إعـــــــلان

Collapse

.

,
See more
See less

مشكله في الموتور ولا ؟؟؟؟ البوجيه رقم 3 مالوش تأثير...

Collapse
X
Collapse
 
  • Page of 3
  • Filter
  • الوقت
  • Show
Clear All
new posts
السابق 1 2 3 template التالي
  • #1

    مشكله في الموتور ولا ؟؟؟؟ البوجيه رقم 3 مالوش تأثير...



    انا لسه مخلص شغل في العربيه دلوقتي...

    شيكت علي ال 4 عجلات والحمد لله تمام...
    التيل اللي قدام واللي ورا كان جديد...
    وورا كان عاوز لجلاش بس (والحمد لله الفرامل دلوقتي من لمسه )
    وربطت علي العافشه
    ونظفت فلتر الهوا وفلتر البنزين.
    وشحمت بلي البطاحات.
    وفكيت البوجيهات علشان اطمئن علي الحرق بتاعها واسنفرها بالمره.
    بعد التجربه.
    الفرامل الحمد لله من لمسه بتكلبش في الأرض.
    كان في صوت تزييق في العافشه من قدام. تلاشي.
    صوت الخبطه اللي كان ورا من المساعد اليمين زي ماكنت شاكك. تلاشي بعد لجلاش التيل.
    وغسله محترمه وتنظيف من جوا

    بس إتقفلت في آخر الليله.

    لاحظت حاجه غريبه في الموتور.
    صوت الموتور عالي وتقطيع في خرج العادم (تتليته)... وصوت الموتور ده كان عالي من يومين علي فكره... وللاسف اكتشفتها بعد مشوار طويل ولاقيت القربه مافيهاش ميه خالص... بس انا متأكد إن أمبير الحراره مارفعش يومها وزودت ميه ومن وقتها مافتحتش الكبوت غير النهارده.

    المهم.
    فصلت كابل البطاره وعملت أيدل ليرن.
    ومافيش جديد.
    فكيت البوجيهات تاني وشيكت عليها.... قلت جايز بوجيه وانا بركبه جه عليه وسخ
    ( ملحوظه البوجيه رقم 3 من الشمال (متصل بآخر كابل في الموبينه ) كان مهبب أسود )
    ولما فكيتهم المره التانيه لاقيته برده مهبب بس علي خفيف.

    قلت اشوف خرج الموبينه بالمره.
    الموبينه مخرجه كويس والشراره متماثله مع ال 4 سلوك.

    بس المفاجأه. واللي اكتشفتها بالصدفه.

    شلت سلوك البوجيهات خالص واحد واحد...
    ومع كل سلك باشيله من الموبينه. صوت الموتور كانت بيتغير.
    الا سلك البوجيه رقم 3
    يعني لو شلت السلك خالص ولغيته. ولا كأنك شايله. وصوت الموتور هو هو والتتليته زي ماهي.

    طلعت اجرب العربيه وفوقتها علي الطريق... التتليته راحت بس صوت الموتور عالي.
    وفي صوت مسمع زي صوت التاكيهات لما تكون عاوزه تتظبط.

    !!!!!!!! شوية معلومات علشان نبقي في الصورة !!!!!!!!!!
    انا مغير زيت من اسبوع. ولزوجته ولونه ومقاسه مظبوطين بعد 350 كم استهلاك.
    البنزين كالعاده 80 ومافيش تغيير وماشي علي التفويله دي 240 كم والتانك لسه فيه اكثر من النص. ومتأكد ان التقطيعه مش من البنزين.
    جميع الفيش والكابلات راكبه مكانها.
    لمبة التشيك مانورتش نهائي.
    خرطوم حساس الماب راكب مكانه...
    مافيش RPM
    .............
    مافيش دخنه من مقياس الزيت.
    أول مره دورت العربيه فيها بعد تركيب البوجيهات كان في دخنه بيضاء + ريحة غريبه في الشكمان والشكمان كالعاده بينزل ميه.
    .......................

    السؤال.
    1- ليه البوجيه التالت لما شيلت الكابل بتاعه خالص. مافيش تأثير علي صوت الموتور عكس بقية البوجيهات ولا تأثيره مثلا والعربيه ماشيه !!!! (انا طبعآ ماجربتش امشي بالعربيه علي كده ).

    2- تفتكروا علو صوت الموتور. ناتج عن التاكيهات. (نفس الصوت التاكيهات علي فكره بس لو كده برده ليه اللي حصل مع البوجيه رقم 3)
    ولا يكون في حاجه كبيره في الموتور.


    منتظر الرد... وشكرآ مقدمآ للجميع.
    [CENTER][B]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/B][/CENTER]
    الكلمات الدلالية (Tags): 20, 40, 50, bmw, font, rpm, wd40, ؟؟؟؟, اختبار, البنزين, البوجيه, التي, اللي, الموتور, الي, ام, انا, بدون, بس, بنزين, تأثير, تركيب, تغيير, تنظيف, تيل, حساس, رشاشات, رقم, زيت, شرح, شكمان, صوت, صوت الموتور, صور, ضفيرة, عجلات, عربيه, عمرة, عن, عيوب, فرامل, فرق, فلتر, في, كبوت, كل, لانوس, مالوش, مشاكل, مشكله, مع, معلومات, مقاس, من, موتور, مين, نور, هل, هي, ولا
  • #2
    من كلام حضرتك المشكلة لن تخرج عن عيب فى السلك اللي ذكرتة او البوجيهة نفسه ودة اللي متلت العربية حاول تركب بوجيه تانى مكان اللي راكب يعنى غير مكانة لو لسة المشكلة موجودة يبقى السلك عايز يتغير
    [CENTER]في الماضي كان الخطر الكبير الذي يواجه المصريين النظام الفاسد[/CENTER]
    [CENTER]الان الخطر الاكبر الذي يواجه مصر والمصريين هو الجهل[/CENTER]

    Comment

    • #3
      .......................

      السؤال.
      1- ليه البوجيه التالت لما شيلت الكابل بتاعه خالص. مافيش تأثير علي صوت الموتور عكس بقية البوجيهات ولا تأثيره مثلا والعربيه ماشيه !!!! (انا طبعآ ماجربتش امشي بالعربيه علي كده ).


      المشكلة واضحة لان السلك دة بايظ ومش موصل كهربا للبوجية وعشان كدة تركيبة زى عدمة دة فى حالة انك عملت اختبار الشرارة من ناحية الموبينة
      اما لو عملت اختبار الشرارة من ناية السلك اللي بيركب فى البوجية والسلك موصل كهرباء فدة معناه ان البوجيه بايظ
      او اخر احتمال الرشاش رقم 3 فية مشكلة او مسدود
      [CENTER]في الماضي كان الخطر الكبير الذي يواجه المصريين النظام الفاسد[/CENTER]
      [CENTER]الان الخطر الاكبر الذي يواجه مصر والمصريين هو الجهل[/CENTER]

      Comment

      • #4
        من كلام حضرتك المشكلة لن تخرج عن عيب فى السلك اللي ذكرتة او البوجيهة نفسه ودة اللي متلت العربية حاول تركب بوجيه تانى مكان اللي راكب يعنى غير مكانة لو لسة المشكلة موجودة يبقى السلك عايز يتغير


        انا غيرت البوجيه بواحد قديم : نفس المشكله.
        بدلته مع البوجيه رقم 4 : نفس المشكله برده مع البوجيه رقم 3 (زي عدمه )
        بدلت السلكين 3 - 4 : نفس الموضوع.

        اخر احتمال الرشاش رقم 3 فية مشكلة او مسدود

        !!!!!!!!!!!!
        [CENTER][B]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/B][/CENTER]

        Comment

        • #5
          يعني متأكد ان البوجيه سليم والسلك سليم.

          لكن الملاحظ ان البوجيه مهبب اسود. (لكن مش معرق زيت طبعآ ولا اي بوجيه من ال 4 ).
          معني كده ان المشكله في الرشاش رقم 3 ؟؟؟؟
          [CENTER][B]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/B][/CENTER]

          Comment

          • #6
            الجديد...

            جيت اشوف دلوقتي لاقيت التتليته راحت...
            جيت اشيك علي البوجيهات...

            1 و 4 لما بافصلهم. الموتور بيبرجل جامد والعربيه بتبقي عاوزه تبطل.

            3 اشتغل ضعيف ولما بافصله العربيه بتبرجل حاجه بسيطه وتكاد تكون مش ملحوظه و 2 بقي زيه...

            طبعآ عارفين ان
            1-4 (الاتنين اللي فوق في الموبينه )
            2-3 (الاتنين اللي تحت في الموبينه)

            وده ماحصلش الا لما قرصت علي الموترو وانا جاي...

            انا شاكك كده انها رشاشات عاوزه تتنظف.
            بس منتظر رأي محمد ممدوح وسمير عياد وباقي الاخوه...
            مع العلم اني ماستعملتش منظف رشاشات قبل كده.
            [CENTER][B]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/B][/CENTER]

            Comment

            • #7
              لا كده محتاجه شغل فى الرشاشات
              1- تتنظف
              2- تتغير
              [CENTER][SIZE=5][COLOR=gray][COLOR=#000000][SIZE=5][FONT=Times New Roman][B][SIZE=6][COLOR=blue]سبحان الله و بحمده سبحان الله العظيم[/COLOR][/SIZE][/B][/FONT][/SIZE][/COLOR][/COLOR][/SIZE][SIZE=5][COLOR=gray][COLOR=#000000][SIZE=5][/CENTER]
              [CENTER][CENTER][FONT=Times New Roman][B][SIZE=6][COLOR=blue][/COLOR][/SIZE][/B][/FONT][/CENTER]
              [/SIZE][/COLOR][/COLOR][/SIZE][/CENTER]

              Comment

              • #8
                طيب حط العربية على اسكانر وشوف اية الكلام
                [B]لا اله الا الله محمد رسول الله[/B]
                [B] يارب احمى مصر[/B]

                Comment

                • #9
                  شغل على زولاحة انت مسبتش اى مخرج للمشكلة
                  انشاء الله تتحسن مع تغير الرشاشات

                  والمستشار ممدوح هيفيدك اكتر فى انتظار رايه

                  Comment

                  • #10
                    مطنشني ليه يا استشاري ...
                    [CENTER][B]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/B][/CENTER]

                    Comment

                    • #11
                      بس منتظر رأي محمد ممدوح وسمير عياد وباقي الاخوه...
                      طيب أيه رأيك لو بدلنا الرشاش رقم 3 بواحد من الكويسين ......لأن كده فيه شك ( أما فى ضفيرته أو فيه نفسه )

                      Comment

                      • #12
                        طيب أيه رأيك لو بدلنا الرشاش رقم 3 بواحد من الكويسين ......لأن كده فيه شك ( أما فى ضفيرته أو فيه نفسه )


                        الله ينور عليك يا باشمهندس...
                        موضوع الضفيره ده كان مش في دماغي خالص...

                        وكده انت متأكد ان المشكله في دايرة الرشاش (الضفيره او الرشاش نفسه )
                        وبصفتك خبير في المواتير... مافيش أي احتمال تاني يبقي لاقدر الله حاجه في الموتور... من جوه تعمل المشكله دي؟

                        وهل لما افصل سلك البوجيهات لازم يبقي تأثير برجلة الموتور متماثل ؟

                        منتظر ردك.
                        [CENTER][B]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/B][/CENTER]

                        Comment

                        • #13
                          ياباشا البوجيهات وسلوكها تمام أن شاء الله من كلامك ......[gdwl]وأنت مابتلاحظش الفرق فى التتليته علشان بيكون الغرفه دى فيها هواء كتير والبنزين يكاد لايذكر [/gdwl]( أما بسبب ضفيرة الرشاش ده مش موصله كويس .....أو الرشاش نفسه مسدود .....وأنا أتوقع لو نظفت فيشته كويس وركبتها بأحكام ......كله حيبقى تمام أن شاء الله ......عموما جرب نظافة الفيشه الأول .....لو مجبتش نتيجه أنقل الرشاش وقولنا على النتيجه ........وخير أن شاء الله ).....................................وبالنسبه للموتور ( لا تقلق مفيش أى مشاكل من هذه الظاهره .....دا ساعات ناسى بتمشى كتير والمكنه متلته ......بس طبعا ده غلط على المدى البعيد مع الطناش )

                          Comment

                          • #14
                            عاوزينك بقه بخبرتك تعلمنا الليله اللى فى الصندوق الماسى ياهندسه ( وأزاى نرفع الصور منه ......مش بتاع السريع ) وعلمنا كده واحده واحده[gdwl].....ينوبك صواب فى الغلابه اللى زى حلاتنا فى الكمبيوتر ........................[/gdwl]

                            Comment

                            • #15
                              وبالنسبه للموتور ( لا تقلق مفيش أى مشاكل من هذه الظاهره .....دا ساعات ناسى بتمشى كتير والمكنه متلته ......بس طبعا ده غلط على المدى البعيد مع الطناش )

                              الله يطمنك.

                              وأنت مابتلاحظش الفرق فى التتليته علشان بيكون الغرفه دى فيها هواء كتير والبنزين يكاد لايذكر

                              يعني المفروض مايكونش في فرق.

                              عموما جرب نظافة الفيشه الأول .....لو مجبتش نتيجه أنقل الرشاش وقولنا على النتيجه

                              حانزل دلوقتي انظفها.
                              [CENTER][B]اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ[/B][/CENTER]

                              Comment

                              السابق 1 2 3 template التالي
                              Working...
                              X