صوت رنة أو زنة او زغرطة فى اول كل غيار ما عدا الخامس

[mohsen]

عربيتى لانوس 97 مانيوال من فترة بدأت الاحظ صوت رنة او زنة سريعة فى اول كل غيار( بتختفى فقط لما بشبع الغيار يعنى ف اخر كل غيار أو لما ادوس دبرياش أو امور) مع ملاحظة ان الصوت كانه خارج الفتيس
هل مر احدكم من قبل بنفس المشكلة وهل ممكن زيت الفتيس يكون ناقص او يكون الشكمان بيلمس ف بطن العربية مع العلم ان غيارات الفتيس كلها ناعمة وسلسة
وشكرا مقدما على الردود

[hazem_khidr]

يا تري الزغرطه دي بتحس بيها في عصايا الفتيس ولا العصايا بيتبقي هاديه؟؟؟؟؟
يا تري و انت واقف بالعربيه و بتسخنها الصبح بتحس ان العربيه بتتحرك حركه بسيطه ولا لاء؟؟
قبل ما تفتح شغل في العربيه بص علي الشكمان الاول يمكن يكون افيز سايب.
لو كله سليم غير زيت الفتيس و شوف في ايه .
لو الصوت لسه موجود روح لميكانيكي لو قالك دي غزايش فتيس يبقي غير الفتيس ما تحاولش تصلحه علشان ما يتعبكش

[Abdallah]

الزغرطة دى على حد علمى بتبقى من الموتور مش من الفتيس بس انت بتحس انها من الفتيس, اعتقد ان العربية عندك واخدة كهرباء زيادة وزمان فى العربية الكاربراتير كنا بنظبط الاسبراتير ولكن طبعا فى الانجشكشن معرفش ايه نظامه.
احتمال تانى لو كنت غيرت سير كاتينة من قريب انك هتحتاج تظبطه لأنه ممكن ميكونش مظبوط, طالما الفتيس ناعم وسلس اياك تيجى جمبه ولو حتى بتغيير الزيت , انا غلطت الغلطة دى وللاسف الفتيس تقل عن الاول بعد ما غيرت الزيت.

[mohsen]

يا تري الزغرطه دي بتحس بيها في عصايا الفتيس ولا العصايا بيتبقي هاديه؟؟؟؟؟
يا تري و انت واقف بالعربيه و بتسخنها الصبح بتحس ان العربيه بتتحرك حركه بسيطه ولا لاء؟؟
قبل ما تفتح شغل في العربيه بص علي الشكمان الاول يمكن يكون افيز سايب.
لو كله سليم غير زيت الفتيس و شوف في ايه .
لو الصوت لسه موجود روح لميكانيكي لو قالك دي غزايش فتيس يبقي غير الفتيس ما تحاولش تصلحه علشان ما يتعبكش

-العصاية هادية
-العربية ثابتة

[mohsen]

الزغرطة دى على حد علمى بتبقى من الموتور مش من الفتيس بس انت بتحس انها من الفتيس, اعتقد ان العربية عندك واخدة كهرباء زيادة وزمان فى العربية الكاربراتير كنا بنظبط الاسبراتير ولكن طبعا فى الانجشكشن معرفش ايه نظامه.
احتمال تانى لو كنت غيرت سير كاتينة من قريب انك هتحتاج تظبطه لأنه ممكن ميكونش مظبوط, طالما الفتيس ناعم وسلس اياك تيجى جمبه ولو حتى بتغيير الزيت , انا غلطت الغلطة دى وللاسف الفتيس تقل عن الاول بعد ما غيرت الزيت.

-مغيرتش سير الكاتينة

[MMamdouh]

الحقيقة مش قادر افتى لان انا مشمعتش الصوت... ممكن تبعتلنا تسجيل صغير للصوت اللى بتشتكى منه؟

MMamdouh

[mohsen]

انا متشكر اوى لاهتمامكم وهحاول اسجل الصوت

[mohsen]

انا مرة كنت فاتح الكبوت بالليل وشوفت ان فى شرز بيحصل فى نهاية سلك البوجيه والبوجيه رقم واحد/ وبيحصل ما بين صاجة الفرن والغلاف الالومنيوم بتاع البوجيه رقم تلاتة
ياترى ممكن اربط بين الظاهرة دى و رد الاخ الفاضل "عبدالله" ان الكهربا مش مضبوطة وهى السبب ف الزغرطة او الزنة الى بتحصل دى
وهل الشرز ده سببه ان طقم سلوك البوجيهات عمره الافتراضى انتهى ولازم اغيره ولا السبب ان فى افيز بيمسك السلوك مش موجود والسلوك بتتهز
سؤال اخير المفروض لما اخلع سلك بوجيه امسكه منين ثم اشد لبره من الجزء الكاوتش ولا من الغلاف الالومنيوم
واسف لانى اثقلت عليكم اوى

[MMamdouh]

الشرارة معناها تهريب كهرباء من الكابلات... اما السلك مش راكب كويس او انه تعب... هى الكابلات عاملة كام الف؟؟

لما تفك الكابل امسكة من الكاوتش مش من السلك و خللى بالك الغلاف الالومنيوم ممكن يكون سخن و يحرق ايدك

MMamdouh

[mohsen]

السلوك كلها راكبة كويس وعاملة (130) الف كم
هل تنصح بتغيير طقم سلوك البوجيهات
وشكرا للرد

[sherif80]

على فكرة ممكن يكون الصوت ده من علبة الشكمان اللى تحت الفتيس (علبة البيئة) لأن الموضوع ده حصل مع واحد صاحبى قبل كده يعنى ممكن تكون الشرائح المعدنية لحاماتها فكت و بالتالى تلاقى صوت زنة

[MMamdouh]

السلوك كلها راكبة كويس وعاملة (130) الف كم
هل تنصح بتغيير طقم سلوك البوجيهات
وشكرا للرد

جرب افتح الكابوت و العربية دايرة فى حتة ضلمة كحل... لو لاقيت الشرارة بتنط من سلك او اكتر يبقى السلوك تعبت و عايزة تتغير

MMamdouh

[MMamdouh]

على فكرة ممكن يكون الصوت ده من علبة الشكمان اللى تحت الفتيس (علبة البيئة) لأن الموضوع ده حصل مع واحد صاحبى قبل كده يعنى ممكن تكون الشرائح المعدنية لحاماتها فكت و بالتالى تلاقى صوت زنة

او ممكن علبة الشكمان اللى فى النص... بس طبعا انا مش عارف عشان مسمعتش الصوت

MMamdouh

[sherif80]

انا قصدى فعلا العلبة اللى فى النص

[mohsen]

شكرا لكم جميعا انا هبص على الشكمان واشوف