الى اصحاب الدايو نوبيرا بكل موديلاتها...استطلاع

[mummy_47]

يااااااااااااااه اخيرا لقيتكم دا انا طلع عينى مع العربيه من اول ما جبتها ومكنتش لسه اعرف الموقع ده يا جماعه كنت لسه شارى العربيه موديل 2005 حالتها جميله بس كان فيه مشكله للدواره لفيت حوالى شهرين وصرفت حوال 3000 جنيه سبراى تنظيف وتنضيفات وسير كاتينه اكتار من اربع مرات كانوا بيقولوا ماخر كهربا وفى الاخر عرفت انه عيب رشاشات وبمجرد ما غيرتها العيب راح وبقت تمام التمام وبعديها عرفت الموقع دا ودخلت اكنى لسه مصلحتش العيب بتاعى وفعلا بمجرد ما قلت كده ناس قالتلى رشاشات وش ياريتنى كنت معاكوا من الاول بس قدر الله وما شاء فعل بس انا معاكوا بقى عشان بجد النوبيرا من العربيات اللى مش اى ميكانيكى يشتغل فيها وبالذات سير الكاتينه بتاعها تركيبه بيحتاج زرجينه مش موجوده الا فى التوكيل بس انا معاكوا اهو فيه بقى مشكله عندى بسمع صوت تزييق جاى من الدلكسيون وفيه خبط كل ما احرك الدلكسيون يمين او شمال احس بحاجه تحت رجلى بتخبط يا ترى ده علبه دلكسيون ولو كده اعمل ايه واروح فين ويتكلف كام وشكرا

انا عمري ما سمعت عن الزر جينه ديه..والميكانيكي بيفكه ويركبه في 10 دقائق بدون مبالغة...العربية مفيهاش اي تعقيدات بالمره واي ميكانيك فاهمها ..

[Morieno]

يااااااااااااااه اخيرا لقيتكم

حمدالله على السلامه

سير الكاتينه بتاعها تركيبه بيحتاج زرجينه مش موجوده الا فى التوكيل

اكيد انا ماشفتش الزرجينه دى قبل كدا عشان انا مارحتش عمرى التوكيل
بس الميكانيكى اللى على الناصيه كل يوم اعدى الاقيه فاتح عربيه نوبيرا اقله بتعمل ايه يقلى كاتينه وعمرى ما شفت فى ايده زرجينه ...... ما علينا

غالبا صليبة السكترة
mmamdouh

باشا هى دى تتكلف كام كدا عشان تتظبط
اصل بسمع ساعات اصوات كدا "تزييق وطرقعه" وخصوصا لو العربيه بارده

[Morieno]

هل الثبات ف كل موديلاتها متقارب يعنى ف 2001 زى 2008 مثلا ؟ نفس التكنولوجيا يعنى ولا ايه ؟ عشان مش فاهم اوى ف الحاجات دى ...

أسف انى مرديتش على النقطه دى اول مره .... بس موضوع زرجينة الكاتينه دى استفزتنى بصراحه .... ما علينا

المهم طبعا الثبات واحد فى كل النوبيرا لانهم نفس الوزن نفس الأبعاد ونفس نظام التعليق وطبعا نفس التكنولوجيا

اعتقد والله اعلم "لانى ماركبتش العشر موديلات بتاعت النوبيرا 2 99-2009" اعتقد ان التكنولوجيا الوحيده اللى اتغيرت هى الكاسيت ونوع الكاوتش ... فيما عدا ذلك فكله برتقال

[MMamdouh]

باشا هى دى تتكلف كام كدا عشان تتظبط
اصل بسمع ساعات اصوات كدا "تزييق وطرقعه" وخصوصا لو العربيه بارده

مش عارف بصراحة

MMamdouh

[elmashboh]

احنا نسينا النوبيرا اتوماتيك كانت معايه قبل الانوس والفتيس باظ منى مرتين والعربيه تبطل لوحدها اول ميتحرك سألت قالو فتيس الكورى الاتوماتيك كدا زى الزفت قولت بقه يعوض عليه ربنا وحاجه تانيه كان اخرها معايه 160 مهما عملت كك داون اى حاجه تموت بعد 160؟

[boody_2009]

يا جماعه واللهى انا سير الكاتينه ده بهدلنى ممكن اكون روحت لميكانيكيا تعبانين بس ده اللى حصل كان السير بيغلبه فى التركيب والبليه فلتت مرتين منه واتكسرت وهو بيشده وجبتها معرفش لو كده حد يقولى ميكانيكى كويس فى النوبيرا وبتاع عفشه كمان ياريت انا ساكن فى الاميريه حد يقولى ميكانيكى قريب منى وشكرا

[haimaN]

السلام عليكم اخوانى

بجد موضوع جامد جدا وفيه تقريبا كل حاجة عن العربية

انا مشكلتى كلها واللى مجنينانى هى
انى لما بكون ماشى براحة وبتكون فى حته فيها مطبات بسمع صوت طقطقة على الجنب الشمال قدام

غيرت مقصات جداد
غيرت بارات جداد
غيرت جلب ميزان جداد

وبرده الى الان اسمع صوت الطقطة ده

[Sherif Khalifa]

السلام عليكم اخوانى

بجد موضوع جامد جدا وفيه تقريبا كل حاجة عن العربية

انا مشكلتى كلها واللى مجنينانى هى
انى لما بكون ماشى براحة وبتكون فى حته فيها مطبات بسمع صوت طقطقة على الجنب الشمال قدام

غيرت مقصات جداد
غيرت بارات جداد
غيرت جلب ميزان جداد

وبرده الى الان اسمع صوت الطقطة ده

شيك على دشم الفرامل
ممكن تكون صوابع الكبلر مبوشة بتعمل الصوت دة
مانت عندى و غيرت ال 4 صوابع ب طقم جديد و الصوت راح
لو غيرتهم و الصوت مرحش كدة هتكون دشم الرفامل نفسها بوشت

[haimaN]

شيك على دشم الفرامل
ممكن تكون صوابع الكبلر مبوشة بتعمل الصوت دة
مانت عندى و غيرت ال 4 صوابع ب طقم جديد و الصوت راح
لو غيرتهم و الصوت مرحش كدة هتكون دشم الرفامل نفسها بوشت

تسلم على الاهتمام هاغيرهم يوم السبت اللى جاى ان شاء الله وهاقولك على الاخبار
تسلم على الرد والاهتمام

[Sherif Khalifa]

تسلم على الاهتمام هاغيرهم يوم السبت اللى جاى ان شاء الله وهاقولك على الاخبار
تسلم على الرد والاهتمام

الكشف على الكبلر انك تفك العجل و تمسك الدشمة نفسها و تهزها لجوة و برة لة اتحركت معاك كدة يكون فى بوش

[ahmad--ezzat]

انا عندى الخامس بيزرجن ساعات ولازم ارزعه جامد...ياترا ايه المشكله دى

[waleedraafat]

يا جماعه واللهى انا سير الكاتينه ده بهدلنى ممكن اكون روحت لميكانيكيا تعبانين بس ده اللى حصل كان السير بيغلبه فى التركيب والبليه فلتت مرتين منه واتكسرت وهو بيشده وجبتها معرفش لو كده حد يقولى ميكانيكى كويس فى النوبيرا وبتاع عفشه كمان ياريت انا ساكن فى الاميريه حد يقولى ميكانيكى قريب منى وشكرا

فيه ميكانيكي قريب منك امام مستشفي الزيتون الجديدة في شارع عمر المختار (الشارع الجديد الي فيه قسم الاميرية والمرور) هو بعد قهوة قمر الزمان في نفس الصف بجوار محل تغيير زيت ومحل اطارات وبيشتغل في الدايو (هتلاقي امامه عربيات دايو كتير واقفة) ، انا ما جربتوش في شغل تقيل بس انا شايفه فاتح مواتير وشغال جامد ، وبالتوفيق

[medhat3377]

لو سامحتم فى حد عنده جهاز التراسونيك بتاع تنذيف الرشاشات فى الاسكندريه يا ريت مكانه او تليفونهلانى دايخ و مش عارف اوصل لحد

[medhat3377]

مسلء الفل على المنتدى الى زاى العسل يا جماعه محتاج المساعده عايز اغير المساعدين النوبيرا و بفكر فى المونرو الريفلكس غاز و زيت بس خايف بعد ما اجيبهم يطلعو مش بالنعومه لاالى فيها و المقصود برده يكون الثبات عالى زاى البى ام لو حد ركبهم او عندو واحد صاحبو ركبهم يقولى يا جماعه عن مدى النعومه و الثبات و شكرا يا احلى منتدىارجو السرعه مفيش وقت لانهم بايزين و انا من لوران فى الاسكندريه

[walid_354]

ايه اخباري الغاز في النوبيرا ينفع ولا فيه مشاكل

ايه اخباري الغاز في النوبيرا ينفع ولا فيه مشاكل