العربية بتتشفط لورا ليه!!!

[nasroo]

لما بكون ماشي على الثالث والسرعة تنزل على40 او 35 وانقل للتاني بلاقي العربية اتشفطت لورا زي ما اكون فرملت فجأة مع اني على سرعة الغيار التاني وبرضة بتحصل معايا نفس الحركة لما بنقل من الرابع للتالت
بس الحركة دي مابتحصلش على طول وفي الغالب بتحصل لما بكون ماشي بسرعة واهدي مرة واحدة وانقل الغيار على الاقل
انا حاسس ان ده عيب سواق مش كده؟

[A.Saad]

بالظبط كدة
عيب سواق لانه مشترك بيننا
انت لو بتنقل من التانى للتالت على 40
اما تنقل عكسى تكون على سرعة اقل علشان ما تحسش بالفرملة دى

[EslaM_NagY]

زود بنزين وانت بتشيل دبرياج حتلاقى العربية طلعت حلاوة

[MMamdouh]

لازم تعمل rev matching

يعنى لما تنزل نقلة تكبس كبسة بنزين قبل ما تسيب دبرياج عشان ترفع لفات الموتور عشان يتناسب مع سرعة العربية و الترس اللى انت حتعشقة

MMamdouh

[nasroo]

انا عارف اني انا كنت بعمل حاجة غلط عشان كده سألتكم كده انا عرفت غلطتي وهصلحها -

ممكن مشرف القسم يضم الموضوع ده على الموضوع http://www.nilemotors.net/Nile/showthread.php?t=81937
لان الجهاز هنج وانا بكتب الموضوع فنزل مرتين

[Samir Elshahawy]

او تستني شوية و بعدين تنقل يعني تستني لحد ما السرعة تنزل تحت ال 35 و تنقل من الثالث الي الثاني و هكذا بين الرابع و الثالث