مش مطمن للنوبيرا 2008

[waleedraafat]

كوعة المياه

ايوه قريت عنها في المنتدي ودورت عليها في العربية ولقيتها بلاستيك زي ما بيقولوا

كلها يومين وهعمل صيانة العشرة الاف هبقي احاول اغيرها منهم

[merosss]

انا يا جماعة متابع لكافة الحورات الخاصة بالنوبيرا من قبل ما اشتريها زيرو في شهر 9-2008 ولكني ملاحظ ان كافة شكواي وملاحظاتي علي السيارة تطابقت مع شكاوي مالكي موديل 2008 وبدات اشعر بالقلق وخصوصا اني مش عارف اذا كانت تلك المشاكل والملاحظات ستزول مع مرور الوقت لان السيارة لا زالت جديدة ام انها عيوب بالسيارة وخصوصا في الانتاج الجديد منها مع ملاحظة اني علي وشك عمل صيانة العشرة الاف وعموما ملخص ملاحظاتي وشكواي في الاتي:
1- الاداء ضعيف مقارنة مع ما توقعته من محرك تلك السيارة (اقصي سرعة 185كم علي المحور الساعة الثالثة فجرا والطريق فارغ تماما وبدون تكييف ولوحدي وفي اتجاه القاهرة) مع ملاحظة ان طريق المحور يساعد كثيرا بجودته علي الوصول لسرعات عالية ، ولم تستجيب السيارة لاكثر من ذلك وكان هنالك مثبت سرعة وهذا بالاضافة لشعوري بضعف عزم السيارة وذلك حتي اصل لدوران يبلغ 3500 دورة تقريبا.
2- مرونة العفشة زيادة حبتين لدرجة اني باخاف اخد ملف او اعمل غرزة الا مضطرا جدا (العربية بتروح بطريقة مرعبة) ولكن اسلوب التعليق اللين ده مريح جدا في القيادة العادية مع النقر والحفر ومخالب القط الي مليا الشوارع.
3- صوت المحرك عالي وخشن بصورة غير مطمئنة ومش راضي ينعم زي ما انا متوقع مع الوقت (عامل زي متور فيات قديمة ولسه بيلين) .
4- الفتيس مش سلس في نقلاته وبيعض مع الاول تحديدا (ولكن يختفي العيب ده والسيارة واقفة).
5- اصوات تزييق مستمرة من التابلوه (لم يتم معالجتها في التوكيل كما طلبت قبلا)
واخيرا الحاجة الي مجنناني النقل علي الاول والثاني لازم يكون بحنية وببطئ وإلا السيارة بترجرج وتنتش كاني لسه باتعلم السواقة وطبعا بتكون كل العربيات الي جنبي في الاشارة بتكون سبقتني بما فيهم السيات (وده تقريبا لان وزن العربية عالي علي عزم المحرك في الدوران المنخفض)

ياريت تشاركوني بارائكم واتمني ان اكون مخطأ لاني عايز احب العربية دي زي ما حبيت البيتلز القديمة بتاعتي

انا معايا نوبيرا 2008 بردة وانا متفق معاك فى موضوع ان صوت الموتور عالى ولسة واحد راكب معايا امبارح بيقولى انتا رجلك تقيلة على البنزين لية قلتلة هى صوتها كدة (هو معاة تويوتا كرولا الشكل القديم) وكمان الفتيس سعات بيعض وانا بجيب المارشدير (لقيت الموضوع دة عند كذا واحد هنا فى المنتدى ) وهى فى الطلعة مش اوى والحل انك تستنى شوية على الاول منتقلش على التانى على طول والموضوع دة بيظهر جامد لو انتا اساسا ماشى براحة على التانى والطريق فتح هتلاقى استجابة ضعيفة عشان تبدا تشد بس بمجرد متجيب التالت بتسحب بطريقة رهيبة

[ahmad--ezzat]

بيقولو علبة البيئة لما بتتشال
العربية بتجيب سرعات عالية جدااااااا

[waleedrahmy]

أمكانيات النوبيرا تفوق سعرهاااااااااااااااااااااااااااااااااااااااااااااا اا بكثير

[shanodaa]

نويرا سياره ممتازه حافظ عليها وهي حماله قاسيه

[samirayad]

أمكانيات النوبيرا تفوق سعرهاااااااااااااااااااااااااااااااااااااااااااااا اا بكثير

+1111111