Tweet
انا يا جماعة متابع لكافة الحورات الخاصة بالنوبيرا من قبل ما اشتريها زيرو في شهر 9-2008 ولكني ملاحظ ان كافة شكواي وملاحظاتي علي السيارة تطابقت مع شكاوي مالكي موديل 2008 وبدات اشعر بالقلق وخصوصا اني مش عارف اذا كانت تلك المشاكل والملاحظات ستزول مع مرور الوقت لان السيارة لا زالت جديدة ام انها عيوب بالسيارة وخصوصا في الانتاج الجديد منها مع ملاحظة اني علي وشك عمل صيانة العشرة الاف وعموما ملخص ملاحظاتي وشكواي في الاتي:
1- الاداء ضعيف مقارنة مع ما توقعته من محرك تلك السيارة (اقصي سرعة 185كم علي المحور الساعة الثالثة فجرا والطريق فارغ تماما وبدون تكييف ولوحدي وفي اتجاه القاهرة) مع ملاحظة ان طريق المحور يساعد كثيرا بجودته علي الوصول لسرعات عالية ، ولم تستجيب السيارة لاكثر من ذلك وكان هنالك مثبت سرعة وهذا بالاضافة لشعوري بضعف عزم السيارة وذلك حتي اصل لدوران يبلغ 3500 دورة تقريبا.
2- مرونة العفشة زيادة حبتين لدرجة اني باخاف اخد ملف او اعمل غرزة الا مضطرا جدا (العربية بتروح بطريقة مرعبة) ولكن اسلوب التعليق اللين ده مريح جدا في القيادة العادية مع النقر والحفر ومخالب القط الي مليا الشوارع.
3- صوت المحرك عالي وخشن بصورة غير مطمئنة ومش راضي ينعم زي ما انا متوقع مع الوقت (عامل زي متور فيات قديمة ولسه بيلين) .
4- الفتيس مش سلس في نقلاته وبيعض مع الاول تحديدا (ولكن يختفي العيب ده والسيارة واقفة).
5- اصوات تزييق مستمرة من التابلوه (لم يتم معالجتها في التوكيل كما طلبت قبلا)
واخيرا الحاجة الي مجنناني النقل علي الاول والثاني لازم يكون بحنية وببطئ وإلا السيارة بترجرج وتنتش كاني لسه باتعلم السواقة وطبعا بتكون كل العربيات الي جنبي في الاشارة بتكون سبقتني بما فيهم السيات (وده تقريبا لان وزن العربية عالي علي عزم المحرك في الدوران المنخفض)
ياريت تشاركوني بارائكم واتمني ان اكون مخطأ لاني عايز احب العربية دي زي ما حبيت البيتلز القديمة بتاعتي
1- الاداء ضعيف مقارنة مع ما توقعته من محرك تلك السيارة (اقصي سرعة 185كم علي المحور الساعة الثالثة فجرا والطريق فارغ تماما وبدون تكييف ولوحدي وفي اتجاه القاهرة) مع ملاحظة ان طريق المحور يساعد كثيرا بجودته علي الوصول لسرعات عالية ، ولم تستجيب السيارة لاكثر من ذلك وكان هنالك مثبت سرعة وهذا بالاضافة لشعوري بضعف عزم السيارة وذلك حتي اصل لدوران يبلغ 3500 دورة تقريبا.
2- مرونة العفشة زيادة حبتين لدرجة اني باخاف اخد ملف او اعمل غرزة الا مضطرا جدا (العربية بتروح بطريقة مرعبة) ولكن اسلوب التعليق اللين ده مريح جدا في القيادة العادية مع النقر والحفر ومخالب القط الي مليا الشوارع.
3- صوت المحرك عالي وخشن بصورة غير مطمئنة ومش راضي ينعم زي ما انا متوقع مع الوقت (عامل زي متور فيات قديمة ولسه بيلين) .
4- الفتيس مش سلس في نقلاته وبيعض مع الاول تحديدا (ولكن يختفي العيب ده والسيارة واقفة).
5- اصوات تزييق مستمرة من التابلوه (لم يتم معالجتها في التوكيل كما طلبت قبلا)
واخيرا الحاجة الي مجنناني النقل علي الاول والثاني لازم يكون بحنية وببطئ وإلا السيارة بترجرج وتنتش كاني لسه باتعلم السواقة وطبعا بتكون كل العربيات الي جنبي في الاشارة بتكون سبقتني بما فيهم السيات (وده تقريبا لان وزن العربية عالي علي عزم المحرك في الدوران المنخفض)
ياريت تشاركوني بارائكم واتمني ان اكون مخطأ لاني عايز احب العربية دي زي ما حبيت البيتلز القديمة بتاعتي
)
Comment