ياريت حل لموضوع السخونة ده

[eng_amg]

للاسف الشديد. الي حضرتك بتقوله ده اعراض تسريب في وش السلندر.
بنسبة 90% تسريب في وش السلندر ومحتاج يتفك ويتكشف عليه.

تعرف ازاي؟؟؟

حضرتك دور الصبح وشيل غطاء الريداتير او غطاء القربة (لو الريداتير ملوش غطاء)
تابع المياه في الريداتير او القربة
لو لقيت فقاقيع هواء بسيطة خارجة من المياه. يبقي في تسريب في الوش
ولو شوفت تعريق مياه من الشكمان ايضا زيادة عن الطبيعي يبقي تسريب في الوش

في الحالة دي: لاما حيتغير الجوان بجوان اخر اكثر سمكا.
لاما حيروح لخراط يساويه.

وانصحك في هذه الحالة تجيب وش استيراد بدل متروح تعمله عند خراط ويركب بجوان الفابريقة ويبقي الموتور لسه بحالته.

[mr_sese]

متابع

[profshady]

طيب سؤال اخير يا استاذ ممدوح وباقي الاعضاء المشاركين ... هية امتي المراوح بتاعت الريداتير بتشتغل علي السرعة العالية اللي هية السرعة اللي لما اشيل فيها الفيشة ؟؟؟؟
علشان اتأكد هل الموضوع في حساس الحرارة او صباع الحرارة زي ما بيقولوا ولا لأ
يعني هل السرعة العالية بتاعت المراوح ده بتشتغل مع التكيف بس ولا ممكن لما الموتور يسخن تشتغل علي السرعة العالية ده اللي قصدي عليها لما تشيل الفيشة ؟؟؟؟؟
علشان انا عملت تشيك دلوقتي لقيت ان المراوح عمرها ما بتشتغل علي السرعة العالية ده وشغلت التكييف وبردو ما سرعتش ... مش عارف والله

[MMamdouh]

المراوح بتشتغل على السرعة العالية لما حرارة مية التبريد توصل 98 درجة

MMamdouh

[profshady]

علي فكرة انا غيرت حساس الحرارة انهاردة اللي هوة بيركب فيه الفيش بتاعت مراوح الريداتير وحاسس انه نفس الاداء ... يا تري فاضل ايه تاني ممكن اغيره او اشوفه علشان احصر مشكلتي يا جماعة

[tuttoo]

حل وش السلندر واعمل اللازم....

[عمرولبيب]

نضف الريدايتير هيبقى مسدود كلها بـ 50 جنيه وخلاص وغير الميه

[profshady]

انا عايز حد يقولي نقط امشي عليها يا جماعة ... يعني مثلا واحد خبرة يقولي اسباب التسقيف في العربية واحد اتنين تلاتة اربعة وهكذا وانا همشي علي النقط ده كلها واحدة واحدة مع مراعاة ان النقطة الصعبة تخليها اخر حاجة او تبقي اخر محاولة احاولها لما تقفل معايا خالص واكون خلصت كل اللي المفروض يتعمل ... ياريت الرد السريع من الخبراااااء

[profshady]

علي فكرة يا جماعة انا غيرت زيت امبارح وزودت زيت البور وزيت فتيس ... والتسقيفة اختفت مش فاهم حاجة انا يا جدعان هوة الزيت ممكن يكون سبب في التسقيفة ده ولا ايه ؟؟؟؟؟؟؟؟؟؟

[shur3000]

انا كنت بستخدم موبيل وكان عندى تسقيف وهنا اول ما غيرت لشيل معنتش بيمع حاجة

[zendo]

اسباب التسقيف
- بنزين 80
- كهربا مش مظبوطة راجع على طقم الكهرباء فى العربية
- الفتيس بيهيس وبينقل على نفلات اعلى
- سخونة فى الموتور واتباعها من حساسات او ريداتير وغالبا وش سلندر يخلى العربية تسخن وتسقف وممكن نقص زيتالموتور برضة

[tuttoo]

اللي ميعرفش يقول عدس

[zendo]

اللي ميعرفش يقول عدس

مش فاهم وجهة نظرك دى تريقة مثلا

[lutenit030]

هو مفيش احتمال ان الدنا تبقي طبيعيه عنده؟ ليه كلكم متاكدين ان هو عنده مشكله و لازم ليها حل مش يمكن هو بيتهياله انها بتسخن و الدنيا كده طبيعي

و بعدين لو الوش مقفع اكيد الميه حتنقص معاه مش كده؟

[profshady]

هو مفيش احتمال ان الدنا تبقي طبيعيه عنده؟ ليه كلكم متاكدين ان هو عنده مشكله و لازم ليها حل مش يمكن هو بيتهياله انها بتسخن و الدنيا كده طبيعي

و بعدين لو الوش مقفع اكيد الميه حتنقص معاه مش كده؟

صح يا باشا والمية ما بتنقصش فعلا ... يبقي ايه سر التسقيفة ده بقي ؟؟؟؟؟؟