فكره عامه عن مراوح دايرة التبريد فى الدايو عامة ( نوبيرا ....أو لانوس )

[samirayad]

- تركب مراوح التبريد خلف الردياتير بغرفة المحرك ..........

- تقوم المراوح بتزويد معدل سريان الهواء خلال زعانف الردياتير وخلال مكثف دايرة التكييف من الخارج ........بغرض رفع كفاءة طرد الحراره للهواء الخارجى (سواء من ردياتير المكنه أو من مكثف التكييف )..........

- بالطبع فأن الحراره للمكنه ستزيد مع عمل المحرك على السلانسيه (وأنت فى الأشارات مثلا ومنتظر فتح الأشاره ) أو عند السير بالسياره على سرعات بطيئه .........

- المروحه الرئيسيه تركب يسار الردياتير وتكون بقطر دائرى يعادل 320 مم ......بينما المروحه المساعده تركب على يمين الردياتير وتكون بقطر 250 مم ...........

- فى بعض أنواع السيارات فانه يوجد فقط مروحه واحده كبيره ....بقطر 320 مم ( فى حالة عدم وجود تكييف )............

- عملية التحكم فى تشغيل المراوح تتم بواسطة وحدة التحكم ( من خلال عدد/ 2 كتاوت .....واحد للسرعه البطيئه والآخر للسرعه السريعه )....

- فى بعض أنواع السيارات الدايو والمزوده بتكييف ومروحتين طبعا ( من الممكن تواجد ريليه أو كتاوت واحد فقط لتحديد السرعات التى ستعمل عندها المراوح عند أحساس وحدة التحكم بالتشغيل المطلوب ).....كتاوت واحد ويطلق عليه series/parallel cooling fan relay

...حيث من خلال المرورللتيار الكهربى فى دايرة توازى أو توالى الريليه ( الكتاوت من الداخل ) يمكن تحديد قيمة التيار الكهربى الازم للمراوح .........يعنى عباره عن أثنين كتاوت فى كتاوت واحد وخلاص .........

- وحدة التحكم ستقوم بأثارة المراوح كهربيا على السرعه البطيئه حينما تتعرف على وصول حرارة مياه التبريد الى 93 درجه مئويه .....

- حينما تصل الحراره الى 97 درجه لأى سبب من الأسباب .....فان وحدة التحكم ستقوم بتشغيل المراوح على السرعه العاليه من خلال أثارة كتاوت السرعه العاليه .....

- سيتم التحول الى تشغيل المراوح مره ثانيه على السرعه الواطيه أو البطيئه حينما يتم النزول بالحراره الى درجة 94 درجه مئويه .......وبالفعل سيتم فصل المراوح كهربيا حينما تصل الحراره الى 90 درجه مئويه ..................................طيب أيه النظام مع تشغيل التكييف .....

- مع طلب التكييف من قبل السائق .....فان وحدة التحكم ستقوم على الفور ....بتشغيل المروحتين على السرعه البطيئه من خلال تلقيط كتاوت السرعه البطيئه .......

- حينما تصل حرارة المحرك الى 115 درجه مئويه أو حينما يصل ضغط الفريون فى جانب الضغط العالى ( الخارج من الكمبروسور ) الى 273 رطل / البوصه المربعه سيتم التشغيل للمراوح على السرعه العاليه .....

- سرعة المراوح ستتحول مره ثانيه الى السرعه البطيئه حينما تصل الحراره الى 112 درجه مئويه......أو حينما يصل ضغط طرد الفريون الى 210 رطل / البوصه المربعه ........

..... طيب أزاى وحدة التحكم بتعرف درجات الحراره دى علشان تشغل المراوح وتتحكم فيها سواء على سرعه عاليه أو واطيه .....

ده بيتم من خلال قرن أستشعار الحراره (حساس درجة حرارة المياه ) عنصر أستشعار الحراره فى عملية التحكم ......

- فى السيارات النوبيرا فأن الحساس يوجد على رأس السلندر أسفل مانيفولد الهواء......بينما فى الانوس فأن الحساس يوجد على المانيفولد نفسه بالقرب من جسم الخانق ......

.

[Badrawy]

شكرا على الموضوع الجميل والمعلومات المفيده

بس على كده التكييف بيسخن العربية جامد ( 93 - 112 ) !!!

[samirayad]

على فكره ده كلام الكتالوج ...........ومقدرش أتكلم فيه .....ودى ناحيه تصميميه ..............وفى الحاجات دى عمرى ما بأتكلم من عندى .....بس حبيت أبين قيم الدرجات والسيناريو اللى بيحصل..............علشان نبقه عارفين الدرجات كويس ............وأن الحراره الطبيعيه للتشغيل بتكون 90 ( اللى بتفصل عندها المراوح ......وطبعا ده بدون تكييف )............أما مع التكييف فده مابيحصلش (وأعتقد حرارة المكنه بتكون عاليه جدا مع التكييف ) وحتلاقى ده السبب اللى بيقلل عملية السحب شويه مع التكييف لأن المكنه بتبقى محمله ............loaded يعنى بحمل أضافى ( اللى هو حمل الكمبروسور )

[Badrawy]

اها واحنا بنحترم الكاتلوجات هههههههه

[samirayad]

طيب الحمد لله ............ودى بالذات اللى مفيهاش لا أريال ولا برسيل .........ههههههههههههه

[ahmedfawzy14]

شكرا على المعلومات يا كبير

[faron525]

رائع يا بشمهندس / سمير الف شكر علي المعلومات القيمة

[samirayad]

شكرا على المعلومات يا كبير

الله يخليك يا أستاذ : أحمد ..........

رائع يا بشمهندس / سمير الف شكر علي المعلومات القيمة

أشكرك يا أخى ............

[ahmedfra]

معلومات جديدة بالنسبة لى . تسلم ايدك يا بشمهندس

[samirayad]

الله يخليك يا أبو حميد............

[waleedrahmy]

جهد وشرح رائع يا سمير باشا السهل الممتنع

[khalid9411]

بارك الله فيك استاذ سمير فى المعلومات القيمة

[samirayad]

الله يخليك يا أستاذ : خالد

[samirayad]

بينما فى الانوس فأن الحساس يوجد على المانيفولد نفسه بالقرب من جسم الخانق ......

فى الحقيقه حدث لبس بعض الشىء فى مكان حساس الحراره بتاع وحدة التحكم فى العربيات الانوس .....وتبين من النقاش مع أخونا : محمد بأن الحساس بتاع وحدة التحكم (على رأس السلندر تحت البوبينا .....) ولكن حساس العداد أوراسل الحراره أو سندر الحراره (كله زى بعضه فى المعنى طبعا ) هو اللى على المانيفولد ............أصل أخوكم برضه ممعاهوش لانوس .....ولازم تفوت عليه حاجات ........أما فى النوبيرا ....وأعتقد المكن 1500 برضه أبو كامتين ....حساس وحدة التحكم وحساس (راسل ) الحراره بتاع العداد ....راكبين فعلا على رأس السلندر من الخلف تحت المانيفولد بس مكانهم رخم فعلا .....أولا لأن مفيش حاجه تحت البوبينا عندنا فى النوبيرا ......دا غير أن الرسم الهندسى للمحرك الdohc مبينهم جنب بعض

ولكن حساس العداد أوراسل الحراره أو سندر الحراره (كله زى بعضه فى المعنى طبعا ) هو اللى على المانيفولد

ليه بقه بيحطوا رواسل الحراره الخاصه بالعدادات عامة على مانيفولد الهواء ومش على رأس السلندر بحيث تلامس الميه وهى سخنه .بحيث يبقى فيه أتصال مباشر بين قرن أستشعار الحساس والميه اللى المفروض حيقيس حرارتها.....مش عارف للأسف.........فأحتمال بيعملوا الحركه دى بحيث يقيسوا حرارة جسم المكنه نفسها لما بتسخن والمفروض بتكون حرارتها قريبه من حرارة الميه برضه

[abo_lamar]

طيب سؤال يا باشمهندس سمير ... كتر تشغبل التكييف ما في الصيف ما بيأثرش على أداء والعمر الافتراضي للموتور على المدى البعيد ؟