى

هترفع الكبوت
وتفك ال 3 مسامير البلاستيك دول


وبعدين تتطلع مظراب توجية المية دة


وبعدين بقماشة مبلولة هتبدأ تقفش على التراب والطينة المتجمدة وورق الشجر اللى هتلاقية فى المنطقة دى وتسحبة لبرة
وتبقى حريص ان مفيش حاجة تقع فى العلبة بتاعة القايم اليمين الامامى


الصورة دى للمنطقة بعد ما نضفتها
انت لما تفتحها هتلاقة فيها تراب وطين متجمد

وفى احتمال كبير انك توقع عفش وتراب وطين فى القايم اليمين
فلو انت منضفتوش هيربيلك الخفيف باصوات الخرفشة والخربطة وانت ماشى فى القايم اليمين بالكامل للسيارة

ففى الحالة دى لازم تحل العجلة اليمين
وتشيل الكوتشة
والفبر بتاع العجلة
عشان تعرف توصل لنهاية العلبة اليمين تحت خالص
وتتبدأ تعامل بصوابعك وبالمية من فوق عشان تتطلع الزبالة اللى وقعت




وبعدين هتخش جوة الصالون
وتفك مسمارين درج التابلوة


وتفك الغطا اليمين الفبر
عشان تعرف تشتغل فى المنطقة دى


وبعدين لازم تفك موتور المروحة قبل ما تبدا تنضيف


هتحرر فيشة الكهربا
وتفك ال 3 مسامير
وتطلع الماتور برة
عشان التراب والمية ميجوش فى الماتور
وتبهدل الدنيا

فلما انا بطلب من عضو انة يختبر حاجة معينة
زى المشاركة رقم 14 فى صفحة رقم 2
والمشاركة رقم 18 فى صفحة رقم 2
والمشاركة رقم 21 فى صفحة رقم 3

فالهدف مش مجرد ان يقوم ويشتغل بايدة بس
فية هدف تانى
انة لما ييجى يشتغل فى اى منطقة اكيد هتقابلة ملاحظات
فهيكتبها فى الموضوع
وهرد علية
وطبعا الاعضاء هتقرأها
وهياخدوا بالهم
فيبقى ساعة التفيذ النهائى يكون الموضوع سهل وبسيط وسريع لكل الناس
وبالتوفيق للجميع

[JAM]

ربنا يباركلك يامصطفى باشا... الواحد كان عايز يستغل اليومين الأجازة اللى فاتوا وكان يعمل الشغلانة دى.. بس للأسف تازلين الشغل بكرة... يلا تتعوض الأجازة اللى جاية
شد حيلك إنتا بقة فى بقيت الموضوع وربنا يصلحلك الحال ويكرمك

[agaty1st]

حاجة تانية
الموضوع دة مرتبط بموضوع ورا منة علطول اللى هوة تنضيف فلتر التلاجة بدون وجع قلب وبسهولة

وللتوضيح فقط لو حبيت تعمل الموضوع دة (تنضيف التلاجة بس) عند اى صنايعى هياخد منك متوسط 150ج وحوالى 3 ساعات شغل تقريبا

طيب لو انا حبيت اعمل الموضع دة بشكل تجارى فى المنتدى (تنضيف التلاجة واضافة فلتر هواء للتكييف) ب 150ج بس والموضوع كلة على بعضة مش هياخد معايا 45 دقيقة وهعملها قدام المحل عندى وتقريبا ايديا مش هتتوسخ ولو استأذنت الاستاذ كريم منير رئيس مجلس الادارة الراجل مش هيتأخر معايا

يعنى 45 دقيقة شغل تساوى 150ج والتكلفة كلها متعديش 5ج

باشا
ممتاز انك أكلمت في الموضوع التجاري ده لأني كنت بفكر أعمل بيه موضوع بس خفت الناس تاخد الكلام بحساسيه
القسم مليان اختراعات هايله فليه كل واحد عنده فكره ميطرحهاش تجاريا و يستفيد و يفيد غيره
ياريت تبدأ بالموضوع ده و موضوع العزل

[مصطفى-حسن]

ربنا يباركلك يامصطفى باشا... الواحد كان عايز يستغل اليومين الأجازة اللى فاتوا وكان يعمل الشغلانة دى.. بس للأسف تازلين الشغل بكرة... يلا تتعوض الأجازة اللى جاية
شد حيلك إنتا بقة فى بقيت الموضوع وربنا يصلحلك الحال ويكرمك

متقلقش يا استاذ احمد
تصنيع الفلتر تعملة وانت قاعد تشرب شاى
وتجهيز مكانة بالكتير قوى ياخد ساعة
يعنى ممكن تعمل الليلة كلها بعد ما ترجع من الشغل

باشا
ممتاز انك أكلمت في الموضوع التجاري ده لأني كنت بفكر أعمل بيه موضوع بس خفت الناس تاخد الكلام بحساسيه
القسم مليان اختراعات هايله فليه كل واحد عنده فكره ميطرحهاش تجاريا و يستفيد و يفيد غيره
ياريت تبدأ بالموضوع ده و موضوع العزل

والله هيا بترجع للشخص نفسة صاحب الموضوع
ولادارة المنتدى انها توافق ولا لأ
وهيا مش عيب ولا حرام
وعلى ما اذكر كان فية عضو هنا عمل تعديل فى فوانيس السيارت والادارة سمحت لة مشكورة بانة يعرضة

[agaty1st]

والله هيا بترجع للشخص نفسة صاحب الموضوع
ولادارة المنتدى انها توافق ولا لأ
وهيا مش عيب ولا حرام
وعلى ما اذكر كان فية عضو هنا عمل تعديل فى فوانيس السيارت والادارة سمحت لة مشكورة بانة يعرضة

طيب يا باشا ما تتوكل على الله و تبدأ
و أكيد في ناس تانيه برضه هاتشترك
وربنا يوقف الجميع

[مصطفى-حسن]

طيب يا باشا ما تتوكل على الله و تبدأ
و أكيد في ناس تانيه برضه هاتشترك
وربنا يوقف الجميع

بس الموضوع دة انا عاملة لله
وكمان عشان الصيف بيبقى مزدحم معايا شوية
لو انت عندك موضوع وعايز تعملة تجارى
استاذن ادارة المنتدى وشوفهم هيقول اية

[Ahmed Nasser]

بص انا مش معايا لانوس
بس هشارك لانى من هواة الاختراعات والفك والتركيب
اولا تصنيع الفلتر من اية؟؟؟
مش شرط اصنع فلتر محلى انا ممكن اجيب فلتر بتاع اى عربية تانى نوبيرا مثلا
واقطع منة واعملة جوانات عمولة على ايدى

ثانيا فلتر واحد ولا اتنين
دى بقى مش هقدر اقولك عليها لانى ممعيش لانوس
بس مبدايا كدة هستخدم فلتر واحد

ثالثا الفلتر هيركب فين
هستخدم نفس الفكرة فى النوبيرا

http://www.nilemotors.net/Nile/247239-a.html#post3875141390

هعمل قاعدة هنا وانزل بالفلتر فيها واثبتة

[ZOoOoMA]

احنا ممكن نعمل مربع مكون من 4 قطع حديديه و ليه اربع رجول و يركب فوق التلاجه اللي ورا التابلوه

[مصطفى-حسن]

بص انا مش معايا لانوس
بس هشارك لانى من هواة الاختراعات والفك والتركيب
اولا تصنيع الفلتر من اية؟؟؟
مش شرط اصنع فلتر محلى انا ممكن اجيب فلتر بتاع اى عربية تانى نوبيرا مثلا
واقطع منة واعملة جوانات عمولة على ايدى

ثانيا فلتر واحد ولا اتنين
دى بقى مش هقدر اقولك عليها لانى ممعيش لانوس
بس مبدايا كدة هستخدم فلتر واحد

ثالثا الفلتر هيركب فين
هستخدم نفس الفكرة فى النوبيرا

http://www.nilemotors.net/nile/247239-a.html#post3875141390

هعمل قاعدة هنا وانزل بالفلتر فيها واثبتة

عندك حق فى حاجة
ان تصنيع الفلتر مش غلبة
احنا ممكن فعلا نصنعة بايدينا
بس مش هيكون فلتر عربية
لان كل فلاتر الهواء فى العربيات طول فى عرض فى تخانة
العقبة اللى هتبقى معانا هيا التخانة عشان المكان اللى هتتحط فية

تانى حاجة :
التراب اللى بيدخل للتلاجة بيبقى خفيف جدا عشان يطير مع الهوا ويلزق فى شرايح التلاجة اللى بتكون رطبة اثناء العمل
فمعنى كدة ان التراب اللى فى دواسة العربية قدام بيطير ويتشفط من الفتحة رقم 1
لكن دة ميمنعش ان الكمية الاكبر بتكون من الفتحة اللى من المدخل الخارجى

ورغم انك مش معاك لانوس وداخل تشارك فدى حاجة ممتازة جدا احييك عليها

احنا ممكن نعمل مربع مكون من 4 قطع حديديه و ليه اربع رجول و يركب فوق التلاجه اللي ورا التابلوه

طيب ممكن شوية توضيح للفكرة بتاعتك :
المكان اللى هتركب فية ؟؟؟؟
مقاسات المربع ؟؟؟؟؟

[neel]

الموضوع بقي ممل جدا

اذا اردت خدمة الاعضاء فقدت ضللت الطريق

سيادتك منتظر الصيف يخلص علشان ترفع طريقة تنظيف الثلاجة الي موجودة عندك فيديو زي ما قولت ؟؟؟؟؟؟؟؟؟؟
ختاما سلاما

[abo_lamar]

قسماً بالله ان شاله ما شغلنا التكييف ... تولع العربية بالتكييف مش عايزين تكييف ... ايه يا عم انت حتبيع و تشتري فينا .... المنتدى ده يا حبيبي عشان الناس تتبادل المعلومات في مجال السيارات مش استعراض للعضلات و التفنن في ذل الاعضاء ....
ايه يعني الفلتر اللي انت اخترعته خيخلي التكييف احسن من البي ام دبيلو ؟؟؟
ماتحترمنا شوية يا جدع ...
وزي ماقال الزميل Mero انك مغرور فعلا والله انت مغرور وعندك حب التباهي ... ده انت قرفتنا باول موضوع ليك انك اللي فكيت العربية لوحدك بدول مساعدة اي ميكانيكي عشان تعمل عزل بالارما فليكس ... وتعيد و تزيد فيها انك فكيت العربية لوحدك بدون مساعدة اي ميكانيكي عشان تعمل عزل بالارما فليكس لدرجة اني تخيلت انك حتكتبها في توقيعك ....
تحياتي لكل من ساهم بمعلومة من الزملاء الافاضل ومابخلوش علينا ولا ذلوا في اهلنا ...
محمد ممدوح
طارق علاء
عصام غنايم
amr axel
سمير عياد
ســــــــــــــــــلام يا استاذ مصطفى .