استفسار:العازل الماتور؟

[MMamdouh]

في ناس بتقول ان الانوس الهاف اوبشن مافيهاش العازل ده مع اني معايا موديل99 وهاف بس فيها - مش هو اللي لونه اسود وبكلبسات تحت الكابوت

كل اللانوس 1 فيها العازل

كل اللانوس 2 فول اوبشن فيها العازل

كل اللانوس 2 هاف اوبشن مفيهاش العازل

MMamdouh

[maka]

هو على حسب معلوماتى ان عازل الكبوت ليه اكتر من فايدة:

1. عزل الحرارة: و مش لازم يكون عزل الحرارة بس من الخروج زى ما متعارف عندنا و لكن الاهم هو زى ما فى البلاد الاوربيه وهو عزل البرودة الخارجيه.واكبر مثال على كدة العربية اللادا اللى بينزل فى كل موديلاتها.
2. عزل الصوت: ودة تاثيرة مش بالدرجة العالية الا لو الموتور كله معزول من ناحية الحوض مش مجرد الكبوت.

ايوه انا لاحظت ده فى كل اللادا الاستيراد رغم انها عربيات تعبانة ولا يفرق معاها عزل صوت ولا حرارة

[samirayad]

الناس دول كان عندهم خطأ بشع فى شغلهم وهما مش عارفين يحلوه - احنا عرفنا الخطأ فى 12 ساعة شغل فقط - والحل كان فى خلال 20 دقيقة
بالمناسبة يا أستاذ سمير ممكن نكون مش عباقرة
لكن الاكيد اننا مش معاقين ذهنيا

الجزئيه دى يا أبو مروان عشره على عشره وأنا مقتنع بيها تماما لأنها بتواجهنى فى عملى أيضا ([gdwl]هما فعلا الأجانب حفيظه أنا معاك....بس دؤوبين على العمل .....مش زينا أساتذه فى الحداقه ...على الرغم أن العقل المصرى من أفضل العقول فى العالم .....بس يا خساره .....مستغلينه فى الحداقه للأسف [/gdwl]).........وبالنسبه للهجس وخلافه .....فأنت قولت رأيك ومتمسك بيه ( وده حق ) وأنا قولت رأيى ومتمسك بيه ( وده برضه حقى )...........ولأى أخ فاضل بيطلع على الموضوع وليه رأى سواء موافق لك أو موافق لى( فده حقه )..........أيه رأيك فى الكلام الزين ده........يعنى الكلام الحلو.................

[msobhy]

اخى العزيز الاستاذ سمير
أحب أوضح لحضرتك معلومة صغيرة بالنسبة للموضوع ده
اننا كلنا عندنا مشكلة صوت اللانوس
وبرضو لو تفتكر ان الكلام ده دار بينى وبين حضرتك قبل كده
فيه واحد صاحبنا فى المنتدى واعتذر لعدم تذكرى للأسماء
قام بتغليف عربيته بالكامل من الداخل باللباد المستخدم فى عزل الحرارة والصوت والنتيجة فى الاخر برضو ان الصوت لسه موجود وان كان قل
عضو اخر قام بحقن العتب بالفوم وبرضو الصوت قل فقط
انا كنت هاعمل كل ده بالاضافة لتركيب ال Firewall اللى بيركب على صدر العربية
كل اللى اتكلمت معاهم أكدوا ان كل اللى بعمله مهما وصل مش هايلاغى الصوت زى اللانسر والتويوتا اللى احنا دايما بنقارن بيهم
سبب كلمة هجص اللى قلتها وديه مش موجهه لأى عضو لكن لمحلات قطع الغيار الللى اول ما تفتح الموضوع يقولك ركب الغطاء الداخلى ومش هاتسمع صوت الموتور تانى
وعلى العموم انا سألتك السؤال ده قبل كده وبكرره
هل تعرف اى طريقة للألغاء صوت الموتور الداخل للكابينة فى اللانوس بالاضافة لأصوات الشارع وخاصة صوت الرمل والزلط فى ارضية العربية

[samirayad]

هل تعرف اى طريقة للألغاء صوت الموتور الداخل للكابينة فى اللانوس بالاضافة لأصوات الشارع وخاصة صوت الرمل والزلط فى ارضية العربية

كنت عملتها عندى وبعد كده كنت قلتها لأخواتى ......مقدرش أاقول غير بارك الله فيما رزق .......وأهو الصوت بيسلينا فى الطريق برضه وحتى علشان الواحد يعرف أن المكنه شغاله كويس ....وأعتقد أن عملية عزل الصوت وخلافه بترجع للdesign الأساسى بتاع العربيه

[zocor742]

كنت عملتها عندى وبعد كده كنت قلتها لأخواتى

هو فى طريقة ممكن نعملها نقلل الصوت جوة الكابينة
بجد ارخم حاجة فى الدايو عموما الصوت الى بيجى من ارضية العربية بتحس بأصوات الشارع تحتيك هو مش عيب قاطع بس مش موجود فى عربيات كتير عموما اغلب الكورى كدة بس بالنسبالى صوت الماتور داخل الكابينة مش تاعبنى للأنى بحب اسمع صوت الماتور وانا سايق بس فى العادى مش يكون صوت الماتور بايظ واقول انا بحب الصوت كدة يعنى صوت العربية الطبيعى ومش بيعلى عندى فى العربية غير لما بقرص على الغيار فوق اكتر من 3500 rbm يعنى طالما مش بتقرص الصوت مش عالى

بس لو فية طريقة نقلل بيها اصوات الطريق من ارضية العربية حد جربها وجابت نتيجة ياريت يوضحها واكون شاكر لية

[Sameh]

برغم كل الكلام الجميل والمميزات المذكورة عن العزل ، أنا مش شايف ليه أى لازمة فى عربياتنا هنا فى الحر ده ودوشة العربيات الطبيعية جدااااا

يعنى أنا أفضل إن الحرارة تتسرب للكابوت بكفاءة ومنه للهواء الخارجى وتخف الحرارة شوية عن حوض العربية والسربنتينة وفلتر والهوا والخراطيم والأسلاك اللى فى الحوض ، أما موضوع البوية هتبوظ إمتا بعد 10 سنين ؟ طيب وماله ماهو بعد كدة هتبقا العربية كدة كدة محتاجة رش أصلاً

[maka]

برغم كل الكلام الجميل والمميزات المذكورة عن العزل ، أنا مش شايف ليه أى لازمة فى عربياتنا هنا فى الحر ده ودوشة العربيات الطبيعية جدااااا

يعنى أنا أفضل إن الحرارة تتسرب للكابوت بكفاءة ومنه للهواء الخارجى وتخف الحرارة شوية عن حوض العربية والسربنتينة وفلتر والهوا والخراطيم والأسلاك اللى فى الحوض ، أما موضوع البوية هتبوظ إمتا بعد 10 سنين ؟ طيب وماله ماهو بعد كدة هتبقا العربية كدة كدة محتاجة رش أصلاً

+11111111111

كلام مضبوط

وكمان البوية ممكن تبوظ قبل 10 سنين وده احتمال وارد فى مصر

[samirayad]

بالصدفه وأنا بأتجول فى منتدى الورشه .....صادفنى هذا الموضوع .....وكنت أشتركت فيه من قبل مع الزملاء فى الورشه ................حبيت برضه أنقلكم آراء لزملاء آخرين للأطلاع .................................................. ....http://www.nilemotors.net/Nile/showthread.php?t=63114

[amegoo75]

تماااام انا مش موجود عندى برضة ومخلى العربية سخنة اوى بعد اى مشوار ؟؟؟؟