الدايو الي عامله عقده لملاك الصيني

[مصطفى-حسن]

بالنسبة ليا الطريف فى الموضوع انى لما اروح اشترى قطع غيار للدايو بقول للراجل : صينى ولا كورى

لكن لو انا معايا عربية صينى هروح اقول للراجل اية : صينى ولا صناعة بير السلم

[MMamdouh]

الا صحيح... هو لما الواحد يشترى قطعة غيار صينى لعربيتة الصينى... يبقى كدة اشترى قطعة الغيار الاصلية ولا اشترى قطعة مضروبة؟؟؟؟؟؟

MMamdouh

[MOSTAFA . AHMED]

الا صحيح... هو لما الواحد يشترى قطعة غيار صينى لعربيتة الصينى... يبقى كدة اشترى قطعة الغيار الاصلية ولا اشترى قطعة مضروبة؟؟؟؟؟؟

MMamdouh

[IMG][/IMG]

[starlanos]

الا صحيح... هو لما الواحد يشترى قطعة غيار صينى لعربيتة الصينى... يبقى كدة اشترى قطعة الغيار الاصلية ولا اشترى قطعة مضروبة؟؟؟؟؟؟

mmamdouh

لبقي اشتري الاصلي

لبقي المضروب بالنسبه لينا اصلي بالنسبه ليهم

[mhi00002000]

لب المشكلة ان السياسة التصنيعية للصين في صناعة الولاعة والفانوس والموبايل طبقتها علي العربيات طب الولاعة بخلص نرميها والفانوس بنجيب غيرو كل سنة العربية بقي اللي الواحد فينا بيدفع دم قلبو فيها نعمل فيها اية??????????

[mahmoudysf]

يا جماعة انا شوفت الموضوع ده من بدري ومش عايز اعلق
بس هقول حاجة بسيطة العربيات هي وسيلة وليست غاية
وكمان احنا مش مساهمين في اي شركة سواء كوري ولا صيني عشان العصبية دي
وكل واحد جاب عربية ومقتنع بيها ربنا يباركلو فيها
بس اهم حاجة عايز ااقولها ان ده منتدى سيارات ولازم المعلومات عن اي عربية تكون دقيقة عشان نفيد اي حد اتكعبل في المنتدى بالصدفه وعايز معلومات صحيحة بدون تحيز بالمنظر ده مش هيطلع بمعلومة
بس انا ليا ملاحظة كون ان حد يقارن عربية صيني بلانوس ولا نوبيرا موديل 97 دي شهادة في حد ذاتها للدايو
انا معايا نوبيرا 97 وصديقي معاه 516 باعترافه هو خامات عربيتي افضل بكتير .
بلاش حكاية الخامات كنا راكبين معاه 3 في العربية في عز الحر ومشغل التكييف قال انا هطر ااقفل التكيف العربية مش عايزة تسحب
الكلام ده معايا في النوبيرا مفيش ما شاء الله
خلاصة الكلام الصيني حلو على اد فلوسه على اد اوبشنه على اد اداءه
لكن ما ينفعش نقارنة بعربيات اثبتت نفسها الا لما يتحط في نفس الظروف

[blazer]

انا راى هقوله بكل موضوعيه لما انى راكب نوبيرا و مع انى قبل ما اشترى العربيه دى كنت كارها والله و رافض اجبها
بس بعد ما ركبتها غيرت راى 190 درجة
ثباات
و سع رهيب و راحه
ماتور قوى و بيستحمل
اوبشنز عادية بس معقوله يعنى العربيه فيها تكيف و باور و زجاج كهربائى و كمان فوجات و جنوط و مرايات كهربا قد تكون الامكانيات دى مش موجوده فى عربيات بتنزل 2014

ولكن فى المقابل لا يمكن انكار ان فيه عربيات صينى محترمه
واحد صاحبى معاه عربيه great wall 7 راكب
عامل بيها اكتر من 200 الف كيلو و العربيه حالتها معقوله جدا " نظرا لان استخدامه سىء للغايه و شبه مبيعملش اى صيانه دوريه للعربيه ولا حتى تغير الفلاتر "
فيه عربيات صينى محترمه و اعتقد كمان ال byd f3 عربيه محترمه و اثبتت نفسها
و الصين اكيد عرفه انها لازم عشان تعرف تنافس تنتج عربيات بجوده كويسه عشان الى اشتراها يكرر و يشترى تانى بعكس كثير من منتاجتها التانيه الى مبتهتمش بلكوالتى بتاعها

[كريم kok]

لبقي اشتري الاصلي

لبقي المضروب بالنسبه لينا اصلي بالنسبه ليهم

بووووووووووووووووهاااااااااهاااااااااااا حلوه

[Badrawy]

يا جماعة انا شايف ان الموضوع عقيم شويه اولا الصيني مع احترامي لسه بدري على ما تثبت في السوق ومعلش الواحد لما يركب دايو او ماركة معروفه غير لما يركب جيلي او اسبرانزا يعنى انا حبيع النوبيرا واشتري نيسان مستعمله ب 85 الف ومش حشتري جيلي ايمجراند زيرو مع ان الايمجراند عاجبني شكلها بس لا ريسيل ولا حد لسه عارفلها + انها مش ماركة مش حتقارنها بالنيسان ... عموما الكوري كان كده زمان ومع الوقت اثبت جدارته والصيني جاي برضو بس لسه كام سنه كمان علشان منضحكش على بعض

[Badrawy]

خدعوك فقالو الصيني في abs ebd air bag

اصلا انا اخاف اشتري عربية صيني فيها الامكانيات دي لانها ممكن تبوظ وانا سايق وتعمل مصيبه :D

[ضى القمر]

اللانوس يكسب اكيد يكفى انك لما تجيب قطعة غيار اوا حاجة بتقولها لصاحب المحل متجبليش صينى

[mazen.com]

هنروح بعيد ليه انا ليه واحد صاحبى راكب عربيه بريلنايس برغم ان انا ليه خبره فى العربيات الا انى اول ما شفتها انبهرة بيها وقلت دى اكيد النوع ده جامد شكلها خرافه باملعنى وبعد كده عرفت انها صينى المهم بعد 6 شهور بصبص على العربيه بحسبها فيات 128 بس مشدوده شويه المهم الكشافات لونها بقى اسود وبقى شكلها يقرف ده حتى لو سوء استخدام متبقاش كده ده سوء خامات راح الحرفين يجبلها كشافات ملقاش المهم ملقاش اى قطع غيار ليها واتصل وجابها من الصين باضعاف سعرها الشهاده لله بشوف لانوس 1 ماشيه فى الشارع عرووووسه ده حتى لو كان معمول ليها عمره فهو لقى قطع غياره مش عملها فى الصين ده رايى وشكرا للاطاله

[M I D O]

معا كل الاحترام لملاك الدايو بس اول مرة الاقي حد بيقارن بين الانوس موديل 2000 و الامجراند او الانفي موديل 2013 وبيقول عليها احسن منهم .. انا هقارن بين الامجراند و الانوس ونشوف
خلينا موضوعيين ..
ثبات . الامجراند
وسائل امان . الامجراند
فرامل . الامجراند
خامات . الامجراند
اوبشن . الامجراند
وكيل . الامجراند
اعادة بيع . الانوس عشان بس الامجراند لسة منتشرتش زي الانوس
قطع غيار . الانوس لنفس السبب
سحب . الامجراند
محرك . الامجراند
شكل . الامجراند
فين المقارنة الي بتتكلمو عليها
في المجمل ربنا يبارك لكل واحد في عربيتة وياريت ننسي عقدة الصيني ونشوف العالم بقي بيتعامل ازاي ونحاول نواكب التطور ومش معني ان العربية سعرها مش عالي مقارنة بالعربيات الكوري انها سيئة لا الفكرة ان التوكيلات كلهم جشعين والحاجة الي بتبيع بيضربو تمنها في السما يعني في نظري الانوس مثلا مينفعش باي شكل من الاشكال تعدي 60 الف و بتتباع ب 72 برضو الامجراند حاليا بتنتشر شوية هتلاقوها بقت ب 100 الف ودة الطبيعي في مصر . ياريت منبصش للسعر ونبص للمقابل الي بناخدة بالفلوس الي بندفعها

[Ahmed.Essam]

ربنا يبارك لكل واحد في عربيته

بس الكوري عموما افضل واجود شوية من الصيني وده مش عيب في الصيني

لكن لان العربيات الصيني مابقالهاش كتير ومتحطتش في نفس الظروف اللي اتحطت فيها الكوري ومينفعش نقول انها اقل بكتير من الكوري

غير كده كمان الكوري بقاله كتير بيتصنع وواخد تكنولوجيا وخبرة في التصنيع كبيرة جدا اللي تفوق الصيني اللي لسه في بداياته وممكن قدام شوية ان شاء الله الصيني يكون افضل من دلوقتي ويقدر يتحط في مقارنة جادة وعادلة مع الكوري وبكل جرأة لكن مش هينفع المقارنة دي تبقى دلوقتي خالص

وبما ان حضراتكوا اتكلمتوا عن الدايو خصوصا فرأيي انها اكيد اثبتت جدارتها بكل قوة كفاية انها بقالها 15 سنة ما شاءالله بنفس حالتها وبتتظبط كمان وبتعدي قدامنا ونلف راسنا عشان نشوفها ونقول بسم الله ما شاء الله

[ashrafmahmoud93]

ياجماعه ناس طلعت القمر مش هتعرف تصنع عربية الفيصل هوا الجودة وطبعا متقارنوش الموبايل الصينى المتقلد تحت بير السلم بعربية لها اسم مستقل ومصانع واستثمارات بالملايين فكروا شويه لانوس ايه بس اما بركبها بالصالون بتاعها دا بحس انى مضايق حاجة ع قدها اوى يعنى فبلاش كلام كتير وكل واحد مقنع بعربيتة وخلاص