تلميع السيارة

[dr wael ghanem]

من فضل حضراتكم كنت عاوز المع السياره وسالت قالولى 150جنيه ؟
كنت عاوز اعرف ازاى اعملها بنفسى لو ممكن وايه الخامات المطلوبه واسعارها وكمان طريقة التليمع واكون شاكر لو كان فيه فيديو يوضح الطريقة وشاكر لحضراتكم
:_Alshmokh22[1

[tarek_2005]

هتحتاج تشتري عدة غالية شوية لو هتكرر العملية نقولك العدة والمواد ايه واسعارها كمان اما لو مرة واحدة احسنلك تروح تعملها في اي كار كير

[swimmer25]

فيه طريقين للتلميع يرجع لإحتياجاتك
1- بوليش وده بيتعمل في ورشة دوكو أو كار كير لأنه بيتعمل بمكنة بوليش أفضل وده في حالة إن عندك خدوش وعايز العربية تلمع في نفس الوقت
2- تشميع وده بيتعمل لو عاوز لمعة وحماية لدهان العربية فقط وده ممكن يتعمل بنفس مكنة البولش أو بالإيد ومنه منتجات Armor all extreme shield wax
Armor all butter smooth wax
أو 3M Synthetic wax protection
وبتحتاج عشان تعملهم بإيدك فوطتين مايكرو فايبر واحدة توزع بيها وواحده تلمع بيها في الأخر وتفنش والعربية هتبقى بتبرق وهيقعد فترة على العربية بس تغسلها بردو بنفسك بمنتج Armor All Wash and wax

[Haitham Gamal]

يعني ياجماعه انا عندي شوية خدوش بسيطة جدا في السيارة زي مايكون حد جابهالي بسمسار كدة من اولها لاخرها بس الحمد لله عمق الخدوش دي مش كبير ولا حاجة
ياتري فية امكانية انها تتلمع وتروح
ولا دة بيكون بشكل مؤقت
وايه هي الطريقة الصح او اوةديها لمين واقولة اية ؟
شكراااا

[hon]

حضرتك شوف الموضوع دا

http://www.nilemotors.net/Nile/77522-a.html

[Haitham Gamal]

حضرتك شوف الموضوع دا
http://www.nilemotors.net/nile/77522-a.html

شكرا ياباشا
موضوع جميل فعلا وان شاء الله هجربة

[msobhy]

هتحتاج تشتري عدة غالية شوية لو هتكرر العملية نقولك العدة والمواد ايه واسعارها كمان اما لو مرة واحدة احسنلك تروح تعملها في اي كار كير

طارق باشا حبيبى - ازيك
مش عارف اصلا اذا كنت فاكرنى ولا لأ
طيب انا بفكر أجيب عدة تلميع
ممكن تقولى بالتفصيل اجيب ايه ومنين وبكام

[hon]

شكرا ياباشا
موضوع جميل فعلا وان شاء الله هجربة

تحت أمرك فى اى استفسار تحياتى