العربية مابتجبش R فتيس اوتوماتيك

[morabet79]

"" في بس ملاحظة على موقف وانا سايق يمكن لي دور .. نفس المشوار وانا نازل من على كوبري على سرعة 70 .. مورت على ال N وطبعاً شايل رجلي من على البنزين لحد مانزلت ورجعت على ال D .. صاحبي اللي راكب معايا قالي الحركة دي غريبة بتعملها ليه .. ايه رايكم """

يا جماعة محدش رد على النقطه دي

إزاي تمشي على ( N ) وأنت نازل من على كوبري ، يعني العربيه أخده سرعه

دا المفروض إنك لما تكون على ( N ) ماتزقش حتى العربيه

الموضوع ده في الغالب أثر على التروس بالإضافة إلى تسريب الزيت

[Ahmed Selim]

N يعنى Neutral يا باشا يعنى المور
يمكن أنت قصدك ال P
الحركة دى ملهاش تأثير ( المفروض ) بس أنا ليا ملاحظة تانية وهى أنى مبحبش نقل أوضاع الفتيس كتير.........يعنى لو واقف فى أشارة دقيقة ولا حاجة بفضل دايس فرامل بس مغيرش الفتيس من D الى N لكن لو الوقفة مطولة شوية بعملها عادى

[cody02]

حضرتك جبت الفتيس بكامو منين؟؟

يا باشا .. الفتيس جبته ب 1000 جنيه من (الشونة) منطقة بنك الاسكان ببورسعيد .. واتفك قدامي من على موتور

بالتوفيق

[cody02]

مشكور على الافادة أخي أحمد مقصود .. يمكن فعلاً أنا كنت بأغير وضعية الفتيس كتير وأنا ماشي ما بين N,D4,D3 المفروض ده طبيعي .. بس هاحاول اتجنبها

morabet79 .. خلينا على اتصال لو تحب

الله يبارك فيك

بالنسبة لمكان طبة ضبط المستوى .. صور الكاتالوج مربكة .. لكن الطبة اللي انا مشتبه فيها جانبها بالقرب منها حساس سرعة الخرج .. هل هي دي فعلاً ؟؟؟؟

بالنسبة لموضوع فك الكارتيرة عشان تغيير الزيت .. كان نفسي أتجنب القصة دي .. الأمر لله .. لكن هحتاج جوان جديد ولا القديم شغال ؟؟؟؟ .. أحط سيلكون ولا لأ ؟؟؟؟

وبالنسبة لزيت ماج كنت ناوي أكمل عليه اسبوعين كتجربة .. بس هاحاول اغير بدري عن كده
طيب أعمل ايه في كمية الزيت اللي بتبقى في الاربة (torque converter) .. مفيش مشاكل من بقاء كمية من الزيت الردئ ده داخل الفتيس ؟؟؟

وشاكرين جداً متابعتكم وافادتكم

يا شباب .. ما تنسوش التلات نقط اللي بأسال عليهم
- مكان الطبة هل هو ناحية العجلة اليمين (معلش انا شوفت الصور كتير بس هي مربكة فعلاً) ؟؟؟
- هل ضروري أغير الجوان لو فكيت الكارتيرة ؟؟
- الزيت الردئ اللي باقي في الاربة .. في مشاكل ولا عادي ؟؟؟

[Dr.SherifMansy]

في بس ملاحظة على موقف وانا سايق يمكن لي دور .. نفس المشوار وانا نازل من على كوبري على سرعة 70 .. مورت على ال N وطبعاً شايل رجلي من على البنزين لحد مانزلت ورجعت على ال D .. صاحبي اللي راكب معايا قالي الحركة دي غريبة بتعملها ليه .. ايه رايكم

برجاء الافادة

اللى بتعمله ده حاجة اسمها neutral drop وعادة بتتعمل من الثبات علشان تطلع طلعة زى الأمريكانى و هى انك تحط النقلة على N و تدوس بنزين و بعدين مرة واحدة و انت دايس بنزين تجيب ال D ، و تقريبا ده نفس اللى انت عملته بس من الحركة مش الثبات و دى بتقصر عمر الجيربوكس و بيحذروا منها فى المنتديات بره (DO NOT DO NEUTRAL DROPS!!!! you'll regret it.)، و ممكن تدور عليها فى جوجل و تعرف ايه مشاكلها
مع تحياتى وربنا يبارك لك فى الجيربوكس الجديد

[k_lashen]

السلام عليكم هل الفتيس الاتوماتيك ده الى بالف جنيه ينفع للنوبيرا ايضا ام لا

[morabet79]

انا شفت فتيس النوبيرا 2 ، مختلف عن اللانوس ، مفهوش over drive

ممكن تراجع مانيوال النوبيرا وتشوف نوع الفتيس ، وهل هو مطابق لفتيس الانوس أم لا

[k_lashen]

شكرا للرد وللعلم وسؤال اهل الخبره ان المشكله عندى ان السياره اتوماتيك عند وضعها على d والبدء بالتحرك تتحرك عال العال ولما تنقل الاقى ان العزم يروح وتسقف كانها نقلت على الثالث مش الثانى وبعدين تمشى زى الفل مش عارف ده هايكون ايه رغم انى رحت لورشه فتيس اتومانيك باحمد سعيد غير الزيت والفلتر وايضا لما باكون دايس فرامل مع تعشيق الا d احس برعشه بالموتور وتارجح ال rbm واسمع صوت يشبه التنفيث او النفخ مع كل حركه من rpm وكان السياره عاوزه تنقل وانا دايس فرمله ارجو الأفاده حيث انى خايف اغير الفتيس ومايطلعش عيب فتيس لانه عدا ذلك زى الفل ولما باجيب التانى يعنى عل2 بتطلع تمام ثم انقل بقى على ال d وامشى عادى

[acounter01]

استاذ كودي ممكن اعرف انت جبت الفتيس منين بالضبط علشان في واحد صديقي عاوز يجيب فتيس استيراد بس في القاهرة بيتراوح سعرة ما بين 3000 : 4000 وممكن نتقابل فين

[cody02]

استاذ كودي ممكن اعرف انت جبت الفتيس منين بالضبط علشان في واحد صديقي عاوز يجيب فتيس استيراد بس في القاهرة بيتراوح سعرة ما بين 3000 : 4000 وممكن نتقابل فين

أخي العزيز .. الفتيس من شونة بنك الاسكان بمدينة بورسعيد .. ومنطقة بنك الاسكان ما شاء الله فيها كل حاجة
هو السعر ده في القاهرة استعمال الخارج برده ولا جديد

[cody02]

يا شباب .. ما تنسوش التلات نقط اللي بأسال عليهم
- مكان الطبة هل هو ناحية العجلة اليمين (معلش انا شوفت الصور كتير بس هي مربكة فعلاً) ؟؟؟
- هل ضروري أغير الجوان لو فكيت الكارتيرة ؟؟
- الزيت الردئ اللي باقي في الاربة .. في مشاكل ولا عادي ؟؟؟

بالنسبة للطبة أنا خلاص اتأكدت من مكانها .. انها بجانب output shaft للكوبلن اليمين (مكان بايخ) .. وعلى كده الطبه اللي فكيتها قبل كده كانت غلط

ياريت بس تفيدوني في السؤالين الباقيين

[M.Elhamy]

هل ضروري أغير الجوان لو فكيت الكارتيرة ؟؟

yes

الزيت الردئ اللي باقي في الاربة .. في مشاكل ولا عادي

mesh 3aref

[tamermadi]

بالنسبة لموضوع فك الكارتيرة عشان تغيير الزيت .. كان نفسي أتجنب القصة دي .. الأمر لله .. لكن هحتاج جوان جديد ولا القديم شغال ؟؟؟؟ .. أحط سيلكون ولا لأ ؟؟؟؟

وبالنسبة لزيت ماج كنت ناوي أكمل عليه اسبوعين كتجربة .. بس هاحاول اغير بدري عن كده
طيب أعمل ايه في كمية الزيت اللي بتبقى في الاربة (torque converter) .. مفيش مشاكل من بقاء كمية من الزيت الردئ ده داخل الفتيس ؟؟؟

شوف الجوان بعد فك الكارتيره لو طلع سليم ركبو تانى

الجوان الاصلى مش بيحتاج سيليكون

بس مقرف جدا فى تركيبه صح عشان ميسربش زيت


حاول على قد ما تقدر تصفى الزيت يعنى ارفع العربيه وفك الكارتيره وسيبها تصفى ساعة مثلا

وبعد كده قفل ونزل العربيه وزود بتاع 4 او 5 كيلو وبعيد دور العربيه وزود زيت لحد الطبه تجيب زيت قفلها

[cody02]

شوف الجوان بعد فك الكارتيره لو طلع سليم ركبو تانى

الجوان الاصلى مش بيحتاج سيليكون

بس مقرف جدا فى تركيبه صح عشان ميسربش زيت


حاول على قد ما تقدر تصفى الزيت يعنى ارفع العربيه وفك الكارتيره وسيبها تصفى ساعة مثلا

وبعد كده قفل ونزل العربيه وزود بتاع 4 او 5 كيلو وبعيد دور العربيه وزود زيت لحد الطبه تجيب زيت قفلها

الله ينور عليك .. شكراً على الافادة