كرهت الانوس

[someone]

والله مش عارف بس هغير بكرة غطا الاربة عشان ملحقتش اغيرة النهاردة بس الميكانيكى قالى كل الموجود فى السوق مضروب الحقيقة مش عارف اجيب نوع اية واعمل اية فى دورة التبريد غير الغطا
على فكرة ياجماعة الاستاذ سمير ساعدنى كتير وجمد قلبى وادانى شوية نصايح بخصوص تغير الجوان خلانى واقف مع الميكانيكى فاهم هو بيعمل اية ومخلتهوش فتح فى اى حاجة ملهاش لزمة وعلى فكرة يا استاذ سمير انا غيرت سير الكاتينة وفلتر الهوا وهغير زيت بكرة ان شاء الله
على فكرة انا روحت لكذا ميكانيكى كلهم قالولى العربية دى سخنت منك وانا احلف لهم انه ماسخنتش منى والحقيقة خايف تعمل معايا كدة تانى وتسخن من غير ما احس والجوان يضرب تانى
على فكرة الميكانيكى كان عايز يشيل الثرموستات وقالى ممكن وجودها يعملك مشكلة واحنا داخلين على الصيف قولتلو لا سبها وربنا يستر0

كل غطيان ارب الميه الدايو الموجوده صينى و كلها زباله انا غيرت اكتر من 5 غطيان وكانت حتعملى مشكله والعربيه سخنت اكتر من مره
المهم الحل غطاء قربه عربيه اوبل ده اللمانى وممتاز من ساعة ما غيرته و هو الحمد لله تمام
هات بتاع الاوبل وادعيلى هو كان ب30 جنيه او اقل و هو ارفع شويه بس متخفشى استخدمه انا الميكانيكى بتاعى مرديش يركبه وخاف و قالى ده ارفع بس انا قلتله ركبه على مسؤليتى

[MMamdouh]

اسمحلى عزيزى صاحب الموضوع حضرتك عملت حاجتين غلط وهما ....
1- انك مغيرتش غطا القربة
2- استعمال لبودر بتاع سد ثقوب الردياتير وكان المفروض انك لما تلاقي تسريب تغير الجزء الى بيسرب

+1

don't blame bad practice on the car

مفيش غطا قربة بيتصلح... كنت انا صلحت غطا قربة عربية والدى

و ايه قصة البودرة دى؟؟ مش يمكن هى اللى سدت مجارى المية و سببت رفع درجة حرارة الموتور و كل المشاكل اللى حصلت لك؟؟

MMamdouh

[MMamdouh]

يا جماعة مؤشر الحرارة فى الانوس عمرة ما بيعلى عن النص

عن تجربة فى كذا مشكلة متعلقة بالحرارة

ياريت حد يفدنا اذا كان شاف المؤشر بيعلى عن النص

انا شوفت مؤشر الحرارة بيعلى فى عربيتى لما كانت المراوح فاصلة

MMamdouh

[A.samy]

حمد الله على السلامة يا استاذ محمد على فكرة انا رحت لكهربائى زى استاذ سمير ماقالى وفعلا لقى ان فى مروحة مش شغالى وقلى دى مروحة التكيف مش شغالة وفك السكت بتعها ونضفة واشتغلت وقلى ممكن يكون هو دة السبب فى ارتفاع درجة حرارة العربية رغم انى مش مقتنع لان عداد الحرارة مرفعش .
البودرة دى جبتها من محطة موبيل قلى عليها فنى هناك ودى عشان لو فى تسريب فى دورة التبريد

[kemoelord]

حمد الله على السلامة يا استاذ محمد على فكرة انا رحت لكهربائى زى استاذ سمير ماقالى وفعلا لقى ان فى مروحة مش شغالى وقلى دى مروحة التكيف مش شغالة وفك السكت بتعها ونضفة واشتغلت وقلى ممكن يكون هو دة السبب فى ارتفاع درجة حرارة العربية رغم انى مش مقتنع لان عداد الحرارة مرفعش .
البودرة دى جبتها من محطة موبيل قلى عليها فنى هناك ودى عشان لو فى تسريب فى دورة التبريد

والله يا استاذ انا مش عارف اقولك ايه بالظبط طبعا قدر الله وما شاء فعل حضرتك اتعرضت لنفس الموقف الي انا اتعرضلته لكن اهو الواحد ما بيتعلم ببلاش الواحد بعد كده لو فكر يجيب مستعمل يبعد تماما عن اي عربيه بتنقص فيها الماء لان ده بدايه المشاكل المهم انا لسه طالع من نفس المشكله وهي جوان وش السلندر وعملت موضوع بسببها هنا في القسم بس احب اقولك على الاعراض الي حصلت قبل المشكله وهي
1 - حسيبت ببرجله جامدة جدا وانا ماشي
2 - لاقيت فجاة انا بتنزل عيني بالصدفه على عداد الحرارة لاقيته طلع بعد النصف ومستمر بس لحقته قبل ما يوصل للخط الاحمر بس فوقفت بسرعه وركنت وفتحت القربه للاقيها فاضيه تماما زودتها وروحت وتاني يوم عملت القصه دي والحمد لله على كل شئ ,, بس فعلا مفش حد عنده ضمير وهو بيبيع عربيته

[Hacker5]

طب بالنسبة لغطا القربة بتاع الاوبل اجيبه لموديل ايه؟
استرا ولا فكتر و لا كورسا و موديل سنة كام ولا اجيب اى غطا لاى موديل مش هاتفرق؟؟؟؟

[Nadiem]

سلسلة من الاخطاء

ونتيجتها تخريب في محرك السيارة

استرخصت تشتري غطاء قربة (برغم ان اللي باعلك العربية قاللك)
مشيت ورا فتاوي عمال محطات البنزين مرتين
مرة يقولك صلحتلك غطاء القربة
و التانية حطيت مادة في دورة التبريد لسد الاخرام بدل ماتصلح التلف و تغير الماسورة اللي بتخر بناء على فتوى عامل في محطة البنزين

زودت مياة الردياتير و العربية مبطلة




واللي حصل دة مالوش دعوة بتغير الزيت و لا نظلم اللي انت اشتريت العربية


مافيش دخل بين غيار الزيت و ان العربية تجيب جوان وش سلندر (للأخوة اللي بيقولو)

[A.samy]

عندك حق بس دى تبقى عربية متستهلش تكون عربية الشعب زى مابيقولو دى بتتلكك

[Samir Elshahawy]

زي ماقولت لك قبل كده يفضل تغير الأربة كلها لو فيه مشكلة في الغطا , و ياريت تجيب أربة كاملة أستيراد

[mando_07]

عندك حق بس دى تبقى عربية متستهلش تكون عربية الشعب زى مابيقولو دى بتتلكك

يا باشا العربية كوري وأستعمال ٩ سنين يعني فطبيعي أن يكون لها اعطال لكن أنا شايف أن اعتماديتها كويسة بالنسبة لتمنها و أي حد بيفهم فيها وقطع غيارها رخيصة عشان كدا قالوا عليها عربية الشعب وبإذن الله بعد متعالج العيب دي ميظهركلش حاجة جديدة