الدايو الي عامله عقده لملاك الصيني

[amr83]

[QUOTE=mhi00002000;3875411345]سؤال لكل ملاك الصينى (دة مجرد رأيي الشخصى مكونة من خلال تجربة فياريت محدش يزعل او يفتكرنى بهاجم)

1- محستش مرة وانتا بتتعامل مع مكونات العربية انها تعبانة جدا وخامتها فى الضياع
2- محستش مرة ان الفرش بتاعك بيتقطع بسرعة جدا والمفروض انو يعمر شوية
3- محستش ان العربية سعات بتفاجأك ان فى حاجات بتبوظ والمفروض انها تعيش كتير بالنسبة لعربية زيرو زى مكن الازاز الكهربا او اللمبات او الاوكر او الزراير او غيرو
4- محستش مرة ان تبريد (التكييف يعنى)العربية فية حاجة غلط تشغل تبرد تطفى تتحر تحس انو مش مدروس توزيعو او كدة
5- محستش مرة ان فية حاجات حتى لو بسيطة بس تحرق الدم فى العربية جداااااااااااااااااااااااااااااااااااااااااااااااا اااااااااااااا
6- محستش ان العربية بتعجززززززززززززززززززز بسرعة (دى هيفهمها اللى ركب صينى اكتر من 5 سنين)

يجماعة انا مركبش عربية صينى ابداااااااااااااا حتى لو اعلى فى الامكانيات يعنى مثلا انا افضل النيسان صنى مستعملة على m11 جديدة زيرو وافضل لانوس 99 على الايمجراند الجديدة والاسبيرانزا

من الاخر كدة العربية لازم يكون ليها اصل وفصل لما نتكلم عن الدايو لانوس احنا بنتكلم عن عربية من انتاج شركة جنرال موتورز بتتركب من سنة 1997 فى اوروبا قبل مصر - كام واحد مننا بيشوف فى الشارع عربيات لانوس موديل 99 لسة بحالة الفابريقا كأنها خارجة من المصنع- 2014-1999= 15 سنة فى شوارع مصر والتابلوة اخرة بيزيق بس ممكن مفيش زرار يتكسر- اسبرانزا a516 موديل 2013+15= 2028 حد عايز يفهمنى ان سنة 2028 هنشوف منها عربيات بحالة الفابريقا - الاجابة شوف حالتها مع اللى راكبين موديلات 2010-

هقولكم على حكمة - العربية الصينى دى زى اللبانة اولها بتبقى مسكرة وطعمها جميل بس بيروح وخلاص كدة.[/Q


كلام حضرتك سليم جدا هوا ده المفيد و هيا دي الخلاصه

[amr83]

المختصر المفيد هو ان حضرتك اركب اي تاكسي اسبيرنزا هيقولك و سع و ابشنز بس من ساعت ما جابها يا عيني حتلاقيه غير نص العربيه و بيعدل كمان و اركب مع اي تاكسي فيرنا يقولك دي حماره شغل

انا واحد جاري كان جايب الاسبيرانزا ال 516 2009 و كان شكلها نضيف و قعدت معاه 8 شهور و غيرها بنوبيرا 1 97 و لما سالته ليه قالي يا باشا التانه دي كنت باشحت عليها شتااان بين الاتنين
انا كل ما اشوف اسبيرنزا بقالها سنتين قالقيها فعلا بتعجز بدري عن اي عربيه تانيه حتي عصايه الفتيس مش عارفين يعملوها نضيفه تلقيها من الاستخدام مبريه و الفبره البيضه باينه صبااح الخامات الي في الطراوه و علي فكره هي مع عديلي 2011 و بيسب و يلعن فيها
الحمد لله ان ما فيش وجه مقارنه بين الصيني و الكوري انا عمري ما شوفت عربيه كوري فبره التانك بتتكسر و كومبيرسور بيبوظ و فتيس الوير بتاعه بيقطع و ابواب فيها بارومه من جوه و سحب زي الزفت و عضه في الفتيس و اسكاترا و فرامل بتصفر و تلاقي الناس ناقص تقولك دي احسن من الكورولا !!!

[fathiazab]

ايه يا جماعة العربية وسيلة وليست هدف هي دابة للوصول ولا يقاس الانسان بمدى ارتفاع ثمن دابته (سيارته) الفكرة اننا بنقول الحقيقة في العربية بدون كذب لافادة الناس لان مفيش واحد مش هيغير عربيته يوما ما..

[hugan]

ايه يا جماعة العربية وسيلة وليست هدف هي دابة للوصول ولا يقاس الانسان بمدى ارتفاع ثمن دابته (سيارته) الفكرة اننا بنقول الحقيقة في العربية بدون كذب لافادة الناس لان مفيش واحد مش هيغير عربيته يوما ما..

كلام جميل فعلا
العربيه وسيله مش غايه

[كريم kok]

[QUOTE=amr83;3875411481]المختصر المفيد هو ان حضرتك اركب اي تاكسي اسبيرنزا هيقولك و سع و ابشنز بس من ساعت ما جابها يا عيني حتلاقيه غير نص العربيه و بيعدل كمان و اركب مع اي تاكسي فيرنا يقولك دي حماره شغل

انا واحد جاري كان جايب الاسبيرانزا ال 516 2009 و كان شكلها نضيف و قعدت معاه 8 شهور و غيرها بنوبيرا 1 97 و لما سالته ليه قالي يا باشا التانه دي كنت باشحت عليها شتااان بين الاتنين
انا كل ما اشوف اسبيرنزا بقالها سنتين قالقيها فعلا بتعجز بدري عن اي عربيه تانيه حتي عصايه الفتيس مش عارفين يعملوها نضيفه تلقيها من الاستخدام مبريه و الفبره البيضه باينه صبااح الخامات الي في الطراوه و علي فكره هي مع عديلي 2011 و بيسب و يلعن فيها
الحمد لله ان ما فيش وجه مقارنه بين الصيني و الكوري انا عمري ما شوفت عربيه كوري فبره التانك بتتكسر و كومبيرسور بيبوظ و فتيس الوير بتاعه بيقطع و ابواب فيها بارومه من جوه و سحب زي الزفت و عضه في الفتيس و اسكاترا و فرامل بتصفر و تلاقي الناس ناقص تقولك دي احسن من الكورولا !!![/ ك


كلام حضرتك مظبوط ومثلا اقل شيء انت مثلا لما بتروح تشتري قطعه غيار اول شيء بتقولو للبايع ونبي بلاش صيني ولو معندكش غيرو مش هشتري وبتمشي مابالك بقا ان اساسا عربيتك صيني يعني هتجيب يعني هتجيب وغير كده في استاذ بيقول ان الصيني شاسيه قوي عن الفيرنا وان الفيرنا موتور بس اقول للاستاذ ده ده من وحهه نظرك انت بامارت اييييه شاسيه الصيني اقوي من الانوس او الفيرنااا ههههههههههههههههههههههههه دي واللله معلومه جديده عليااااااااا جداااا جداااااا

[zendo]

الخلاصة كتاريخ وسمعة الكورى طبعا افضل ولكن هذا ميمنعش ان فيه موديلات من الصينى نزلت كويسة وعلى فكرة الكورى اخد تكنولوجيا المانى انا كان معايا اوبل فكترا وغيرت وركبت نوبيرا 2 وفي تشابه

[Hunting_Eagle]

ياطيب اتفرج علي فيلم تاكسي
شوفت البنت الزنجيه كانت بتمسك منديل علشان تفتح الدايو جوليت
وكات رافضه تركبها اصلا

ده على اساس انها لو كانت لاقت عربية صيني قدامها كانت هتركب و تعمل بيها دريفتات ؟!

صحيح ... أساسا ساعتها ما كانش موجود عربيات صيني أساسا

:)

[amr83]

ده على اساس انها لو كانت لاقت عربية صيني قدامها كانت هتركب و تعمل بيها دريفتات ؟!

صحيح ... أساسا ساعتها ما كانش موجود عربيات صيني أساسا

:)

ههههههههههههههههههههههه جامده اوي دي , واحده طول الفيلم بتعمل دريفتات ب بي ام و لينكولن و دودج و مرسيدس عايزها تعمل ايه لما تيجي تركب دايو ؟؟؟ و مع ذلك ركبتها و عملت شو جامد بيها

لو كانو جابولها اسبيرنزا يا باشا كانت اكره الباب اتكسرت و لا اميجراند كان واير الفتيس اتقطع في اول الطلعه :

[Khaled Lanos]

فعلا انا لاحظت الموضوع دا وبقى اوفر شوية..اغلب ملاك الصيني اللي شوفتهم (ومش كلهم طبعا) بيتريقو على الدايو وانها تكنولوجيا التسعينات..طب انا بالنسبالي دي حاجة جامدة انها لسا سادة من التسعينات لحد النهارده ومتورها ممكن يعمل مليون كيلو بدون مايتعمر او يتغير (زي الصورة اللي كان ممدوح حاططها)..مش زي الإسبيرنزا 516 مثلا كل ما اروح للميكانيكي بتاعي الاقي عربيات موديل 2008 و 2010 بتسقط مواتير لانسر!

[MOSTAFA . AHMED]

مع الاحترام لملاك الصيني اللي بحس في كلامهم انه حلاوة روح مش اكتر,,,,,,,,,, ان سمعة اي عربية بتتقاس بالعمر الافتراضي ليها ومدى اعتماديتها وقلة مشاكلها ..... فمثلا مينفعش اني اقارن عربية 2014 او 2013 واقول اصلها احسن من اللانوس 99 ,,,, اللهم صلي على النبي يعني انت جايب عربية 2014 او 2013 علشان بس تبقى احسن من عربية دايو قديمه انا عمري مثلا ما سمعت عن واحد في قسم هايونداي او شيفروليه ( دايو ) راكب عربية جديده 2014 او 2013 ويقولك اصل انا عربيتي احسن من اللانوس 99 لألألأ بتلاقي واحد مثلا جايب اوبترا وبيقارنها بنيسان صني او واحد جايب النترا وبيقارنها بالسيراتو .... ده حتى جوه نفس القسم مش حتلاقي واحد مثلا جايب اكسنت ار بي وبيقولك اصل ده احسن من الفيرنا مثلا طبعا ده مثال مش اكتر ,,,,,,,,, ليه؟؟؟؟؟؟ لأنه عارف عربيته وعارف سمعة الشركة اللي شاريها منها .

انما تيجي لواحد راكب عربية اميجراند مثلا او اي عربية صيني وتيجي تقوله اي يا عم اللي انت راكبها ده يقولك حاسب ده اوبشن وسحب وعلى فكره احسن من اللانوس ,,,,,, هو ده اخرك يعني او تيجي لواحد راكب صيني ويقولك ده 1500 ده بيطلع 107 حصان ,,, الله طيب ما ماتور الدايو 1500 ( 2كامه ) بيطلع 110 حصان وتكنولوجيا قديمه زي ما بتقولوا وماتعرفش تقول معاه بم ,,,, ومش منظره وعمري في اي مشاركة ليا اني قولت عربيتي ولا اي حاجة من ديه بس انا الصبح وانا رايح الشغل ماسح بلاط الارض بعربية 516 وبعربية اميجراند وعربيتي ايه نوبيرا 1 98 1500 ...... ومع ذلك حفترض ان الاتنين سواقين بتوع الصيني غشم بس لما انا عربيتي 98 وتيجري مع عربيتين ااقدم واحده فيهم 2008 بالمنظر ده ,,,, يبقى نرفع ليها القبعة و محدش يجي يقولي صيني

قصر الكلام مالكي العربيات الصيني دفعوا فلوس في عربياتهم وفلوس مش قليله وطبعا عمر ما فيه حد بيدفع فلوس في حاجة ويقول عليها وحشة لكن معظمهم معندهمش ثقة في عربياتهم وعارفين ان عمرها قصير واخرها من الزيرو 3 سنين وبالسلامة

اسف على الرغي وتقبولوا مروري على الموضوع

[starlanos]

الموضوع ده انتشر اوي
الواحد مننا وهوا بيشتري قطع غيار بيخاف تطلع صيني وبيدور علي الكوري
مبالك عربيه كلها صيني

[رامي مصطفى]

ياجماعه هدوا اعصابكوا كل واحد دفع دم قلبوا عشان يجيب عربيه اكيد فكر مليون مره وسأل الف واحد قبل مايشتريها فكل واحد مقتنع ان عربيتوا احسن حاجه وإلا كان جاب التانيه
فمالوش لازمه الجدال ده ونشيل من بعض حأكوا عليا انا
انتا ياعم يابتاع الاسبرانزا ولا ام جراند طبعا انتا اوبشن وفخامه وشياكه احسن
وانتا يابتاع الكوري فيرنا او لانوس طبعا انتا عمر افتراضي ورخص قطع الغيار وتوفرها احسن
وكل واحد بيجيب عربيتوا على حسب الاوبشن ايللي عايزها انا لو مرتاح هجيب مثلا m12 او m11 شيك جدا وفخمه ولما ابدأ اشتكي منها اغيرها
ولو على أدي ومش هغير دلوأتي هجيب لانوس او فيرنا تعيش اطول شويه ولو فيها مشكله صيانتها مع التموين وانتا بتجيب السكر والشاي هيقولك مش عايز تعمل صيانه ع كل 2كيلوا سكر
عشان خاطري مانزعلش من بعض
أههههههههه نسيت اقولكم يا بتوع الكوري ولا الصيني انتوا شايفين نفسكوا ليه يعني احنا بتوع الياباني دي عربياتكوا دي ولا حاجه

[كريم kok]

نكته دي ال صيني يتقارن بي ﻻنوس او فيرنا او نوبير نكته نكته يعني بجد مش عارف ارد بس الاصح زي ما زميلنا قال دي حتا لما بتشتري قطع غيار بتخاف تطلع صيني مابالك انت راكب صيني

[MMamdouh]

الموضوع بمنتهى البساطة.... المنتج الصينى = اشترينى و ارمينى

يعنى quality رايحة فى داهية و اعتمادية تساوى صفر... يكفى انكم النهاردة بتتكلموا على عربية تكنولوجيا التسعينات و بتقارنوها بعربية انتاج السنتين تلاتة اللى فاتوا... ربنا يديكم طول العمر و نبقى نتفرج على عربياتكم سنة 2025 لما يبقى عندها 15 سنة زى اللانوس 99 اللى مش عجباكم و نشوف هى لسة عايشة ولا لا و لسة قطعة واحد ة ولا اتفككت من بعضها

ضيف على كدة ان الصينى بيبهرك بقفة اوبشنز... اشى ABS و EBD و DVD و زينون و معرفش ايه و العاب و شخاليل تحسسك انك شارى مكوك فضاء... بس فى الاخر اساسيات العربية مش كويسة و عمرها الافتراضى قليل جدا فا انت فى الاخر بتستمتع بالحاجات دى سنتين تلاتة و شكرا على كدة

يكفى ان اللى بيشترى صينى بيقولك "دا موتور متسوبيشى و عفشة تيوتا"... يعنى معترفين انهم واخدين تصميم عربيات تانية... و المشكلة انه تصميم كويس بكواليتى صناعة ردىء... و بعد الاستخدام الملاك بيروحوا يشتروا قطع غيار متسوبيشى و تيوتا عشان يركبوها فى عربياتهم مش حاجة عربياتهم الاصلى... طيب ما انت عارف اهو ان عربيتك مش صناعة كويسة

الموضوع دة بيفكرنى بالتاكسى الداتشيا لما ظهر فى مصر... و بعد كام سنة تلاقى 70% من القطع اللى فى اى تاكسى داتشيا هى قطع عربية رينو 12... دا دليل ان الصناعة رديئة جدا و غير معمرة... نفس السيناريو بيتكرر مع الصينى

احنا الحمد لله معندناش الكلام دة خالص و قطع غيارنا الاصلية معمرة و موجودة فى كل حتة فى السوق و القطعة اللى بتركبها بتنساها... ممكن حد يقوللى الكورى قطع غيارة مش معمرة... هرد و اقولة... لا الغير معمرة دى بتبقى قطع "صينى"... اللى هى بالنسبة ليك قطع الغيار الاصلية بتاعت العربية

و على فكرة الكلام دة مش تاليف... انا ليا صديق معاه سبيرانزا M11 من الزيرو و كان شاريها اول ما نزلت... الصراحة انا لما شوفت العربية اتوهمت بالشكل و الامكانيات و عجبتنى جدا... المشكلة بقى لما جة يعمل صيانة 30 الف كيلو اللى هى المفروض شوية سيور و فلاتر لقى العربية عايزة جوز مقصات و مساعد شمال.. الدايو بيحتاج الحاجات دى لما يبقى عامل 130 الف كيلو مش 30 الف بس... صديقى دا انا عارف سواقتة كويس اوى و هو من النوع المحافظ مش بيبهدل العربية عشان محدش يقوللى هو بيلبس مطبات و كدة... انا اعرف الراجل دة من 30 سنة

يعنى المهم فى النهاية ان بتوع الصينى حجتهم الوحيدة هى شوية الاوبشنز اللى بتبهر المشترى و العربية لسة زيرو وواقفة فى المعرض... غير كدة فيش اى ميزة لانك تشترى عربية صينى خالص...

يعنى من الاخر لو هتشترى عربية تعتبرها تحفة فنية و متركبهاش خالص اشترى عربية صينى... شكلها حلو و فيها قائمة اوبشنز كويسة... بس متفكرش تستخدم العربية عشان متبوظش منك...
عايز عربية تركبها و تهرى اللى جابوها سواقة و مشاوير و متقولش لا... اشترى دايو

MMamdouh

[MMamdouh]

و عشان بس ننفض دماغنا من الحوار العقيم دة... لما واحد راكب عربية صينى يوصل للكيلومتر دة بالمكنة الاصلية بتاعت العربية يبقى يجى يتكلم...



MMamdouh