مالوش لازمه (2) فلتر بنزين بلدي

[أمجد هووز]

فكرة الفلترين جيدة مع مراعات ترك زمن مناسب عند بداية تشغير المحرك بين فتح الكونتاكت والاستارت انجن

الموضوع مش محتاج اساتذه... الزملاء قالوا ان تركيب فلتر تانى مش هيفيد لان معامل الترشيح للفلترين واحد فا مفيش حاجة هتعدى من الفلتر الاول هيقدر الفلتر التانى يحوشها
MMamdouh

[waga]

فيه معلومه قالهالي عامل في محطه .. ان طرمبه البنزين بتعدي البنزين علي فلتر كبير داخل الطرمبه قبل ضخه لتانك السياره .
ياريت حد يأكد صحه أو خطأ المعلومه و شكرا .

مافتكرش حضرتك لانه جنب سكني في بنزينه التعاون كانو بيركبوا الطرمبات القديمه من اول وجديد في اطار تجيد المحطه وكانت الطرمبات عباره عن موتور لضخ البنزين وماكينه العدادات وشكل الطرمبه ما يدلش ابدا انه فيه جواها فلتر

[mohfud]

فكرة ممتازة قابلة للدراسة

[agaty1st]

- كثافة البنزين بوجه عام لا تمكنه من حمل الشوائب كالسولار
- البنزين في مصر تحديدا مش مليان شوائب، الشوائب بتكون بسبب عدم تطبيق أجراءات رقابة الجوده وهي:
ترك سيارة المنتج ساكنه لمدة 30 دقيقه قبل تفريغها (settling time)
أخذ عينه من قاع التانك اكثر من مره لتصفية الشوائب (Sump drain)
تغيير خراطيش مرشحات المحطه في أوقاتها (filtration)
تنظيف صهاريج التخزين بالمحطه (Tank cleaning)

طبعا الاجراءات دي عشان تتعمل لازم المحطه تخرج من الخدمه لحين الانتهاء منها فضلا عن تكلفتها الاصليه ومن منطلق (عض قلبي ولا تعض رغيفي أصل رغيفي عليا ضعيفي) و ايضا ضعف هامش الربح في البنزين مش بيخلي حد يعمل كده

و أخيرا و ليس أخرا فلترين من نفس المرحله لا جدوى منهم و أجراء افتكاسي غبر متبع في تداول المنتجات البتروليه

لكن لو مصمم هاقولك تعمل ايه بس أدعيلي
1- تجيب فلتر سلكي (strainer 100 mesh)




2- تغلفه ب Teflon screen وتحطها في التانك و تفول و هاتستوعب معدل التدفق الخارج من مسدس التموين

و بكده تبقى عملت فلتر سلكي لفصل الشوائب و تفلون لفصل المياه بالأضافه إلي الفلتر الورقي الأصلي يعني عندك فلتر 3 مراحل

[agaty1st]