تقرير عن الحالة الفنية للمحرك

[toshipa]

قمت اليوم بقياس كبس المحرك وفى التقرير اعطانى هذه الارقام ولا ادرى اذا كان الموتور كده كويس ولا ايه
وهى البيجوه رقم 1 dry psi مكتوب 140 وتحته مكتوب wet psi 152
رقم 2 150 162
رقم 3 140 152
رقم 4 150 162
مامعنى هذه الارقام وماهى حالة الموتور
ارجو الرد ممن لديهم خبرة فى كبس الموتور

[nasroo]

انت قيسته فين وازاي اتقاس الكبس ياريت تقولنا

[Shiref_mohamed]

مش متأكد بصراحة بس اعتقد ان المفروض الضغط جوه كل بستم ميقلش عن 100psi وعلى كده الموتور عندك سليم
على العموم محمد ممدوح هو الى هيفيدنا في الكلام ده

[toshipa]

انت قيسته فين وازاي اتقاس الكبس ياريت تقولنا

انا قيسته فى بنزينة شل اللى فى شارع الهرم وقام بفك ال4 بوجيهات والحقيقة كان نفسى اشوف الامبير اللى ماسكه هو عامل زى اللى بيقيسه بيه هواء الكاوتش لكن كنت لوحدى وعايز منى كل شويه اشغله سنة مارش لغاية ماخلص واعطانى التقرير

لكن اللى عايز اعرفه من الاخوة هل الكبس كده كويس والماتور حالته ايه يعنى 30% ولا90% ؟؟؟؟

[Samir Elshahawy]

العملية دي عبارة عن قياس ضغط كل وحدة Compression Pressure و الجهاز اللي بيركب عبارة عن Pressure Guage و ممكن تجد الضغط ده في الكتالوج بتاع عربيتك

أيضا يوجد أقصي ضغط في حالة الاحتراق Max. Pressure و ده بيكون أعلي من ضغط الانضغاط السابق ذكره

[amegoo75]

انا كمان مستنى رد محمد بية ممدوح يقولنا ازاى نعرف ان الكبس كدة كويس ولا اية ؟؟؟؟؟

[moudy88]

قمت اليوم بقياس كبس المحرك وفى التقرير اعطانى هذه الارقام ولا ادرى اذا كان الموتور كده كويس ولا ايه
وهى البيجوه رقم 1 dry psi مكتوب 140 وتحته مكتوب wet psi 152
رقم 2 150 162
رقم 3 140 152
رقم 4 150 162
مامعنى هذه الارقام وماهى حالة الموتور
ارجو الرد ممن لديهم خبرة فى كبس الموتور

ممكن تقولنا اتكلف كام الكشف ده وبعدين هو مش الفروض ان الفني اللي كشف يقولك ويفهمك التقرير؟؟

[toshipa]

ممكن تقولنا اتكلف كام الكشف ده وبعدين هو مش الفروض ان الفني اللي كشف يقولك ويفهمك التقرير؟؟

الكشف اخد 49.5 جم واديت 5جم اكراميه

[samirayad]

قمت اليوم بقياس كبس المحرك وفى التقرير اعطانى هذه الارقام ولا ادرى اذا كان الموتور كده كويس ولا ايه

كده الموتور كويس.....ونقص الزيت اللى عندك من السبب اللى قولتلك عليه قبل كده..................

وأدى السبب اللى قولتلك عليه قبل كده.......

http://www.nilemotors.net/Nile/showthread.php?t=66094

[killercorc]

عربتك كد موتورها كويس

[toshipa]

قمت اليوم بقياس كبس المحرك وفى التقرير اعطانى هذه الارقام ولا ادرى اذا كان الموتور كده كويس ولا ايه
وهى البيجوه رقم 1 dry psi مكتوب 140 وتحته مكتوب wet psi 152
رقم 2 150 162
رقم 3 140 152
رقم 4 150 162
مامعنى هذه الارقام وماهى حالة الموتور
ارجو الرد ممن لديهم خبرة فى كبس الموتور

اللى نفسى اعرفه وماحدش جاوبنى عليه مش عارف ليه ماهو الكبس المثالى للموتور يعنى 150 ولا 160 ولا 170 ولا 200 مثلا

انا بسال السؤال ده عشان لما اى واحد من الاخوة يحب يشترى عربية مستعملة ويكبس الموتور ازاى يعرف حالة الموتور من الامبير اللى بيقيس بيه وخصوصا الارقام اللى الامبير يوصل ليها
ودى هتبقى مفيدة وخصوصا ان الكبس سعره مش غالى وبكده يبقى اطمن على حالة الموتور طبعا بجانب كشفه على باقى اجزاء السيارة

[samirayad]

_ أنت اللى ممكن تساعدنا فى الجزئيه دى كالآتى...........

_ طبعا أنت معاك القياسات بتاعتك........ومكتوبه فى الموضوع الحالى........

_ روح للمكان اللى عملت الأختبار عنده ........وقولهم النسب دى عامله كام فى الميه .....بالمقارنه بحالة محرك على الزيرو ......وبكده ممكن نحسبها.......

_ وبرضه ممكن تسألهم عن أقصى ضغط بيكون موجود للمحرك الجديد .....وبكده حنعرف أقصى ضغط مقنن لكل غرفه ....كفاءة حبكها عشره على عشره

[toshipa]

أزاى ....فيه عندك سيل الكرنك الأمامى فى الحته دى....ولو كشف أسفل حافظة سير الكاتينه حتلاقى تحتها زيت (وأكيد فيه جوه الحافظه كمان زيت )

لازم الأول تعرف الموتور بيأكل زيت منين ......لأن واضح أن الحبك بتاع الغرف عندك كويس......واكيد فيه سبب غير واضح لأستهلاك الزيت ومالوش علاقه بحبك غرف الحريق....وكده الموتور كويس ومش خفيف (وموضوع أستهلاك الزيت ده ....ممكن يكون بسبب خارجى زى سيلات الكرنك ....أو تفويت خفيف جدا من سيلات الصبابات لغرف الحريق أثناء حركة البلوف لأسفل فى شوط الفتح لها من حول ساق الصباب.....يعنى تسييل خفيف على سوق الصبابات الى الغرف )

على فكره رحت لمكانيكى وغيرت سير الكاتينة واثناء فك السير زى ماقلت سيادتك وجد ان ان اولسيه الكرنك جايب زيت جامد ولما شفته لقيته ناشف ومحجر والدنيا كانت غرقانه زيت فى هذا الجنب من العربية وكمان غرقانه مياه يعنى زيت ومياه وكان فاضل ادخل الكهرباء واسكن على طول

وكمان وجد عدد 2 اولسيه تحت شويه وقال لازم يتغيرو لانهم بردو بيجيبوا زيت وطبعا الطرمبه غيرتها بالمرة هو ارسل صبى من عنده يشتريها وهو بيركبها قولت له انتظر لما شوف صناعتها قال دى كويسه وبركب منها للزباين على طول فلما مسكتها وجدتها صناعة صينى قلت له بكام قال حسب الفاتورة ب75 قلت له طالما صينى ولا ببلاش دى فى مكان صعب وعايز حاجة اصلى ورجع الصبي رجعها واشترى طلمبه مياه كورى ب100 جم صناعة كوري

كان يوجد مشكلة من سنتين وكنت ماشى بيها ولم يصل احد لسبب هذه المشكله وهى عندما كنت اركب العربية كنت اجد ان عينى تدمع بسبب رائحة جايه عليا واحتار الفنيين فيها لدرجة ان غيرت مرة حساس يوجد على الشكمان بسبب هذه الرائحه

ولكن الحل جاء بالصدفه البحته واكتشفت ان سبب ذالك زى ماسيادتك قلت ان سوف اجد الحافظة بتاع الكاتينه فيها زيت والمحتمل ان كان بيحصل منها نقط او تسييل على الشكمان فكانت تسبب هذه الرائحة التى تدمع العين نتيجة السخونه (وصدفة خير من الف معاد )

وشكرا للنصيحة فقد قمت بما ذكرته واتعشم ان الزيت ربنا يستر وماينقص تانى

[samirayad]

وشكرا للنصيحة فقد قمت بما ذكرته واتعشم ان الزيت ربنا يستر وماينقص تانى

لا شكر على واجب ( نحن أخوات )....وتابع القياس ....وأن شاء الله خيرا......................

[nasroo]

اللى نفسى اعرفه وماحدش جاوبنى عليه مش عارف ليه ماهو الكبس المثالى للموتور يعنى 150 ولا 160 ولا 170 ولا 200 مثلا

انا بسال السؤال ده عشان لما اى واحد من الاخوة يحب يشترى عربية مستعملة ويكبس الموتور ازاى يعرف حالة الموتور من الامبير اللى بيقيس بيه وخصوصا الارقام اللى الامبير يوصل ليها
ودى هتبقى مفيدة وخصوصا ان الكبس سعره مش غالى وبكده يبقى اطمن على حالة الموتور طبعا بجانب كشفه على باقى اجزاء السيارة

انا كمان مستني اعرف يعني ايه الارقام دي
بما ان الزيت عندك طلع بينقص بسبب اولسيل الكرنك - طب انت ماكنتش بتلاقي تحت العربية نقط زيت ولا ده كان بيرشح على المكنة من تحت بس وهل كان بينقص كتير معاك
إن شاء الله ماينقصش تاني وتبقى اتحلت كده