لا و ألف لا لبنزين 80

[playeeer_fishooo]

ألف حمد لله على سلامتك أولا

ثانيا متحطش عيب تلف طرمبة البنزين بسبب بنزين 80 لأنك لو حطيت مياه أو جاز أو أي سائل الطلمبة لازم تضغطها للمواسير ، وسواء 80 أو 90 أو 92 كلهم هتلاقي العوامة عليها طبقة من الرواسب مع اختلاف اللون (جرب وهتلاقي الحكاية دي)

وأكيد المتور كان بدأ يطلع صوت تقطيع أو صوته علي خالص وعمره الإفتراضي انتهى قبل ما يقطع خالص ، وأكيد هو الأصلي بتاع العربية علشان مش بيعيش كتير أصلا.

غير إن كل التاكسياات ( لانوس فيرنا شاهين اسبرانزا ) شغالة بال80 من غير أي مشاكل نهائي بسببه لا حساس شكمان ولا رشاشات ولا غيره

والعربية اللي بقالها 7 سنين معاه ومغيرلهاش حاجة روحلها وشوفها هتلاقيه راكنها طول اليوم وبيتفرج عليها مش بيشغلها ولا بيستعملها أصلا

وأنا شخصيا لو لاحظت إنه هيسبب مشاكل بنسبة 1% مش هافكر أستعمله أصلا ، هو عيبه الوحيد البطء في السحب والتسارع فقط

وتقبل رأيي المتواضع

:m_yes[1]:

فعلا يا سترونج الطرمبة الاصلية بتاعتها بس الطرمبة الاصلية برده مع واحد ف عربيته لانوس 2005 و لسه شغااااااله تمام و الله و عامل 100,000 بس بيستخدم بنزين 92

[samirayad]

اللون البرتقالي او الاحمر للبنزين ال80 والاخضر للبنزين ال 90 هو لتمييز نوع الاوكتين وليس له علاقه نهائي بنسبة السوائب ....ده اللي اعرفه ولو حد عنده جديد يصحح لنا المعلومة.

كلام سليم

[waleedrahmy]

حط بنزين 80 لو مشوايرك سفر كلها و90 لو داخل البلد عشان العربية ما تسقفش منك

[abo_lamar]

اولا الحمد لله انها جت على قد كده .
ثانيا كفاية يا راجل الطابور الطويل اللي بتقفه عشان تمون بنزين 80 وكأن البنزين ببلاش .. يا راجل هين قرشك ولا تهين نفسك وخليك على بنزين 92 أحسن وربنا يكفيك شر الطريق .. أمين

[MMamdouh]

بس حط بنزين 80 فى زجاجة وبنزين 90 فى زجاجة تانية .. هتلاقى ال 80 لونه احمر وده طبعا من الشوائب والرواسب ونسبة الكبريت الكبيرة ...

الوان البنزين دى لتحديد نوع البنزين من خلال النظر... البنزين فى الاصل ملوش لون... اعتقد نفس القصة معمولة فى الغاز الطبيعى اللى فى الاصل ملوش ريحة و بتضاف له ريحة نفاذة عشان الناس تتنبة لو حصل تسرب

نقطة كمان و هى ان البنزين فى مصر خالى من الرصاص بغض النظر عن درجة الاوكتين

العربية دى لما طلعت مكنش فى حاجة اسمها 90 ولا 92 ... لكن تحس ان البلد عايزه تبوز البنزين ال 80 عشان الناس تقرف منه ومش تستعمله تانى

البلد اصلا عاملة تدعيم البنزين غلط.... ليه ادعم اصلا بنزين 95؟؟؟ هو اللى بيحط 95 محتاج دعم؟؟؟

لية اخللى سعر ال 90 و ال92 فرق بريزة.... طيب هل فيه حد اصلا بيحط 90 دلوقتى؟؟؟

ليه اخللى ال 80 ارخص من السولار مع ان اللى بيركب تاكسى مش مرفة زى اللى بيركب مكروباص؟؟؟؟

MMamdouh

[bishoy02010]

البنزين ملوش اى علاقة بأن الطرمبة تبوز حط ميه مكانة مش هيفرق مع الطرمبة فى حاجة المشكلة اللى بوظت الطرمبة عندك لو كانت من البنزين هتكون من الشوائب والرواسب اللى فيه وطبعا ديه مش مشكلة بنزين 80 ولا 90 ولا 95 حتى ديه مشكلة خزان محطة البنزين اللى بتحط منه انا عن نفسى يا احط بنزين من وطنية يا لو ملقتش يبقى 90 الفكرة فى المحطة النظيفة مش فى البنزين نفسة

[playeeer_fishooo]

حط بنزين 80 لو مشوايرك سفر كلها و90 لو داخل البلد عشان العربية ما تسقفش منك

انا عملت فيشة الاوكتين زي ما استاذ ممدوح قال و مفيش تسقيف خالص

[playeeer_fishooo]

اولا الحمد لله انها جت على قد كده .
ثانيا كفاية يا راجل الطابور الطويل اللي بتقفه عشان تمون بنزين 80 وكأن البنزين ببلاش .. يا راجل هين قرشك ولا تهين نفسك وخليك على بنزين 92 أحسن وربنا يكفيك شر الطريق .. أمين

يا باشا اصل انا من السويس ف 80 متوفر و الحمد لله

[shanodaa]

طب انت بقائلك قد ايه بتسخدم ال 80 يا استاذ شنوده ؟؟

36000 km

[msobhy]

36000 km

15000 km

[Michael_Lanos]

حرام عربيه محترمه نتعبها ببنزين 80

اللى عاوز يحط 80 يجيبله لادا ولا 128

لكن وجهه نظره حرام كده فى دايو

[msobhy]

حرام عربيه محترمه نتعبها ببنزين 80
اللى عاوز يحط 80 يجيبله لادا ولا 128
لكن وجهه نظره حرام كده فى دايو

كلامك صح يا مايكل انا والله على عينى لما بحط 80 لكن الظروف الاقتصادية هيه اللى بتحكم
يا جماعة اللى عايز فعلا يعرف التأثير السيئ بتاع البنزين ال 80 يتفضل يجرب عربيتى
صوت عالى وتسقيف وضعف سحب وحاجة تقرف
بس للأسف الظروف بتحكمنا
انا ماشى على مبدأ تفويله وتفويله مره 92 ومره 80 لكن الملخص اللى يقدر يحط 92 بلاش يوفر احسن له

[playeeer_fishooo]

كلامك صح يا مايكل انا والله على عينى لما بحط 80 لكن الظروف الاقتصادية هيه اللى بتحكم
يا جماعة اللى عايز فعلا يعرف التأثير السيئ بتاع البنزين ال 80 يتفضل يجرب عربيتى
صوت عالى وتسقيف وضعف سحب وحاجة تقرف
بس للأسف الظروف بتحكمنا
انا ماشى على مبدأ تفويله وتفويله مره 92 ومره 80 لكن الملخص اللى يقدر يحط 92 بلاش يوفر احسن له

اضبط فيشه الاوكتين و انت هتتحسن العربية معالك ع ال 80 و السحب هيزيد انا جربته و كان زي الفل

[Drift_Lover]

اللى عاوز يحط 80 يجيبله لادا ولا 128

حد معاه 128 بيفولها 92 وندخلها راس في راس مع لانوس ماشيه ب 80 علشان خاطر مايكل.

[samirayad]

حرام عربيه محترمه نتعبها ببنزين 80

اللى عاوز يحط 80 يجيبله لادا ولا 128

لكن وجهه نظره حرام كده فى دايو

حد معاه 128 بيفولها 92 وندخلها راس في راس مع لانوس ماشيه ب 80 علشان خاطر مايكل.

أرجو قراءة هذا الموضوع

من هنا