طريقة تركيب iPad mini في تابلوه لانوس

[W.eltayeb]

السلام عليكم ورحمة الله وبركاته

شباب الموضوع دا راشق في دماغي وعايز اعمله، بس طبعا محتاج مساعدة الخبراء هنا زي استاذنا مصطفي حسن

بإختصار انا عايز انزل وحدة التكييف دي تحت شوية وأركب فوقها الايباد، ومش عايز اركب الايباد تحت مكان الكاسيت علشان هيبقي واطي خالص وكمان شكله مش هيبقي حلو.

بالصدفه وانا بدور لقيت واحد عارض عربيته للبيع وعامل الحركه دي بس هو مش حاطت ايباد والصورة اهيه

http://www.imageupload.co.uk/images/2015/03/11/image0bca3.jpg

ودا شكل الايباد وهو تحت مكان الكاسيت اللي مش عاجبني هههههههه

http://www.imageupload.co.uk/images/2015/03/11/image7ec90.jpg

دلوقتي علشان يتم إنجاز هذا الاختراع ايه اللي ممكن اقدر اعمله ؟؟ وانا ساكن في الاقصر فهنا لا اعتقد الاقي حد يفكر معايا بره الصندوق ههههههههه كله معشش في الصندوق

مستني ابداعاتكم ومحدش يتريق ويقول ايباد في عربيه زي لانوس كمنها عربيه غلبانه يعني .
انا عجباني الفكرة واللي مش عجباه ياريت يريحنا وميردش

[W.eltayeb]

شكلكم نايمين هوه هوووه ههههههههه ، يلا تصبحوا علي خير وبكره نشوف القصه دي إن شاء الله :)

[مصطفى-حسن]

عادى جدا

[مصطفى-حسن]

الاول هتحتاج انك تجرب فك وتركيب المجموعة دى والفيديو دة اللى انا عاملة هيشرح لك بس انت مش لازم تتطبق كل اللى فية اتفرج بس لحد الدقيقة 4.27 وبعد ما تبقى اللوحة حرة معاك جرب تنزلها وتطلعها بحرص وشوف الى اى مدى ممكن توصل

ومتابع معاك

الفكرة لذيذة

https://www.youtube.com/watch?v=AiaOHNniMCQ

[أبومازن333]

متابع

[lutenit030]

طيب و ايه الهدف من الايباد اساسا؟؟ متجيب كلسيت dvd بيونير محترم ببلوتوث و نافيجيشن دبل دن
و ممكن تحاول ساعتها تركبه فوق لوحه التكييف مش تحتها

[ha elshorbagy]

طيب و ايه الهدف من الايباد اساسا؟؟ متجيب كلسيت dvd بيونير محترم ببلوتوث و نافيجيشن دبل دن
و ممكن تحاول ساعتها تركبه فوق لوحه التكييف مش تحتها

كلامك صح بس الايباد ممكن يشغل فليم ولا حاجة يسلي وقتو ^ـــ^
بس يمكن فى دماغة يركب كاميرة خلفية وهل ينفع ؟؟؟؟ وهل ينفع ؟؟؟

[W.eltayeb]

عادى جدا

الاول هتحتاج انك تجرب فك وتركيب المجموعة دى والفيديو دة اللى انا عاملة هيشرح لك بس انت مش لازم تتطبق كل اللى فية اتفرج بس لحد الدقيقة 4.27 وبعد ما تبقى اللوحة حرة معاك جرب تنزلها وتطلعها بحرص وشوف الى اى مدى ممكن توصل

ومتابع معاك

الفكرة لذيذة

https://www.youtube.com/watch?v=aiaohnnimcq

يسلم مجهودك والله يابطل وجزاك الله خيراً

تمام انا شوفت الفيديو بتاعك الجميل وهنزل افكفك العربيه حته حته إن شاء الله هههههههههه
بس اليومين دول مشغول شويه بس قريب هطبق خطواتك إن شاء الله وابلغك بالجديد :)

حتي ممكن اكمل كل خطواتك علشان شايف في زي تراب في البلاستكايه بتاعة العدادات فممكن افكها بالمره انضفها من جوه ولا ايه رأيك؟

[W.eltayeb]

متابع

منورنا يابومازن

طيب و ايه الهدف من الايباد اساسا؟؟ متجيب كلسيت dvd بيونير محترم ببلوتوث و نافيجيشن دبل دن
و ممكن تحاول ساعتها تركبه فوق لوحه التكييف مش تحتها

والله يا غالي السبب في إختيار الايباد هو انه فيه جميع مميزات كاسيت ال دي في دي دا + مميزات تانيه اكتر بكتير ودا غير ان اخوك مهندس برمجيات وممكن اتسلي عليه واعمله برامج خاصه ممكن تتحكم في حاجات في العربيه زي الكاميرات وخلافه، انا لسه مجربتش حاجه في العربيه ولكن المجال مفتوح جدا مع الايباد إن شاء الله.

غير ان شكله شيك :)

كلامك صح بس الايباد ممكن يشغل فليم ولا حاجة يسلي وقتو ^ـــ^
بس يمكن فى دماغة يركب كاميرة خلفية وهل ينفع ؟؟؟؟ وهل ينفع ؟؟؟

ههههههههههه والله عندك حق هو مسلي بصراحه في كل حاجه، دا انت ممكن تلعب ياراجل لو منتظر حاجه رخمه ولا حاجه
وهنشوف موضوع الكاميرات دا برضوا إن شاء الله

[ahmad--ezzat]

الصورة دي هتنزل علي الفيس قريب جروب اساحبي واتفرق ع التريقه
وهيقلك احنا قادمون ايها اليبانيون :)

شيل ياررراااجل

[W.eltayeb]

الصورة دي هتنزل علي الفيس قريب جروب اساحبي واتفرق ع التريقه
وهيقلك احنا قادمون ايها اليبانيون :)

شيل ياررراااجل

ههههههههههه ياعم ليه كده بس والله اللانوس جميله وحبوبه وامورة يا جماعه وبالتظبيت فيها تبقي زي العسل إن شاء الله، بلاش احباط بقي، وفيها ايه لما ننافس اليبانيون :))

[مصطفى-حسن]

كمل انا متابع الموضوع وفية شوية حاجات هنبهك ليها

اولا iPad mini هيكون حساس اكترمن الحاجات المصممة للعربيات اصلا زى الـ dvd وما شابة


وعشان مطولش عليك الــ iPad mini اللى هتركبة لازم يكون لية فرام مطاطى محترم بينة وبين جسم العربية اوالمكان اللى هيركب فية عشان المطبات

وتهوية حتى لو مروحة صغيرة وراة عشان الايام الحر والعربية بتسخن من جوة ساعة الركنة فى الشمس

واعتقد هتحتاج مروحة ضعيفة جدا عشان متسحبش من البطارية

ولسة هنشوف هتبقى شغالة علطول ولا لما تفتح كونتاك

[W.eltayeb]

كمل انا متابع الموضوع وفية شوية حاجات هنبهك ليها

اولا iPad mini هيكون حساس اكترمن الحاجات المصممة للعربيات اصلا زى الـ dvd وما شابة


وعشان مطولش عليك الــ iPad mini اللى هتركبة لازم يكون لية فرام مطاطى محترم بينة وبين جسم العربية اوالمكان اللى هيركب فية عشان المطبات

وتهوية حتى لو مروحة صغيرة وراة عشان الايام الحر والعربية بتسخن من جوة ساعة الركنة فى الشمس

واعتقد هتحتاج مروحة ضعيفة جدا عشان متسحبش من البطارية

ولسة هنشوف هتبقى شغالة علطول ولا لما تفتح كونتاك

تسلم يا استاذنا الكبير وتمام انا كلها أسبوع عمل كدا وإن شاء الله هبدأ في الفكفكه :))
وبارك الله فيك علي التنبيهات بالفعل هنحتاج فرام مطاطي جميل لأن حجم الايباد مني اصغر من المكان نفسه بشويه وغير كدا علشان الإطار المطاط يحميه بردوا من المطبات العالمية اللي عايشين فيها دي

وبخصوص المروحة للتهويه، انا جربت اترك الايباد في درجات حراره عاليه جدا فلقيته بيفصل اتوماتيك وبيظهر الرساله دي

http://www.imageupload.co.uk/images/2015/03/15/image60956.jpg

يعني إن شاء الله مفيش أضرار عليه وهيرجع يشتغل عادي بعد إعادة الجو الطبيعي له

بس بردوا كلامك صحيح في اننا ممكن نحتاج نخلي الايباد شغال دائماً ٢٤ساعة حتي في حالات الحر الشديد لأَنِّي مجربتش لحد الآن هل هعرف اجيب مكانه من خلال برنامج find my iPhone علي الايفون عندي وهو فاصل من الحر ولا لا، هحاول اجربها ونشوف بردوا إن شاء الله

[W.eltayeb]

السلام عليكم ورحمة الله وبركاته

آخر الأخبار بخصوص الموضوع يا جماعه
أنا فعلاً فكيت التابلوه بفضل الله ثُم أستاذنا الكبير مصطفي حسن
ودا اللي عملته في الموضوع هنا: http://www.nilemotors.net/Nile/462569-a.html

ولكن بصراحه خوفت أفك التوصيلات بتاعة التكييف دي حسيت إني هعك الدنيا
فإكتفيت بتنظيف العدادات بس دلوقتي، لكن إن شاء الله هنزل وآخد حبتين شجاعه كدا وأحاول أفك الوصلات ويارب أعرف أركبهم تاني هههههههههه

هنزل أشوف الدنيا وأرجعلكم بالصور إن شاء الله :)