بنزين نى و فرقعه فى الشكمان

[crazy_it]

انا عندى مشكله فى العربيه لما بدوس بنزين جامد و هى واقفه بتحصل فرقعه فى الشكمان
و كمان كنت عند بتاع الشكمانات قالى فيه بنزين نى بيخرج من الشكمان
و بصراحه العربيه سحبها مش عاجبنى رغم انى مغير رشاشات Bmw و كنت عامل عمره و مغير طقم شنبر
ومغير بوجيهات و كل حاجه سليمه بس مش عارف ايه المشكله
هل المشكله دى فى من الرشاشات؟ ولا ايه ياريت تساعدونى عشان انا زهقت من العربيه دى و مش عارف فين المشكله لان العربيه حاسس انها مكتومه و مش بعرف اشد و اسحب بيها على الطريق السريع بيبقى التسارع بتاعها قليل و لو دوست بنزين الاقى صوتها يعلى و استجابتها ضعيفه

[abouzaid555]

هو مفيش حد يرد على الموضوع ده و لا ايه يا جماعة

[ahmadabdelgalil]

العربية مش مظبوطة كهرباء يعنى الإسبراتير مقدم و محتاجة الميكانيكى يظبطه و الموضوع ده مش بيأخد ربع ساعة

[ahmedsrs]

العربية فيها مشكلة فى الكهرباء معرفش ضبط الكهرباء فى النوس بيتم الزاى على اساس ان فيها كنترول يونت وممكن يكون نوع البنزين لو بتحط 80 جرب تحط 90 وشوف

[samirayad]

أنا حاسس ان المشكلة دى من الرشاشات التى تم تغييرها .......ياريت تقولنا هل تم التأكد من كفاءة الرشاشات قبل التركيب أم لا.........حيث أنة لو فية بنزين نىْ بيكون موجود بالشكمان (زى بتاع العفشة ماقال)......يبقى الرشاشات مش سليمة وبيحدث تسييل بنزين على سطح البساتم عند توقف المحرك(وبالتالى ممكن يعمل الفرقعة فى بداية الدوارة) على أساس الخليط فى لحظات البداية سيكون(supper rich ).....وبالاضافة الى أن السيارة ستكون مخنوقة.....وبالبلدى كدة متكتفة...وبالذات عند لحظات التسارع.....وفى النهاية يمكننا أن ندلل على صحة التحليل الذى وضحتة لحضرتك لو أنك قمت بمراقبة معدل الاستهلاك للبنزين...............أى لو أستهلاك البنزين ملحوظ بأنة مبالغ فية يبقى تحليلى صحيح والعكس بالعكس.......وربنا يوفق

[MMamdouh]

المشكلة ظهرت من امتى بالضبط.... بعد الرشاشات ولا بعد العمرة ولا امتى؟؟

لمبة التشك منورة ولا لا؟؟

MMamdouh

[crazy_it]

المشكله ظهرت بعد تغيير الرشاشات تقريبا حسيت ان العربيه اتخنقت و صوتها بعلى لما ادوس بنزين و مفيش استجابه
انا بحط بنزين 92 و شايل فيشه الاوكتان
الرشاشات انا شوفتها مرتين مره و قبل ماتتركب وكانت المسطره بره و دورت و شوفتها بترش بنزين
و كمان حطيت منظف رشاشات ABRO اول ماركبتها
و شفتها تانى مره و انا بعمل عمره و برضه المسطره بره و دورت و الميكانيكى قالى الرشاشات زى الفل
بس مش عارف هل ممكن تكون الرشاشات دى بتضخ بنزين زياده؟؟ يعنى مش متوافقه مع اللانوس؟؟
رغم انى جبتها من عند بتاع BMW استعمال و لونها لبنى
و ممكن يكون فيه سبب تانى؟ يعنى الكهربا دى بتتظبط ازاى ؟؟ اصل بتاع الشكمان برضه قالى نفس الكلام ان الكهربا مش مظبوطه
بس اللى انا اعرفه ان اللانوس مفيهاش حاجه تتظبط غير فيشه الاوكتان
ممكن يكون ال coil؟ و اعرف منين لو فيه مشكله
معلش انا طولت عليكوا بس بجد العربيه مضايقانى اوى

[crazy_it]

لمبه التشك مش بتنور
و الموضوع ده من قبل العمره و طبعا لما عملت العمره و فى التليين كان سحب العربيه زباله و خدت فتره على مافتحت شويه بس برضه
و الفرقعه مش بتحصل فى بدايه الدواره
العربيه بتدور عادى بس لو دوست بنزين جامد بيحصل الفرقعه دى و صوت صفره فى الموتور كده

[Sherif Khalifa]

طيب حضرتك متئكد انك جبت رشاشات ال 1600 مش ال 2000 Cc

[MMamdouh]

ممكن تكون البوبينة تعبانة و مبتديش شرارة قوية

MMamdouh

[Shiref_mohamed]

حط عربيتك على سكانر وانت هتعرف كل مشاكلها وإن شاء الله تتحل

[aymanhh]

الكاتينة مش مضبوطة
راجع ضبط الكاتينة

[samirayad]

المشكله ظهرت بعد تغيير الرشاشات تقريبا حسيت ان العربيه اتخنقت و صوتها بعلى لما ادوس بنزين و مفيش استجابه
انا بحط بنزين 92 و شايل فيشه الاوكتان
الرشاشات انا شوفتها مرتين مره و قبل ماتتركب وكانت المسطره بره و دورت و شوفتها بترش بنزين
و كمان حطيت منظف رشاشات ABRO اول ماركبتها
و شفتها تانى مره و انا بعمل عمره و برضه المسطره بره و دورت و الميكانيكى قالى الرشاشات زى الفل
بس مش عارف هل ممكن تكون الرشاشات دى بتضخ بنزين زياده؟؟ يعنى مش متوافقه مع اللانوس؟؟
رغم انى جبتها من عند بتاع BMW استعمال و لونها لبنى
و ممكن يكون فيه سبب تانى؟ يعنى الكهربا دى بتتظبط ازاى ؟؟ اصل بتاع الشكمان برضه قالى نفس الكلام ان الكهربا مش مظبوطه
بس اللى انا اعرفه ان اللانوس مفيهاش حاجه تتظبط غير فيشه الاوكتان
ممكن يكون ال coil؟ و اعرف منين لو فيه مشكله
معلش انا طولت عليكوا بس بجد العربيه مضايقانى اوى

لاحظ أن عملية التزرير للرشاش المستعمل ليست هى فقط المقياس فى الحكم على أن الرشاش سليم ولن يوجد منة مشاكل مستقبلا..........حيث أنة لابد من الاطمئنان على كفاءة احكام ابرة الرشاش مع قاعدتها......لأنة لو لم تكن الابرة مطبعة بصورة جيدة على القاعدة داخل الرشاش حينما لايكون هناك ضخ للبنزين.....فى هذة الحالة سيتم حدوث تسييل للبنزين داخل غرف الحريق بدون داعى.....وبالتالى ممكن أن يؤدى ذلك الى كل الأعراض التى سردت فى الموضوع

[crazy_it]

طيب دلوقتى فيه ناس بتقول كذا حاجه
1- الكاتينه
2- الرشاشات
3 البوبينه
طيب انا اعرف المشكله فين بالظبط ازاى بقى؟
احطها على اسكانر؟ ولا فيه اختبارات سهله للحاجات دى
سير الكاتينه لسه مغيره مع العمره
و الميكانيكى كان عملى اختبار للشراره طلع الكابلات من البوجيهات و شاف الشراره قالى كويس ده من قبل العمره برضه
و الرشاشات انا معرفش بقى اختبر كفائتها ازاى؟
و انا روحت للميكانيكى و سمعته اللى بيحصل قالى عادى دى رده الشكمان العربيه طبيعيه
فمش عارف بقى اعمل ايه و ايه الصح

[Sherif Khalifa]

السكانر هيعرفم اذا كان فى مشاكل فى الكهرباء او الرشاشات او اى حاجة تانية