العربية مابتجبش R فتيس اوتوماتيك

[cody02]

لا حول ولا قوة الا بالله

آخر المشاكل اللي شوفتها مع العربية دي (لنوس 2 2000) في وقت قياسي (3 شهور) .. والحمد لله على كل حال .. وان راجع من شغلي عادي وقفت انزل واحد صاحبي .. جبت الفتيس على N ووقفت .. جاي اطلع تاني جبت على ال D .. ولا حاجة ولا اتحركت .. وعادتها انها بتمشي على ال D كويس بدون بنزين .. قولت اديها بنزين .. برده متحركتش وصوت الموتور مخنوق شويه .. قولت معقوله فجأة زيت الفتيس قل أوي (لو تفتكروا اني عندي تسريب زيت فتيس وبزود كل اسبوع عشوائي) .. قمت مزود زيت .. وزي ماهيا برده بس ممكن تتحرك ببطئ مع البنزين
لما بجيب N بتمشي كويس لوحدها كأني على ال D .. وفوجئت انها لا تتحرك على ال R مهما كبست بنزين

سايستها ومشيت بيها والموتور مخنوق ولاحظت انها بتأخد نقلاتها طبيعي .. بس بتمشي على ال D ولا تتحرك على ال R

في بس ملاحظة على موقف وانا سايق يمكن لي دور .. نفس المشوار وانا نازل من على كوبري على سرعة 70 .. مورت على ال N وطبعاً شايل رجلي من على البنزين لحد مانزلت ورجعت على ال D .. صاحبي اللي راكب معايا قالي الحركة دي غريبة بتعملها ليه .. ايه رايكم

برجاء الافادة

[cody02]

يا شباب .. افيدونا

بفكر جدياً أغير الفتيس لأن الموضوع كده من سئ لأسوأ
- الموتور مخنوق جداً وبتخرف في النقلات
- بتمشي على ال N
- مافيش مارش دير خالص

ايه رأيكم التغيير أحسن من الاصلاح .. مع العلم انه من بنك الاسكان في بورسعيد مابين 1000 - 1200 جنيه

- حكاية خنقة الموتور دي فعلا من الفتيس ولا هيطلع عندي حاجة فيه هو كمان ؟؟؟
- كنتم بتقولو ان الفتيس الاستيراد ب 4000 جنيه .. ده جديد ولا ايه ؟؟؟
- لو هاشتري الفتيس ابو 1000 ده .. في أي نصائح في اختياره من بين 10 مثلاً ؟؟؟

[morabet79]

طيب ما تكشف على الفتيس األأول وبعدين تحدد إن كنت هتصلح أو تغير بواحد إستيراد

[cody02]

أعتقد ان محاولة الاصلاح تضييع وقت و فلوس

مازلت في انتظار أراء الشباب

[tamermadi]

اكشف على الفتيس عند واحد كويس

ممكن يكون الكابل عايز يتشد بس

او فى كلتش او اويلسيل جوا الفتيس باظ

او السيرفو بتاع المارشدير

لو المشكلة مش من الكابل يبقى الاحسن انك تغير الفتيس كلو وتريح دماغك

الفتيس بيبقى على التجربه

[cody02]

تقصد بالكابل الواير الذي يصل بين عصا الفتيس وما يسمى (المشط) الذي ينقل للفتيس وضعية العصا ؟ عموما المحاولة اللي اتعملت اني غيرت المشط ده .. والمشكلة زي ما هيا

وبعدين المشكلة معادتش مارش دير بس .. ماشية العربيه كلها مبرجلة .. ولما عديت 70 لقيت العربية بتسقط نقلة وبعدين ترفع نقلة تاني .. الانهيار ده كلة في يوم وليله .. وقبلها كان كله تمام .. عدا مشكلة تسريب الزيت .. بصراحة انا مش باقي على الفتيس اللي عندي ده كمان لما عرفت ان في شروخ ملحومة في جسم الفتيس

على فكرة القديم بيتعمل فيه ايه بيتباع ولا اعينه عندي ولا ايه ؟؟

دعواتكم بالتوفيق في تغيير الفتيس

[tamermadi]

يبقى توكل على الله وغيره بما انو ملحوم قبل كده يبقى واخد مطب واتفك واتلحم ورايش اللحام دخل جوه وحجات كده

يبقى غيرو

هو فى حدود ال 1000

الفتيس القديم غالبا هيفضل قاعد عندك ...

وجرب تسأل التاجر الي بتشتري منو

[cody02]

شكراً على النصيحة .. ربنا يباركلك

[hazem_khidr]

احسن حل انك تشتري دماغك و تغير الفتيس
و تاخده علي تجربه اسبوع او اتنين علشان لو فيه حاجه ترجعه.
و برضه شوف واحد متخصص فتيس اتوماتيك يشوفه يمكن يكون عيب بسيط.

على فكرة القديم بيتعمل فيه ايه بيتباع ولا اعينه عندي ولا ايه ؟؟

لا القديم مش حيجيب فلوس عينه عندك يمكن تحتاج حاجه منه في يوم من الايام

[acounter01]

عزيزي كودي
مشكلة الفتيس عندك تقريبا كانت شبيه لمشكلة الفتيس عندي اتوماتيك 2000 بس انما والحمد لله كان المشكلة عندي الحمد لله علي كل حال
رحت لواحد بتاع فتيسات في المنيل اسمة حمادة الله يبارك له
علي فكرة انا رايح علي تغير فتيس بس الحمد لله لاقينا ان في وحدة في الفتيس اسمها الكنترول يونت دي ال كانت بتخلي العربية مخنوقة جدا والفتيس مبيحركش العربية من مكانها
عموما دة راي رحلة مش حتخسر أكثر من ال أنت خسرتة وجرب ممكن يكون الفتيس بتاعك زي الفل بس فية حاجة بسيطة وكما عاوز الفت نظر حضرتك لحاجة
انت مش ضامن الفتيس ال حتجيبة عامل اية من جوة
لوز عاوز رقم تليفون حمادة قولي هو في المنبل وعلي فكرة انا بتعامل معاة من 5 سنوات بجد مش هزار وربنا يوفقك لما هو خير

برجاء مراعاه صحة كتابة لفظ الجلالة

مشرف القسم

[cody02]

شكراً أخي حازم و أخي acounter01

الحمد لله .. روحت النهاردة فكيت فتيس من على موتور .. وركبناه .. والحمد لله التجارب الأولية كله تمام .. وبالنسبة للفتيس القديم .. زي ماقولت انا مش باقي علية بسبب الشروخ الملحومة وتسريب الزيت .. وعلى فكرة لما اتفك نزل منه رايش كتير مع اني مغير زيت وفلتر من شهرين .. وبالنسبة للتصليح للآسف مفيش حد عندنا في بورسعيد خبرة في الموضوع ده .. الكل بيجرب .. والصنايعي اللي غيرت عنده جاب من الآخر وقالي "ماتخليش نفسك حقل تجارب"

والحمد لله الموضوع كله ماخدش أكتر من 5 ساعات .. وسيبت الفتيس القديم كنت ناوي أخده بس طلع رزية

على فكرة يا شباب .. الصنايعي قالي بلاش تجيب زيت غالي الوقت .. عشان احنا لسه بنجرب .. حطيت زيت حقير جداً و رخيص اسمه ماج .. امشي عليه قد ايه وأغيره بموبيل مثلاً ؟؟؟؟؟؟؟

سؤال تاني معلش : انا لقيت طبه تانيه في الفتيس .. مين فيهم لضبط المستوى ؟؟ والتانيه على كده دورها ايه ؟؟ لأن الباشا بيقول لما تغيير زيت حنفك غطاء الكارتير .. الكلام ده صح ولا الزيت بينزل من طبه معينة ؟؟

[MMamdouh]

سؤال تاني معلش : انا لقيت طبه تانيه في الفتيس .. مين فيهم لضبط المستوى ؟؟ والتانيه على كده دورها ايه ؟؟ لأن الباشا بيقول لما تغيير زيت حنفك غطاء الكارتير .. الكلام ده صح ولا الزيت بينزل من طبه معينة ؟؟

http://www.nilemotors.net/Nile/showthread.php?t=39341

MMamdouh

[tamermadi]

مبروك على الفتيس

الزيت عشان يتغير لازم الكارتيره تتفك

وتنضف الصفايه ( الفلتر)

بلاش زيت ماج عشان فيه مواد كميائيه بتاكل الاويلسيلهات الكاوتش ودرجة غليانه اقل من الزيوت النظيفه

يعنى امشى بيه يومين وبعدين روح غيره

[cody02]

الله يبارك فيك

بالنسبة لمكان طبة ضبط المستوى .. صور الكاتالوج مربكة .. لكن الطبة اللي انا مشتبه فيها جانبها بالقرب منها حساس سرعة الخرج .. هل هي دي فعلاً ؟؟؟؟

بالنسبة لموضوع فك الكارتيرة عشان تغيير الزيت .. كان نفسي أتجنب القصة دي .. الأمر لله .. لكن هحتاج جوان جديد ولا القديم شغال ؟؟؟؟ .. أحط سيلكون ولا لأ ؟؟؟؟

وبالنسبة لزيت ماج كنت ناوي أكمل عليه اسبوعين كتجربة .. بس هاحاول اغير بدري عن كده
طيب أعمل ايه في كمية الزيت اللي بتبقى في الاربة (torque converter) .. مفيش مشاكل من بقاء كمية من الزيت الردئ ده داخل الفتيس ؟؟؟

وشاكرين جداً متابعتكم وافادتكم

[ahmedezzat78]

حضرتك جبت الفتيس بكامو منين؟؟