الى اصحاب الدايو نوبيرا بكل موديلاتها...استطلاع

[ahmad--ezzat]

ياجماعه انا جاتلى فكره اعتقد هتبقى مفيده لمالكى النوبيرا من اول 98 ل 2009....نطرع المشاكل اللى واجهة كل واحد والعيوب اللى موجودة فى العربيه ونبحث مع بعض عن حلول لبها ...سواء عيوب تكييف او عيوب تقفيل او عيوب فى المحرك واى حاجة تحصل لاى عضو يشارك ويكتب المشكله....وهيبقى مرجع

انا عارف ان فى موضوع ممتاز عن الانوس للعيوب وحلولها ومعظمها يشبه النوبيرا...ولكن الموضوع دة هيبقى مخصوص للنوبيرا...يعنى انا مثلا مثلا بعد ماركبت الفرش للعربيه جديد بسمع صوت تزييق فى الكنبه الخلفيه معرفش ليه بس قل لوحدة برضه مش عارف ليه....

وشكرا...

[ahmad--ezzat]

ايه الصحراء دى طب حد يقول حاجة :)

[MMamdouh]

..يعنى انا مثلا مثلا بعد ماركبت الفرش للعربيه جديد بسمع صوت تزييق فى الكنبه الخلفيه معرفش ليه بس قل لوحدة برضه مش عارف ليه....

وشكرا...

الضهر بتاع الكنبة مش ثابت مكانة تمام و الشنكل بحك فى اللسان الحديد

MMamdouh

[samourai]

مفيش صحرا ولا حاجه كلنا موجودين :-) أول حاجه : الفوجات بتتحرق لما بتركب لمبات بوات أعلىتانى حاجه : جلب المقصات والحل هو بيتغير المقص كله بالمقص الأسبانىتالت حاجه : أنسداد مخارج تدفق المياه الخاصه بالزجاج الأمامى على فترات قريبهرابع حاجه : موضوع الأنجكشن وأنسداده واللى بيسبب أستهلاك بنزين أعلى + تأخر فى الدواره والحل الزجاجه بتاعة تسليك الأنجكشن (18.5 جنيه) اللى بتتحط عند تفويل السياره كل فتره 3أإشهر أو تغير طقم الأنجكشن بأنجكشن أستيراد أكسنت 1500 أو ألنترا أو بى أم أم 40 موديلات التمانينات واللى مركته بوش ألمانى وتكلفته 200 جنيه غير أجرة الصنايعى.خامس حاجه : أرتفاع السياره عن الأرض من الخلف واطى شويه وده مش هنقدر نعمل فيه حاجه لأنه تصميم ونفس الكلام بالنسبه للصاج ولكن ديه مشكله عامه فى كل الكورى واليابانى.سادس حاجه : الفيشه اللى تحت الكرسى الخاصه بلمبة مؤشر عدم أرتداء حزام الأمان دايما يحصل فيها مشاكل وبالتالى اللمبه مش بتنور فى التابلوه.سابع حاجه : التنعيره بتاعة الشكمان عند السحب بقوه لكن بصراحه أنا بحب أسمعها بجد فعلا لذيذه وبحس أن الموتور بيزأر من قوته.تقريبا ديه أشهر حاجات واللى عنده ملاحظات تانى ياريت يتفضل علشان كلنا نستفيد.تحياتى ، م/ سمير رياض

[ahmad--ezzat]

التنعيره بتاعة الشكمان عند السحب بقوه لكن بصراحه أنا بحب أسمعها بجد فعلا لذيذه وبحس أن الموتور بيزأر من قوته.تقريبا ديه أشهر حاجات واللى عنده ملاحظات تانى ياريت يتفضل علشان كلنا نستفيد.تحياتى ، م/ سمير رياض

شكرااااا للمعلومات الجميله دى يا سمير باباشا

هو فعلا بالنسبه للنعره دى انا شايف انها مش وحشة ..انا بحب اسمها وبميز عربيتى بيها
بس اللى مش بيعحبنى موضوع طنابير العربيه وغيرتها فى التوكيل 1000000 مره وبرضه هزة خفيفه بتحصل

[Morieno]

الموضوع حلو قوى
احنا نعمل شوية حاجات عشان نقوى الموضوع شكلا
1- نطالب الإدارة بتغيير إسم الموضوع ال "دليل النوبيرا"
2- نعمل اكبر كم ممكن من المشاركات المفيده عشان نطلب التثبيت

[Morieno]

بالنسبه بقى للعربيه مضمونا
1- الصاج خصوصا بتاع الرفرف مش عاجبنى قوى كل ما حد يسند ايده عليه يعلم
2- موضوع الدوارة دا
3- الإرتفاع عن الارض
غير كدا انت بتتكلم عن تحفه فنيه عالية الجوده

بذمتكم فى حد بيعمل موضوع فى منتداه يجيب فيه سيرة المساوئ اللى فى عربيته غيرنا هههههههههههههههههه

المهم اللى عنده مشاكل يكتب حتى لو حلها يكتب المشكله ايه وحلها ازاى

لو حد عنده ترشيح لصانيعى او نوع قطعة غيار "قطع - ذيوت - سوائل) خاص بالنوبيرا ياريت يكتبوا

طبعا اول حاجه عاوزين حد يجيب الكاتلوج

لو حد عنده تعديلات خاصه بالنوبرا يكتبها ويجيب صورها

اى حاجه فى اى حاجه ليها علاقه بالنوبيرا ياريبت تتكتب هنا

ونداوم على الموضوع دا عشان يبقى بجد "دليل النوبيرا"

[samourai]

مشكلة الطنابير ديه بتيجى من سببين تراب الشارع بتحشر بين التيل والطنبوره أو أن التيل راكب فيه أعوجاج وبالتالى الحمل بيكون من ناحيه أكتر من التانيه وبيتاكل عندها ، السبب الأول وهو التراب ملوش حل وبيسبب صوت خشونه عند الضغط على الفرامل ، السبب التانى أنه لازم اللى يركب التيل أو الطنبوره ميكانيكى كويس علشان يركبهم فى حالة توازى

[samourai]

فعلا صاج الرفرف ورا وقدام ضعيف ده أنا مره موتوسيكل بهدلى الرفرف اللى ورا من خبطه خفيفه لكن زميلى اللى معاه لانسر نفس المشكله ، بالنسبه للزيت المحرك هو أكس أتش بى وبغيره كل 3000 الالاف بدلا من 5000 الالاف

[Morieno]

أكنت بستخدم اكس اتش بى فى الأكسنت لكن مع النوبيرا كله قالى ان شيل الاصفر اكثر لزوجه فحطيت منه
هقدر احكم بعد تغييرتين كدا وربنا يصلح الحال

[ahmad--ezzat]

بالنسبه بقى للعربيه مضمونا
1- الصاج خصوصا بتاع الرفرف مش عاجبنى قوى كل ما حد يسند ايده عليه يعلم
2- موضوع الدوارة دا
3- الإرتفاع عن الارض
غير كدا انت بتتكلم عن تحفه فنيه عالية الجوده

بذمتكم فى حد بيعمل موضوع فى منتداه يجيب فيه سيرة المساوئ اللى فى عربيته غيرنا هههههههههههههههههه

المهم اللى عنده مشاكل يكتب حتى لو حلها يكتب المشكله ايه وحلها ازاى

لو حد عنده ترشيح لصانيعى او نوع قطعة غيار "قطع - ذيوت - سوائل) خاص بالنوبيرا ياريت يكتبوا

طبعا اول حاجه عاوزين حد يجيب الكاتلوج

لو حد عنده تعديلات خاصه بالنوبرا يكتبها ويجيب صورها

اى حاجه فى اى حاجه ليها علاقه بالنوبيرا ياريبت تتكتب هنا

ونداوم على الموضوع دا عشان يبقى بجد "دليل النوبيرا"

انا مؤيد الفكره جدا....وعندك حق والله فى موضوع المساؤى دة محدش بيعمل كده

[ezz2006]

سادس حاجه : الفيشه اللى تحت الكرسى الخاصه بلمبة مؤشر عدم أرتداء حزام الأمان دايما يحصل فيها مشاكل وبالتالى اللمبه مش بتنور فى التابلوه

انا عندي نفس المشكلة بس لسه محلتهاش يمكن الفيشة لازم تتغير - هجرب واقول لكم

[ezz2006]

أنا جربت موبيل وجربت شيل ومش هحطهم تاني إنشاء الله وجبت بترومين الترا 7 وكويس الي الآن

[ezz2006]

كمان كان عندي الزجاء الأمامي طفل دشة بطوبة غيرتة بالأصلي برضة بــــ 320 ج بس لقيت واحد تاني بيغيرة بـــــــــ 300 فقط

أيضاً التابلوة بعد تغيير الزجاج كان بيعمل تزييق من الناحية اليمني من السيارة وزهقني وبعد فترة راح التزييق خالص لوحدة الحمد لله ولا رحت لحد يربط تابلوة ولا حاجة

[ezz2006]

الزجاج اليمين الأمامي كان يطلع ويقف في المنتصف

ذهبت لورشة تختص بالأبواب - فقام بقص بعض طروف المطاط المحيط بالزجاج - بعد ذلك إلي الآن يعمل بكفاءة الحمد لله

طلب 25 ج اعطيتة 20ج