ياريت حل لموضوع السخونة ده

[profshady]

يا جماعة العربية معايا لما بتسخن او بمعني اصح لما المؤشر بتاع الحرارة بيوصل للمستوي الطبيعي اللي هوة تحت النص بشوية اداء العربية بيختلف وبحس العربية سخنة جداااااااااااا والعربية بتبتدي تسقف مني اول ما مؤشر الحرارة بيوصل للمستوي اللي قولت عليه ... لكن مع العلم وهية لسه باردة لو لما اكون لسه طالع بيها يعني قبل ما المؤشر يوصل لمستوي السخونة الطبيعي بتبقي العربية زي الفل ومفيش تسقيف خااااااالص ... فياريت يا اهل الخبرة حل للموضوع ده لأنه مضايقني جدا وبالذات في التسقيفة لما بتسخن
ملحوظة ::: انا عملت سكان بالكمبيوتر علي العربية ولقيت درجة الحرارة لما تكون سخنة بين 92 و 94
ايه الحل وايه التجارب اللي ممكن اعملها علشان اثبت شيء مشكوك فيه ؟؟؟؟

[kantofanto]

أولا ياباشا روح نضف الرادياتير و اكشف عليه ممكن يكون بيسرب او محتاج تغيره او محتاج تنضيف .
ثانياً : راجع دورة التبريد من خراطيم و قرابة المياه مع الميكانيكى .
ثالثاً: راجع المروحة و الترومستات عند الكهربائى .
رابعاً: لو عندك تكيف يفضل تروح تنضف السربنتينة ضرورى جداً.
كل دى اجتهادات و الله اعلم ان بس بلفت نظرك ليها و كل سنة و حضرتك طيب و عيد سعيد.

[waley]

انت متأكد ان حساس الحرارة بيقرأصح؟

[tarek_2005]

عيب حساس حرارة

[profshady]

يا باشا هوة لو حساس حرارة مش المفروض يظهر في الاسكان بالكمبيوتر او يجيبلي ايرور

[MMamdouh]

الحساس بيدى ايرور لو قاطع... انما لو بيدى قراية غلط هو بالنسبة للكونترول شغال

MMamdouh

[zendo]

المؤشر عندك فى الوضع الطبيعى بتاعة ولا النص لا فوق النص ويرجع تانى يبقى عيب فى صباع الحرارة انا لو هى العربية بتسخن والمؤشر يويفضل ثابت على كده يبقى فيه عيب من التلاتة الكوعة او حساس الحرارة او المراوح وممكن الريداتير محتاج يتنضف انما لو كل دول تمام يبقى اكيد وش سلندر فيه مشكلة وخاصتا ان العربية بتسقف مع السخونة

[profshady]

اولا انا بشكركم علي المشاركة معايا في مشكلتي .. ثانيا انا شايل الكوعة خالص علي فكرة وبالنسبة للمراوح شغالة تمام لأن الكهربائي شيك عليها وقالي تمام شغالة كويس ... يبقي كده الشكوك ممكن تبقي في الريداتير او وش السلندر زي ما بتقول بس مش عارف انا ليه مستبعد موضوع الحساسات ده لأني عملت سكان ومفيش اي ايرور ظهرلي ...
ملحوظة : انا فيه واحد قاللي ممكن يبقي غطا القربة ليه سبب هل صح الكلام ده ولا غلط ؟؟؟؟

[profshady]

مع العلم اني كل اسبوع كده او 5 ايام بزود مية في القربة لأني بلا قيها نقصت عن اللي كنت حاطه في المرة اللي قبلها

[a_mohamedsamir]

أول حاجه لازم تركب ثرموستات الكوعه لأنها حتفرق معاك كثير جداً

تانى حاجه تعمل كبس لدورة التبريد ولو فو اى تسريب تعالجه

[ضى القمر]

متابع

[profshady]

أول حاجه لازم تركب ثرموستات الكوعه لأنها حتفرق معاك كثير جداً

تانى حاجه تعمل كبس لدورة التبريد ولو فو اى تسريب تعالجه

ترموستات الكوعة هتفرق في ايه يا كبيير ؟؟؟.. مع ان ناس كتيييير بتقولي كويس علشان الجو بتاعنا حر

[zendo]

ترموستات الكوعة هتفرق في ايه يا كبيير ؟؟؟.. مع ان ناس كتيييير بتقولي كويس علشان الجو بتاعنا حر

ترموستات الكوعة من حيث هتفرق فهيفرق كتير لانك كده ببساطة بتدمر الموتور بالبطيىء لانة بيفضل شغال بدرجة حرارة مش بتاعتة الموتور ليه درجة حرارة مثلى لازم يشتغل عليها انت كده معرض لجوان وش يقفع ويضرب كتير واستهلاك بنزين عالى لان الموتور شغال على درجة حرارة اقل من معدلة فاكيد هيحصل خلل وسيبك من درجة حرارة الجو ملهاش دعوة بحرارة الموتور واحنا مش هنفهم اكتر من الصانع بتاعها

[tuttoo]

السلام عليكم.. انا قريت مشكلتك كو يس وكذلك اقتراحات الاعضاء لحل المشكلة.. من الاخرهما حاجتين 1 الكركرة ( التسقيف ) ام شمعه البوجيهات مفتوحة شوية عايزة تتقفل سنة ( ورقة فلر 60 )...2 او جوان وش السلندر عايز يتغير ب جوان دبل حجم اسمة (اوفر سايز) بيتعمل عمولة بعد الكشف والاطمءنان ع الوش نفسة انة مش معوج(مش مقفع) بعديها ان شاء اللة التسقيف هيروح...اما بقا موضوع الترموستات دة حاجة ملهاش اي لازمة خالص لانها لاتناسب اجواء الحرارة الشديدة بتاعتنا...

[MMamdouh]

ترموستات الكوعة هتفرق في ايه يا كبيير ؟؟؟.. مع ان ناس كتيييير بتقولي كويس علشان الجو بتاعنا حر

مع احترامى الشديد... الناس دى مبتفهمش اى حاجة

MMamdouh