استفسار:العازل الماتور؟

[zocor742]

السلام عليكم

كنت عايز استفسر بخصوص عازل الماتور الى موجود فى الكابوت من تحت انا مش عندى العازل دة فى العربية وكنت عايز اعرف هل ممكن اجيب واحد ولا صعب الاقية كمان هو لية فايدة فى عزل الحرارة عن الكبوت وعزل صوت الماتور اكتر ولا اكبر دماغى مش مشكلة

[samirayad]

حاول تدور عليه .....لأنه بيفيد فى عزل صوت المحرك ....وكمان مابيخليش الحراره تطلع على بوية الكبوت ....وبكده ممكن البويه تشقق مع الوقت

[msobhy]

ولا ليه اى لازمة
وراكب عندى
وهتلاقى الناس بتقولك انه بيمنع خروج الحراره من حوض العربية الى ناحية العربية
وبرضو ناس تانية هاتقولك هيلغى صوت الموتور تماما
كله هجص

[samirayad]

طيب لما هو هجص .......عملوه ليه ......عياقه مثلا

[Akram]

قبل ما أجيب اللانوس كان فيه ناس قاللولي أن حرارة الموتور بتبقى عالية قوي و كانوا بيعتبرو ا إن ده عيب ,
و لما جبت العربية لاحظت إني لو فتحت الكبوت و الموتور سخن بلاقي حرارة الموتور عالية جداً مقارنة بالهونداي مثلاً ,
مع إن ده مش بيأثر على الموتور لأن ليه حرارة داخلية و مراوح بتبشتغل عندها ,
لكن المقصود من الكلام ده إن الحرارة بتبقى مش ملحوظة لما بيكون فيه العازل و بتبقى ملحوظة لو مفيش العازل و بالتالي لازم هيكون ليه تاثير على الكبوت نفسه , و ده ملوش تأثير على داخل العربية لأن بيبقى فيه لباد خلف التابلوه هو اللي بيعزل حرارة الموتور عن الصالون .

[samirayad]

لكن المقصود من الكلام ده إن الحرارة بتبقى مش ملحوظة لما بيكون فيه العازل و بتبقى ملحوظة لو مفيش العازل و بالتالي لازم هيكون ليه تاثير على الكبوت نفسه

عارف يا أستاذ / أكرم .....الناس بتاعة بره دى بتفهم بجد .......وكل ماتحافظ على حراره عاليه جوه الغرفه كل ما كان أفيد للواحد ( لأن حساس الأكسجين بالذات .....فى الحقن الألكترونى .....كفاءته بتزيد كمان مع الحراره ).......داغير حماية الكبوت من أثر أنتقال الحراره بالأشعاع من المحرك لأعلى ......وجرب كده وألمس عربيه مش راكب فيها العازل ده وعربيه تانيه راكب فيها العازل ده ......حتحس بفرق جامد فى حرارة الكيوت .....دا غير أن معروف مع تقدم السن الحراره بتأثر على بوية الكبوت .....ويقيح ويبيض ........[gdwl]والدليل لما بتركن العربيه فى الشمس بأستمرار ....لون البويه بيبهت ....يعنى البويه بتبهت مع الحراره الزايده.[/gdwl].دا غير أن بيتقل وزن الكبوت ويخليه محكم ومتضطرش تضغط على الكبوت بزياده علشان تقفله بعد مايكون مفتوح (ودى أنا لاحظتها فعلا ....ان وزن العازل بيخللى الكبوت محمل حتى وأنت ماشى كمان بسرعه مبيبقاش فيه حمل هواء على مفصلة الكبوت علشان وزنه تقيل )...................يبقى الناس اللى بتقول ملوش لازمه ......هى اللى بتهجس فى الكلام ......ولا عندها فكره عن البدنجان ..........ياريتنا نفكر نص بتوع بره

[dr.hany]

اوك طب لو عاوزينه جيبه منين يا باشمهندس سمير

[samirayad]

ممكن تسأل عليه عند بتوع الأستيراد فى الحرفيين ......وأكيد حيدلوك ......

[waleedrahmy]

وممكن تشتريه جديد كمان ..........انا كنت شاريه من سنة ب180جم بكلبساته جديد من محل مجدي بطنطا

[samirayad]

وممكن تشتريه جديد كمان ..........انا كنت شاريه من سنة ب180جم بكلبساته جديد من محل مجدي بطنطا

تسلم على المعلومه الحلوه دى ياريسنا.........................:k32:

[MoMohsen]

هو على حسب معلوماتى ان عازل الكبوت ليه اكتر من فايدة:

1. عزل الحرارة: و مش لازم يكون عزل الحرارة بس من الخروج زى ما متعارف عندنا و لكن الاهم هو زى ما فى البلاد الاوربيه وهو عزل البرودة الخارجيه.واكبر مثال على كدة العربية اللادا اللى بينزل فى كل موديلاتها.
2. عزل الصوت: ودة تاثيرة مش بالدرجة العالية الا لو الموتور كله معزول من ناحية الحوض مش مجرد الكبوت.

[zocor742]

متشكر جدا لنصيحة حضرتكم وان شاء الله هدور على واحد واجيبة فى اقرب فرصة
بس هو بتاع النوبيرا 2 يركب على النوبيرا1 لو كدة اشترى واحد جديد وخلاص عشان مش هلاقى للنوبيرا1 جديد

[msobhy]

طيب لما هو هجص .......عملوه ليه ......عياقه مثلا

لأ مش معمول عياقة
لكن معمول علشان علشان تقليل أى تأثيرات حرارية على الحوض
بالاضافة انه بيحمى الكبوت والدهان بتاعه من درجة الحرارة المتوصله وده بدرجة بسيطه
يضاف اليه ال Firewall اللى بيركب فى صدر العربية وميزته برضو حجب الحرارة بشكل عالى من دخولها من حوض العربية الى الكابينة - بالاضافة لتقليل صوت الموتور
طيب بعد كل ده لا ركبت الحاجات ديه هاحس بفرق
بخصوص الحرارة ودخولها للكابينة فى رأى المتواضع ده مش بيحصل
بخصوص الصوت هيقل بالكتير 10%
الهدف الرئيسى اللى كلنا بنجرى وراه هو الصووووووووووووووووت
يبقى مع احترامى للجميع وللعباقره اللى عملوا الحاجات ديه بره
كل ده هجص
اضافة بسيطه خاصة بعباقرة الناس اللى شغاله بره
انا شغال مع شركة يابانية ممكن نقول فعلا انهم عباقرة
دايما بيعملوا اخطاء ساذجة واحنا اللى بنغير طريقة العمل وبنبعت لهم وفعلا طريقة الشغل بتتغير
والله اللى هاقوله ده حصل بالظبط
شركة فى الدنمارك كنا بنتعامل معاه
الناس دول كان عندهم خطأ بشع فى شغلهم وهما مش عارفين يحلوه - احنا عرفنا الخطأ فى 12 ساعة شغل فقط - والحل كان فى خلال 20 دقيقة
بالمناسبة يا أستاذ سمير ممكن نكون مش عباقرة
لكن الاكيد اننا مش معاقين ذهنيا

[nasroo]

في ناس بتقول ان الانوس الهاف اوبشن مافيهاش العازل ده مع اني معايا موديل99 وهاف بس فيها - مش هو اللي لونه اسود وبكلبسات تحت الكابوت

[Shiref_mohamed]

في ناس بتقول ان الانوس الهاف اوبشن مافيهاش العازل ده مع اني معايا موديل99 وهاف بس فيها - مش هو اللي لونه اسود وبكلبسات تحت الكابوت

ايون
ممكن يكون الى قبلك كان مركبه
او ممكن تكون كل اللانوس 1 فيها بطانه