مشكله في التكييف

[Ahmed Hassan]

على فكره... اللانوس مفيهاش فلتر تكييف (على ما اذكر).
حاجه بس اتأكد منها الأول... اتأكد ان زرار الـ re-circulation بتاع التكييف منور. الزارار ده بيجيب هوا من بره العربيه او من جواها. انا مش فاكر في الانوس فيه بكره و لا زرار... بس خلي الهوا من جوه العربيه. لو جبت الهوا من بره التبريد هيتأخر و هيكون ضعيف.

[samirayad]

أعتقد برضه أن الانوس مفيهاش فلتر للتكييف

_ بس العربيه موضوع السؤال الحالى نوبيرا......وفيها فلتر تكييف.........

_ وزرار الre- circulation

....عندنا عباره عن bottom push .....مش أكره........وكويسه فكره عدم تشغيله دى لعدم تأثر الأداء.........

وليا سؤال عندك يا أستاذ/أحمد.......هل يوجد كلاتش خاص بتعشيق الكمبروسور عند الرغبه فى تشغيل التكييف.........وأشكرك

[Ahmed Hassan]

فعلا نوبيرا انا آسف بس شوف ايه اللي لخبطني

وواضح ان تكييف اللانوس مقرف وأعطالة كثيرة وبيستنذف فلوس

[samirayad]

وليا سؤال عندك يا أستاذ/أحمد.......هل يوجد كلاتش خاص بتعشيق الكمبروسور عند الرغبه فى تشغيل التكييف.........وأشكرك

[Ahmed Hassan]

اللانوس مفيهاش كلتش (يعني الكمبريسور شغال على طول)... النوبيرا بصراحه معرفش.

[samirayad]

أنا حقولك على اللى فى دماغى كناحيه منطقيه

_ أنا مقتنع أن أى كمبروسور تكييف فيه كلاتش كهربى (على فكره دا توقعى وحاسس أنه صح )

_ ليه....الكمبروسور بيكون واخد حركه دايما من المحرك عن طريق السير ....

_ ومش معقول حيستمر على طول يضخ فريون عمال على بطال............

- لحظه ما بنعوز نشغل التكييف بنضغط على الpush Bottom

بتاع طلب تشغيل التكييف .....وبندى أشاره كهربيه للريليه (اللى بيقولوا عليه الكتاوت )......وهنا بقه بيبدأ ضخ الفريون ........

_ أما الفيوز ده دوره حمايه لكلاتش تعشيق أى كمبروسور تكييف..............أيه رأيك بقه فى كلامى ده

على فكره التكه اللى بنسمعها دى فى الكمبروسور ساعة طلب تشغيل التكييف(دى بتاعة تلقيط الكلاتش كهربيا ).....دا برضه توقع ويحتمل الصواب الكبير

- طبعا الكلام ده خاص بتكييفات السيارات فقط.........

[Ahmed Hassan]

أنا حقولك على اللى فى دماغى كناحيه منطقيه

_ أنا مقتنع أن أى كمبروسور تكييف فيه كلاتش كهربى (على فكره دا توقعى وحاسس أنه صح )

_ ليه....الكمبروسور بيكون واخد حركه دايما من المحرك عن طريق السير ....

_ ومش معقول حيستمر على طول يضخ فريون عمال على بطال............

- لحظه ما بنعوز نشغل التكييف بنضغط على الpush Bottom

بتاع طلب تشغيل التكييف .....وبندى أشاره كهربيه للريليه (اللى بيقولوا عليه الكتاوت )......وهنا بقه بيبدأ ضخ الفريون ........

_ أما الفيوز ده دوره حمايه لكلاتش تعشيق أى كمبروسور تكييف..............أيه رأيك بقه فى كلامى ده

كل الكلام ده صح... بس مش في اللانوس.. اللي اعرفه ان اللانوس الكمبريسور بتاعها مبيفصلش... و ده علشان مفيهوش كلتش.

[samirayad]

اللي اعرفه ان اللانوس الكمبريسور بتاعها مبيفصلش... و ده علشان مفيهوش كلتش.

طيب تيجى أزاى........ولاحظ أن الكمبروسور كده كل سنه وأنت طيب.........ومش حيستحمل غلوه.......والصراحه كده الكلام مش راكب معايا

خللى بالك نظرية الكلاتش الكهربى دى موجوده عندى فى الشغل برضه........على أساس بيكون فيه طلمبه سحب قاع خاصه بالوحدات البحريه.......بتكون الطمبوره بتاعتها بتلف على طول والمكنه شغاله.....الطنبوره بس هى اللى بتلف (زى شداد بالظبط )......ولما بعوز أنزح الميه وأطلعها بره الوحده البحريه بعشق كلاتش كهربى بنفس الفكره ....مع الفارق طبعا................وأنا شايف أن طنبوره التكييف بتبقى بتلف مع المحرك فقط بدون عمل الكمبروسور بنفس الفكره......ولما بعوز أتكيف بشغل وأعشق الكلاتش

[Ahmed Hassan]

انا معلومه ان كمبريسور اللانوس مش بيفصل دي عرفتها من محمد ممدوح و بصراحه لازم اصدقها لأنه عارف العربيه حته حته . الاحتمال الوحيد اني اكون فهمت غلط . و بكده لازم ندخل محمد في الموضوع. فينك يا محمد :k36:

[samirayad]

ياسيدى أحنا ماقولناش حاجه..... وكلنا بنتعلم من أخونا محمد .....وانا مجرد بأسألك ........................

[Ahmed Hassan]

انا كمان مقولتش حاجه... بس بردو نتأكد احسن :k38:

[samirayad]

أنا بقه ....أتأكدتلك......ومفيش كمبروسور عربيه فى العالم حتلاقيه شغال عكس ما أنا قولتلك...............::k38:

[Ahmed Hassan]

أنا بقه ....أتأكدتلك......ومفيش كمبروسور عربيه فى العالم حتلاقيه شغال عكس ما أنا قولتلك...............::k38:

ممكن يكون كلامك صح.. بس انا بردو مستني محمد

[samirayad]

ممكن يكون كلامك صح.. بس انا بردو مستني محمد

طيب ماتستنى ......وخد راحتك على الآخر

[hashem taha]

الكلام المنطقى والعملى وعلى الواقع لابد من وجود كلاتش خاص بتعشيق الكمبروسور عند الرغبه فى تشغيل التكييف ومستحيل الكمبروسر يعمل
بصورة مستمرة