مالوش لازمه (2) فلتر بنزين بلدي

[أمجد هووز]

في عضو هنا عنده لانوس وكان بيتكلم عن انه البنزين فيه رواسب كتيره
و كان اقتراحه اللي بيسأل ينفع ولا لا انه عايز يركب فلتر بنزين اضافي جنب الفلتر الاساسي !!!
واخره الحوارات ما طلعش بعقاد نافع .. حتي اساتذه الدايو هنا ما قالوش رايهم ينفع ولا لا

انا قعدت افكر في الحوار ده وجت لي فكره ها اعرضها علي حضراتكم وتقولوا لي رايكم
ممكن الواحد يعمل جراب علي هيئه كيس معمول من قماش من الاقمشه او اللباد اللي بيستخدم
في ترشيح السوائل ويعمل له دكه ولما الواحد يروح يمون يطلع الكيس يديه للعامل يدخل فيهانبوبه
ضخ البنزين وبعد العامل ما يخلص يديك الكيس
ويبقي كل واحد حاطط في عربيته كيس مرشح البنزين او الفلتر البلدي
الفكره يمكن تبان انها كوميديه شويه بس فكروا فيها بامعان
مستني اراءكم

[waga]

مادام البنزين في مصر مش نظيف وخاصة عند بعض البنزينات الله ينتقم منهم
بعد ما الاسبوع ده اشتريت طقم رشاشات ولقيت انو القديمة انتهت خلاص لعربيتي النوبيرا 98
جاتني فكرة اني بزود فلتر ثاني يتاع بنزين جنب الاولاني عشان التنقية تبقى مضاعفة بس سؤالي لخبراء الدايو هل الفكرة دي ممكن تنجح؟؟ وهل الفلترين يمكن يقللو من ضغظ البنزين للرشاشات ولا لاء؟؟؟؟

ده الموضوع اللي حضرتك تقصده ؟؟؟؟

يلا بقي اعملوا جمعيه مع بعض واقبضوها بالنص ههههههههه

[mero100]

في عضو هنا عنده لانوس وكان بيتكلم عن انه البنزين فيه رواسب كتيره
و كان اقتراحه اللي بيسأل ينفع ولا لا انه عايز يركب فلتر بنزين اضافي جنب الفلتر الاساسي !!!
واخره الحوارات ما طلعش بعقاد نافع .. حتي اساتذه الدايو هنا ما قالوش رايهم ينفع ولا لا

انا قعدت افكر في الحوار ده وجت لي فكره ها اعرضها علي حضراتكم وتقولوا لي رايكم
ممكن الواحد يعمل جراب علي هيئه كيس معمول من قماش من الاقمشه او اللباد اللي بيستخدم
في ترشيح السوائل ويعمل له دكه ولما الواحد يروح يمون يطلع الكيس يديه للعامل يدخل فيهانبوبه
ضخ البنزين وبعد العامل ما يخلص يديك الكيس
ويبقي كل واحد حاطط في عربيته كيس مرشح البنزين او الفلتر البلدي
الفكره يمكن تبان انها كوميديه شويه بس فكروا فيها بامعان
مستني اراءكم

فكره حضرتك منطقيه .

لكن من ناحيه التطبيق العملي مش حتنفع لأن زور تنك البنزين ضيق ..و مش حيسمح بدخول اي شيء مع مسدس ضخ البنزين .

[aw2100]

فلتر تانى ارحم ومش حيعملك مشكله !!!

[tarek_2005]

قوة دفع البنزين من المسدس هتعدي الرواسب لان الضغط هيوسع مسام الكيس القماش
ثانياً مسؤل الامن والسلامة بالمحطة هيرفض هذا الاجراء لانه خطر علي امن المحطة خشية حدوس feedbak ويغرق الارض

فكرة الفلترين جيدة مع مراعات ترك زمن مناسب عند بداية تشغير المحرك بين فتح الكونتاكت والاستارت انجن

[ahmedfouad]

كلام منطقى لو انت اللى بتنزل تفول بنفسك
وبعدين اعتقد انك كل شوية هتكون محتاج تستنى شوية وانت بتفول
علشان الفلتر هيعوق تدفق البنزين ولو استمريت هتبهدل الدنيا
اخيرا الزور بيبقى فيه فلتر (مصفاة سلك)

[Mecha]

في عضو هنا عنده لانوس وكان بيتكلم عن انه البنزين فيه رواسب كتيره
و كان اقتراحه اللي بيسأل ينفع ولا لا انه عايز يركب فلتر بنزين اضافي جنب الفلتر الاساسي !!!
واخره الحوارات ما طلعش بعقاد نافع .. حتي اساتذه الدايو هنا ما قالوش رايهم ينفع ولا لا

انا قعدت افكر في الحوار ده وجت لي فكره ها اعرضها علي حضراتكم وتقولوا لي رايكم
ممكن الواحد يعمل جراب علي هيئه كيس معمول من قماش من الاقمشه او اللباد اللي بيستخدم
في ترشيح السوائل ويعمل له دكه ولما الواحد يروح يمون يطلع الكيس يديه للعامل يدخل فيهانبوبه
ضخ البنزين وبعد العامل ما يخلص يديك الكيس
ويبقي كل واحد حاطط في عربيته كيس مرشح البنزين او الفلتر البلدي
الفكره يمكن تبان انها كوميديه شويه بس فكروا فيها بامعان
مستني اراءكم

they used to this to clean oil in old days
but if do it with fuel gun , all fuel will splash on the ground

the problem with petrol it has very small dirt running in

what I was thinking , to fit low pressure filter on the return to tank

I am working on independent filtering system for petrol and diesel
struggling to get reliable electronic components

[MMamdouh]

حتي اساتذه الدايو هنا ما قالوش رايهم ينفع ولا لا

الموضوع مش محتاج اساتذه... الزملاء قالوا ان تركيب فلتر تانى مش هيفيد لان معامل الترشيح للفلترين واحد فا مفيش حاجة هتعدى من الفلتر الاول هيقدر الفلتر التانى يحوشها

MMamdouh

[أمجد هووز]

ده الموضوع اللي حضرتك تقصده ؟؟؟؟
يلا بقي اعملوا جمعيه مع بعض واقبضوها بالنص ههههههههه

لقيته فين انا دورت عليه الف شكر بس انا هاقبض الجمعيه الاول ههههههه

[أمجد هووز]

فكره حضرتك منطقيه .
لكن من ناحيه التطبيق العملي مش حتنفع لأن زور تنك البنزين ضيق ..و مش حيسمح بدخول اي شيء مع مسدس ضخ البنزين .

شكرا لتشجيعك انه تفكيري منطقي..... واهه بدايه الاختراع فكره مجنونه

[أمجد هووز]

فلتر تانى ارحم ومش حيعملك مشكله !!!

فلتر تاني يبقي حضرتك تروح مع العضو بتاع الفلترين ههههه شكرا لمداخلتك

[أمجد هووز]

قوة دفع البنزين من المسدس هتعدي الرواسب لان الضغط هيوسع مسام الكيس القماش
ثانياً مسؤل الامن والسلامة بالمحطة هيرفض هذا الاجراء لانه خطر علي امن المحطة خشية حدوس feedbak ويغرق الارض
فكرة الفلترين جيدة مع مراعات ترك زمن مناسب عند بداية تشغير المحرك بين فتح الكونتاكت والاستارت انجن

الباشا الكبير الاستاذ طارق بنفسه مشرفني هنا ..ده شرف كبير والله يا استاذ طارق
انا عارف انه مرورك علي المنتدي اليومين دول قليل فالف شكر ليك
والله لو اعرف انه حضرتك ها تشرفني كنت عملت عشر مواضيع من زمان
متشكر جدا... وكلامك مبني علي نظريات مدروسه

[أمجد هووز]

كلام منطقى لو انت اللى بتنزل تفول بنفسك
وبعدين اعتقد انك كل شوية هتكون محتاج تستنى شوية وانت بتفول
علشان الفلتر هيعوق تدفق البنزين ولو استمريت هتبهدل الدنيا
اخيرا الزور بيبقى فيه فلتر (مصفاة سلك)

حضرتك متاكد انه الزور في مصفاه ؟؟؟؟ انا اول مره اعرف المعلومه دي
طب ده يبقي حاجه مفيده لو البنزين فيه دبانه او حشره
شكرا لمشاركتك

[أمجد هووز]

they used to this to clean oil in old days
but if do it with fuel gun , all fuel will splash on the ground
the problem with petrol it has very small dirt running in
what I was thinking , to fit low pressure filter on the return to tank
I am working on independent filtering system for petrol and diesel
struggling to get reliable electronic components

first you are welcome and i can accept your theory because it have scientific basics
can i tell some thing can we use ancient times
thank you

[mero100]

فيه معلومه قالهالي عامل في محطه .. ان طرمبه البنزين بتعدي البنزين علي فلتر كبير داخل الطرمبه قبل ضخه لتانك السياره .

ياريت حد يأكد صحه أو خطأ المعلومه و شكرا .